Exodus 32:3 - Bible Ni Thothup

³ Aram me luf gubin e girdi’ e talbuch ni gol rorad ngan fek i yib ngak Aron.

Exodus 32:3 Referans Kwoze

Jeremiah 10:9

Liyos rorad e kan ing ko silber nu Spain nge gol nu Ufaz, nni ngongliy u gubin e salap rok e pi’in ni bfel’ salpen i ngongliy ban’en; ma kanon’ e mad nga daken e pi liyos nem nib violet nge purple ra’en ni lifith e pi’in tha’bi salap i lifith e mad.

Isaiah 46:6

Girdi’ e yad ma bing tafen e salpiy rorad ngar pu’oged e gol riy nga but’; miyad thabthabelnag e silber. Miyad pi’ puluwon be’ nma maruwel ko gol nge ngongliy ba liyos riy; mu ur siro’gad ngay ma yad be meybil ngay!

Genesis 24:22

Fa’ani pi’ e ran ngak e kamel nge mu’, me fek fare mo’on ba luwaw nib gol nib tolang puluwon nge tay nga p’ethungun, nge l’agruw gaf i bachal ni gol ma baga’ nge yuy’ nga pa’.

Genesis 35:4

Ma aram miyad pi’ gubin fapi got rok piyu bang ngak Jakob nge talbuch u telrad, me k’eyag ni urngin nga tan bake gek’iy ni oak ni bay u charen yu Shekem.

Exodus 32:2

Me ga’ar Aron ngorad, “Mu feked e talbuch ni gol ni be talbuch pi le’engmed, nge pifakmed ni pumo’on nge ppin ngay i yib ngog.”

Exodus 32:4

Me fek Aron fapi talbuch nge ranrannag ko nifiy, me pu’og ngalan ban’en, nge ngongliy ya’an ba fak e garbaw riy ni pumo’on. Me ga’ar e girdi’ nu Israel, “Yu Israel, irera’ e got rodad, ni ir e gafaliydad nga wuru’ yu Egypt.”

Exodus 33:6

Ma aram me chuw piyu Israel ko burey nu Sinai nikuyima yog ni burey ni Horeb ngranod, ndakuriy bagayad ni tay e nunuw rok nga downgin.

Isaiah 3:19

nge tin nu rifrifen pa’rad. Ra chuweg e mad ni yad ma upnguy nga owcharad