Exodus 32:25 - Bible Ni Thothup

²⁵ Me guy Moses ni Aron e ke pag fapi girdi’ kar thum’gad ngaru’ kar makak’ar niged yad u p’eowchen e pi to’ogor rorad.

Exodus 32:25 Referans Kwoze

Isaiah 47:3

Girdi’ e bay ra guyed gur ni dariy e mad u dakenam; bay ra guyed gur nike m’ingkuwom ka mu tamra’. Bay gu fulweg taban ngorad, ndariy be’ nrayag ni nge talegneg.”

Revelation 16:15

“Mmotoyil! Bay gub ni bod ba moro’ro’! Ra felfelan’ e en nike par ni be od ni be ayuweg e mad rok, ni bochan e nge dab i yan ndariy e mad u daken ngi i tamra’ u fithik’ e girdi’!”

Mikah 1:11

Gimed e girdi’ nu Shafir, mmarod nga reb e nam ngam pired riy ni gimed e kalbus, ni ngam marod ndariy e mad u dakenmed ma kam tamra’gad. Pi’in yad be par u lan yu Zaanan e dariy bagayad nra thay. Nap’an ni gimed ra rung’ag laman e girdi’ nu Bethezel ni yad be dololoy’, ma aram e kam nanged ndariy bang u rom ni yira mith ngay.

Roma 6:21

Ere be mang e ren’en ni bfel’ ni yib ngomed ko pin’en ni um ngongliyed ni gimed be tamra’ ngay e chiney? Wenegan e pin’em nma yib e yam’!

Hosea 2:3

Ma fa’anra dabi tal, ma bay gu chuweg e mad u daken nge yan i par ni bod e rofen nni gargeleg ndariy e mad u daken. Bay gu gagiyegnag nge yan i par ni bod bbinaw ndariy e ran riy ma der tugul ban’en riy, ma aram e bay yim’ nriyul’ ko balel.

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Ezekiel 16:63

Mu gu n’ag fan u wun’ug e kireb ni kam rin’, machane bay i yib ngan’um nge gelnag e tamra’ rom ni mus nga langam ma dakiyag nim pithig.” I SOMOL ni Th’abi Tolang e keyog e pi thin ney.

2 Kronicles 28:19

I girengiy SOMOL e tin ba mo’maw’ nga daken yu Judah ni bochan e ke cheal Ahaz ni Pilung ke togopluw nga mat’wun e girdi’ rok ma ke darifannag SOMOL.

Deuteronomy 9:20

I SOMOL e ki gel e damumuw rok ngak Aron nge chugur ni nge thang e pogofan rok, mu ku gu wenignag Aron ngak e ngiyal’nem.

Genesis 3:10

Me fulweg fare mo’on ni ga’ar, “Gu rung’ag lingam nga fithik’ e woldug; mu gu tamdag mu gu mith rom, ya gu bay u tamilang.”

Exodus 32:26

Ma aram me sak’iy Moses nga langan e garog ko gin be par piyu Israel riy me tolul ni ga’ar, “Mini’ e bay u ba’ rok SOMOL? En ni bay u ba’ rok e nge yib ngog!” Me mukun gubin e pi Levite nga charen,

1 Kings 12:28

Fa’ani leamnag nge mu’ me ngongliy l’agruw e liyos ni gol ni bod ya’an e garbaw ni pumo’on, me ga’ar ngak e tirok e girdi’, “Kayigi gel e gafgow romed ko sul ni gimed be tay nga Jerusalem ni fan e ngam liyorgad ngak Got. Gimed e girdi’ nu Israel, ba’aray e gal got romed nra fekew gimed nga wuru’ yu Egypt!”

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

Proverbs 29:18

Ba nam ni gathi Got e be gagiyegnag e aram ba nam ni dariy yarmen. Nge felan’ e pi’in yad ma ayweg e motochiyel rok Got.

Jeremiah 5:5

Ere bay gu waen ngak e pi’in yad ma gagiyeg nggu weliy ngorad. Bmich ni yad manang ko mang e be yog Got, fa mang e ba’adag SOMOL ni ngar rin’ed.” Machane yad gubin nra siyegned mat’wun SOMOL miyad siyeg ni ngar folgad rok.