Exodus 32:26 - Bible Ni Thothup

²⁶ Ma aram me sak’iy Moses nga langan e garog ko gin be par piyu Israel riy me tolul ni ga’ar, “Mini’ e bay u ba’ rok SOMOL? En ni bay u ba’ rok e nge yib ngog!” Me mukun gubin e pi Levite nga charen,

Exodus 32:26 Referans Kwoze

Matthew 12:30

“En ni gathi gamow ngabang e ri be togopluw ngog; ma en nder un ngog i kunukunuy e ri be wereg.

2 Kings 9:32

Me sap Jehu ngalang me tolul ni ga’ar, “Mini e bay u ba’ rog?” Ma l’agruw fa dalip e pi tolang ko salthaw nu lan fare naun rok e en pilung e ra sapgad ngak nga but’ u ba winda,

Joshua 5:13

Nap’an ni chugur Joshua nga Jeriko, ma yigi da’da’ nike guy be’ ni pumo’on nib sak’iy nga m’on rok, ni bay ba saydon u pa’. Me yan Joshua ngak nge fith ni ga’ar, “Gur reb e salthaw romad ara gur e to’ogor romad?”

2 Samuel 20:11

Me sak’iy reb e pi salthaw rok Joab nga to’oben fare ldow rok Amasa me tolul ni ga’ar, “Gubin e girdi’ nib fol ngak Joab nge David e ngar leked Joab!”

Exodus 32:25

Me guy Moses ni Aron e ke pag fapi girdi’ kar thum’gad ngaru’ kar makak’ar niged yad u p’eowchen e pi to’ogor rorad.

Exodus 32:27

me ga’ar ngorad, “Fare SOMOL ni Got rok piyu Israel e be yog ngomed ni gimed gubin ni ngam m’aged e saydon romed nga lukngumed ngam marod ko biney e garog u lan e gin’ey ni be par piyu Israel riy ko binem e garog ngam thanged owchen pi walagmed, pi tafager romed, nge pi’in gimed buguliyoror.”

Deuteronomy 33:9

Yul’yul’ ni ur ted ngom e kab gel ko yul’yul’ ni ur ted ngak e gallabthir rorad, nge ngak pi walagrad ara pifakrad. Ur folgad ko thin rom ma ur pired ni yad ba yul’yul’ ko m’ag rom.

Psalms 94:16

Mini’ e sak’iy ni pa’ag nge togopluw ko pi’in kireb? Mini’ e mang ngog ngug togopluwgow ngak e pi’in ma rin’ e kireb?