Exodus 32:32 - Bible Ni Thothup

³² Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Exodus 32:32 Referans Kwoze

Psalms 69:28

Mu thang fithingrad u babyoren e yafos; dab mu unegrad nga babyoren e tirom e girdi’.

Revelation 21:27

Machane dariy ban’en nib kireb nra yan ngalan e re binaw nem, ara be’ nma ngongliy e tin yira tamra’ ngay ban’en ara ma lifith l’ugun. Ya kemus ni pi’in kan yoloy fithingrad ngalan e babyor rok fare Fak e Saf, ni babyoren e pi’in kar fosgad e yad ra yan ngalan e re binaw nem.

Filippi 4:3

Ma ku errogon gur e cha’ ni gab yul’yul’ ni gadow ma ayuwegdow ko re gaf i maruwel ney, gub adag ni ngu’um ayuweg e gali ppin ney; ya ba gel e maruwel nra tew nra unew ngog ngu’ug wereged fare Thin Ni Bfel’, ma kur unew ngak Klement nge tin kabay e girdi’ ni ug muruwliyed e re gaf i maruwel ney u ta’bang, ni bay fithingrad u lan e babyor rok Got ni babyoren e pi’in kar fosgad.

Roma 9:3

Fa’an mang e ra gu pi’eg ngan gechig nigeg ma gamow dar Kristus ma aram miyad thap ngak Got ma kug rin’.

Daniel 12:1

Me ga’ar fare engel ni bay ba mad nib wech u daken, “Re ngiyal’ i n’em e Maikal, ni pilungen e pi engel, ni ir e ma matanagiy e girdi’ rom e bay yibi m’ug. Ma aram e bayi taw nga bangiyal’ ni nge gafgow e girdi’, ni aram e bin th’abi ga’ e gafgow ni ka nap’an ni sum e pi nam. Nap’an nra taw e ngiyal’nem, ma urngin e girdi’ ko nam rom ni ka ni yoloy fithingrad ngalan e babyor rok Got e bay ni chuwegrad u fithik’ e gafgow.

Revelation 3:5

Pi’in yad ra gel ndar paged yad ko kireb e yira yin’ e mad nib wechwech nga dakenrad ni aray rogon, ma dab gu chuweg fithingrad u lan babyoren e pi’in kar fosgad. Ma bay gog u p’eowchen e Chitamag nge pi engel rok ni yad e girdi’ rog.

Psalms 139:16

dawor ni gargelegeg ma ga be guyeg. Pi rran ni kam sunumiy ni fan ngog e gubin ni go’ bay u lan e birom e babyor u m’on ndawori tabab reb e pi rran nem.

Psalms 56:8

Gamnang feni gel e gafgow ni gu be tay; ka mu yoloy gubin gaf i lu’ag nike map’. Dariy u babyor rom ni ka mu yoloy?

Revelation 17:8

Re gamanman nem ni kam guy e immoy ba ngiyal’ nib fos, machane dakir par e chiney nib fos; ma ke chugur ni nge yib ngalang u lan fare abyss me yan ngan kirebnag. Ma fapi girdi’ ni yad be par u fayleng nda ni yoloy fithingrad ko ngiyal’ ndawori sum e fayleng riy, ngalan babyoren e pi’in ni kar fosgad e yad gubin ni bay ra gin gad ko ngiyal’ ni bay ra guyed e re gamanman nem! Ya immoy ba ngiyal’ nib fos, machane me yim’, ma bay ki m’ug bayay.

Deuteronomy 29:20

Dabi n’ag Got fan rok e cha’ nra rin’ e biney. Ya damumuw rok SOMOL e ra daramram nib togopluw ngak, ma urungin e pi gafgow ni kan yoloy ngalan e re ke babyor ney e go’ ra aw ngak nge mada’ ko ngiyal’ ni ka ri thirif SOMOL facha’ u but’.

Deuteronomy 25:19

Ere nap’an ni bayi pi’ SOMOL ni Got romed fare nam ngomed, me gagiyegnag ni dabki bucheg e pi to’ogor romed ban’en romed, ni yug aram rogon ni yad ma par ni yad ba liyegmed, nopa’med ni gimed ra thang e pogofan rok e pi Amalekite ni yad gubin, ya ngar mathgad u wan’ e girdi’. Dab mu paged talin!

Deuteronomy 9:14

Dab mu guy rogon ni ngam talegeg, ya kug leamnag ni nggu thang owcherad nge dakriy be’ ni kuyad ra yib ngan’ bi’id. Ma bay gu tem ngam mang chitamngin ba nam nib ga’ ma dabi thilthil gelingrad.’

Numbers 14:19

Wenig ngom, mu n’ag fan u wun’um e denen ko pi girdi’ ney ni bod rogon nrib t’uf e girdi’ rom ni der ma thil, ni bod rogon ni um n’ag fan u wun’um e denen rorad ni ka nap’an e ra chuwgad u Egypt ke mada’ ko chiney.”

Exodus 32:10

Chiney, e dab mu guy rogon ni ngam taleggeg. Ya ku gu damumuw ngorad, ni arme nggu thang owcharad. Ma aram e bay gu gagiyeg nagem nge pi’in owchem ngar manged girdi’en reb e nam ni ba ga’.”

Luke 23:34

Me ga’ar Jesus, “Chitamag, mu n’ag fan u wun’um e n’en ni yad be rin’! Ya dar nanged e n’en ni yad be rin’.” Miyad f’oth e mad rok rorad, ni yad be girngiy e pow ni nge duwgiliy e bin ni nge fanay bagayad.

Amos 7:2

Mu gguy e pi asmen’ing nem nra longuyed urngin ban’en nib galunglung ni bay u daken e nam nge m’ay, me lungug, “SOMOL ni Th’abi Tolang, mu n’ag fan rok e girdi’ rom! Uw rogon ni ngar pired ni dab ram’ad? Ya ri yad ba’achig ma yad ba me’waer.”

Ezekiel 13:9

I gag e nggu gechig nagmed e pi profet ni de rriyul e tiromed e changar, ma go’ ban e yi’iy ni gimed be tay. Dab mu’uned ngaram ko ngiyal’ nra mu’ulung e girdi’ rog ni ngar purpuruy’ gad; fithingimed e dabi un ngalan babyoren e girdi’ nu Israel; dakriy bi’id ni gimed ra sul ko nam romed. Ma aram e bay mu nanged ni Gag fare SOMOL ni Th’abi Tolang.

Revelation 22:19

Ma fa’anra chuweg be’ ban’en ko fapi thin ni be weliy e re ke babyor ney ni tin ni bay fini m’ug ban’en, ma ra chuweg Got rok e birok’ e f’oth u wom’ngin fare ke gek’iy ko yafos, nge f’oth rok ko fare Binaw nib Thothup ni fa’ani kan weliy murung’agen u lan e re ke babyor ney.”

Luke 10:20

Dabi felan’med ni fan e be fol e pi mo’onyan’ romed; machane nge felan’med ni fan e kan yoloy fithingmed nga babyor u tharmiy.”

Numbers 11:15

Fa’anra irera’ e n’en ni ngam rin’ ngog, me ere mu runguyeg ngam thang e pogofan rog nggu chuw ko gafgow.”

2 Samuel 18:33

Me ri kireban’ David ni Pilung. Me yan ngalang ko fare senggil ni bay u daken e chigiy ko garog nge yor. Ma nap’an ni be yan ngalang ma be yor ni be ga’ar, “Absalom ni fakag! Absalom ni fakag! Fa’an mang e gu wan nga luwam nggum’ ma kabfel’! Absalom ni fakag! Absalom ni fakag!”

Isaiah 4:3

Gubin e pi’in nra magachgad u Jerusalem, ni duwgiliy Got ni dab ra m’ad, e yira yog ni yad ba thothup.

Malaki 3:16

Ma girdi’ ni bay madgun SOMOL u wun’rad e ur welthingad ngorad, ma be motoyil SOMOL ngorad me rung’ag e thin ni yad be yog. Bay ba ke babyor rok ni kan yoloy ngay murung’agen e pi’ini bay madgun SOMOL u wun’rad ma yad be tayfan.

Malaki 3:17

Be ga’ar SOMOL ni Gubin ma Rayag Rok, “Bay ra manged e tirog e girdi’ ko chirofen ni bay gu maruwel, ma bay ra pired ni kari mil suwrad ngog. Bay gu runguyrad ni bod e gal labthir ni yow ma runguy pifakrow ni yad be pigpig ngorow.

Numbers 11:25

Me yib bangi manileng nga but’ ni bay SOMOL u fithik’ nge welthin ngak Moses. Me fek boch e gonop nike pi’ ngak Moses nge tay nga laniyan’ fa medlip i ragag i pumo’on ni yad ma yog e thin. Ma fa’ani yib e re gonop nem ngorad, miyad welthin ni bod rogon e profet, ni kemus e yay nra yodoromgad.