Exodus 32:5 - Bible Ni Thothup

⁵ Ma aram me toy Aron ba altar u m’on ko fare fak e garbaw ni pumo’on nib gol me ga’ar, “Gabul e ngad ngongliyed ba madnom ngad liyorgad ngak SOMOL.”

Exodus 32:5 Referans Kwoze

2 Kings 10:20

Me yog Jehu e n’en ni ngan rin’, “Mogned reb e rran ni ngan tayfan Baal!” Minog reb e rran,

Levitikus 23:37

Irera’ e pi madnom ni kan turguy ni ngu’um liyorgad riy ngak SOMOL ni ngu’umbad nga ta’bang ni fan ko liyor nge ggan ni ngu’um pi’ed, nge maligach ni mo’oruf, nge maligach ni grain, nge maligach ni gamanman, nge wayin ni rogon nike yog e motochiyel ni nga ni pi’ u reb e rran nge reb.

Levitikus 23:2

e pi gafal ni ba’aray ni fan ko pi madnom nturguy, ni aram e ngiyal’ ni nge mu’ulung e girdi’ nu Israel ngar ted fan SOMOL.

1 Korinth 5:8

Ere gathi flowa ni bay fa bin kakrom e is riy ni aram e denen nge ngongol nib kireb e ngad madnom niged e madnom rodad ngay, ya ngad madnom niged e madnom rodad ko flowa ni dariy e is riy, ni flowa ko machalbog nge tin riyul’.

Hosea 8:14

“Girdi’ nu Israel e kar toyed bogi tafen e pilung, machane kar paged talin e en ni sunmiyrad. Ma girdi’ nu Judah e kar toyed bogi binaw ni kan yaroriy ni fan ko mael, machane bay gu pi’ e nifiy nge urfiy fapi tafen e pilung nge fapi binaw rorad nga but’.”

Hosea 8:11

“Ra be yo’or e altar ni be ngongliy yu Israel ni fan ko denen ni nge chuw e denen, ma aram tagil’ e denen ni fin be yo’or.

2 Kronicles 30:5

ere ra pininged piyu Israel ni gubin, ni mus ko ganong rok Dan u lan e lel’och nge yan i mada’ nga Beersheba u lan e yimuch, ni ngarbad nga ta’bang u Jerusalem ngan madnomnag e Paluk’af ni bod rogon ko Motochiyel, ni nge yo’or e girdi’ e yaney ko gubin yay.

2 Kings 16:11

Ma aram me ubung Uriah ba altar nri bod ya’an fare altar nge mu’nag u m’on ni nge sul Ahaz.

1 Kings 21:9

Re gi babyor nem e bay e thin riy ni ga’ar: “Nga mogned reb e rran ni ngan pag e abich, mi gimed ulunguy e girdi’, mi gimed yog ngak Naboth nge par ko gin ntagil’ e en ni yibe tay fan.

1 Samuel 14:35

Me toy Saul ba altar ngak SOMOL, ni aram e bin som’on ni toy.

Levitikus 23:21

Rofen nem e dab mu ngongliyed e maruwel romed ko yu rran, ya ngam mu’ulunggad ngam ted fan SOMOL. Ren’ey e nggi’i rin e pi’in owchamed e chiney i yan ngaram, ndemturug e gin yad be par riy.

Levitikus 23:4

Irera’ fapi madnom rok SOMOL ni nge taw ko rran riy mi gimed mu’ulung ngam ted fan SOMOL.

Exodus 32:4

Me fek Aron fapi talbuch nge ranrannag ko nifiy, me pu’og ngalan ban’en, nge ngongliy ya’an ba fak e garbaw riy ni pumo’on. Me ga’ar e girdi’ nu Israel, “Yu Israel, irera’ e got rodad, ni ir e gafaliydad nga wuru’ yu Egypt.”

Exodus 12:14

Re rran nem e nge par ni puguran ngomed; thingar um madnom niged ni gimed be tayfan SOMOL. Thingar mu madnom niged ni gubin e mfen ni nge par nib madnom ndab ni pag.”

Exodus 10:9

Me fulweg Moses ni ga’ar, “Gamad gubin ni nggu warod, nra un pifakmad nge pilibthir romad; bayi un ngomad pifakmad ni pumo’on, nge ppin, nge pi saf, nge pi kaming, nge pi garbaw ni fakmad, ya thingar gu ngongliyed ba madnom ni fan ngak SOMOL.”

Exodus 32:6

Me reb e rran riy nri kab kadbul miyad pi’ e maligach ni mo’oruf, miyad fek i yib e maligach nma gapaseg thilin Got nge girdi’; miyad par nga but’ ngu’ur abichgad ma yad be garbad, miyad cheal ngu’ur rin’ed e tin galong ma yad be chingnag.

Exodus 17:15

Me toy Moses ba altar me tunguy fithingan ni ga’ar, “I SOMOL e Flak rog.”