Exodus 32:1 - Bible Ni Thothup

¹ Fa’ani guy e girdi’ nike par Moses u daken fare burey nike n’uw nap’an ma dawori yib nga but’, miyad mu’ulung nga to’oben Aron me lungurad ngak, “Da’an da nanged e n’en nike buch rok Moses, ni ir e gafaliydad nga wuru’ yu Egypt; ere mu ngongliy reb e got ngomad nge mang ir e gafaliymad.”

Exodus 32:1 Referans Kwoze

Acts 7:40

Ma aram me lungurad ngak Aron, ‘Mu ngongliy boch e got ngomad ni nge mang yad e ra pow’iyed gamad. Ya da gu nanged e n’en ke rin’ fa’anem i Moses ni ir e fekdad nga wuru’ yu Egypt.’

Deuteronomy 9:9

Gu wan nga daken e re burey nem ni nge pi’ SOMOL ngog fa gal yang i malang ni ka ni yoloy ngay fare m’ag nike ngongliy SOMOL u thilmed. Gu par u rom ni aningeg i ragag e rran nge nep’ ni da gu way ban’en ara gu garbod.

2 Peter 3:4

ni be lungurad, “I yog faram ni bay sul, errogon ni yog fa danga’? Ere bu uw? Chitamangidad e karm’ad, machane urngin ban’en ni ka be par ni karogon ni kanap’an e ngiyal’ ni sum e fayleng riy ke mada’ ko chiney!”

Exodus 24:18

Me yan Moses ngalang ko fare burey nge chuw nga fithik’ fare gi manileng. Me par u rom ni aningeg i ragag e rran nge nep’.

Matthew 24:48

Ma fa’anra ir reb e tapigpig nib kireb, mra ga’ar u wan’, ‘Masta rog e kab n’uw nap’an mfini sul,’

Acts 17:29

Ere fa’anra gadad pifak, ma dab da tafinay niged ni Got e bod e liyos ni kan ngongliy ko gol ara silber ara malang, ni bod rogon nike leamnag e pi’in yad ba salap i ngongliy ban’en kar ngongliyed.

Acts 19:26

Kam guyed ma kam rung’aged e n’en ni be rin’ facha’ i Paul. Be weliy ni liyos nike ngongliy e girdi’ karogned e got ngay e gathi bogi got e pin’em, ma ke yo’or e girdi’ nike riyul’ u wan’ e tin ke yog, ni girdi’ nu roy u Efesus nge gonap’an e urngin e girdi’ ni bay u lan e nug nu Asia.

Mikah 6:4

I gag e gu chuwegmed u Egypt. Um pired riy ni gimed’ e sib, mu gu chuwegmed riy. Gu pi’ Moses nge Aron nge Miriam ni ngu’ur pow’iyed gimed.

Hosea 12:13

Me l’oeg SOMOL ba profet ni nge leag e girdi’ nu Israel ko sib ni yad be tay u Egypt me ayuwegrad.

Exodus 32:11

Machane me wenig Moses ngak SOMOL ni Got rok ni ga’ar, “SOMOL, mang ni ngari gel e damumuw rom ngak e girdi’ rom, ni gur e mu lagrad u tan pa’ yu Egypt nga pa’am nib gel nge gelngim nib gel?

Exodus 32:7

Me ga’ar SOMOL ngak Moses, “Mu gur nigem ngam sul nga p’ening, ya piyu Israel, ni girdi’ rom, ni gur e mu gafaliyrad nga wuru’ yu Egypt e kar denengad kar pi’ed keru’rad ngog.

Exodus 14:11

Me lungurad ngak Moses, “Bochan e dariy e taliw ko yam’ u Egypt ma aram fan ni kam fekmad i yib ngaray nga daken e ted ni desert ni nggu m’ad? A mu guy e n’en ni kam rin’ ngomad ni bochan e kam fekmad nga wuru’ yu Egypt!

Exodus 13:21

Ra rran me yan SOMOL ni be m’on rorad ni bangi manileng nib k’iy ngalang ni aram e be pow’iyrad ko gin ngranod ngay, me nep’ ma be m’on rorad nib nifiy nib k’iy ngalang ni fan e nge tamilang owcherad, nge yag ni ur milekaggad ni rran nge nep’.

Exodus 16:3

ni lungurad ngorow, “Fa’an mang e li’mad SOMOL nggu m’ad u Egypt ma kabfel’. Yu rom e gamad ma sabol riy ko th’ib nib sug ko ufin ma gamad kay urngin e ggan ni gamad ba’adag. Machane kam fekew gamad i yib ngalan e ted ni desert ni nggu m’ad nriyul’ ko uyongol.”

Genesis 44:15

me ga’ar Josef, “Mang e biney ni kam ngongliyed? Da mu nanged ni be’ ni bay ko re liw rog ney e rib mom ni nge nang e n’en ni bay mrin’ed?”

Joshua 7:13

Mu suwon ngalang! Mu machalbognag e pi girdi’ nir ngar fal’eged rogorad ni ngarbad nga p’eowcheg. Mog ngorad ni nge gabul ma kar fal’eged rogorad, ni bochan e Gag SOMOL ni Got rok yu Israel e ba’aray e n’en ni nggog: ‘Gimed yu Israel, bay u fithik’ e chugum romed bogi ban’en ni kugog ni ngam kireb naged! Dabiyag ni ngam gelgad ngak e pi to’ogor romed ni fa’anra dab mu chuweged e pin’ey u fithik’med!’

Exodus 33:3

Ngam marod nga ba nam ni pire’ ban’en riy ma ba yong’ol e but’ riy. Machane gathi bay gu un ngomed, ya gimed girdi’en ba nam ni gimed ba gelan’, ma richey mu gu li’med u kanawo’ ngam m’ad.”

Genesis 44:4

Kranod ndawor rmal’afgad ko fare binaw nga orel, me ga’ar Josef ngak fare tapigpig nib milfan e naun rok ngak, “Mu fal’eg rogom ngam lek fa picha’. Ma nap’an ni ga ra piri’egrad, me lungum ngorad, “Mangfan ni tin nib kireb e kam rin’ed ni taban e tin ni bfel’ ni kan rin’ ngomed?

Genesis 39:8

Me siyeg Josef fare pin me ga’ar ngak, “Dakuriy ban’en u roy u naun ni be magafan’ e masta rog ngay, ni bochan e gu bay u roy. Ya urngin ban’en ni bay rok e gag e ke pag fan ngog.

Genesis 19:14

Me yan Lot i guy fa gali pumo’on ni ngar mabgolgad fa gali ppin ni fak, me ga’ar ngorow, “Mu gur nigew gimew ngam chuwgow u roy; ya SOMOL e nge kirebnag e re binaw ney.” Miyow finey ni be thin ni gosgos.

Matthew 24:43

Mu ted fanmediyan ko re bugithin ney; fa’an mang e manang e en ntafen e naun e ngiyal’ nra yib e moro’ro’ riy, mra i par ni be od nge dabiyag ni yan e moro’ro’ nga naun rok.

Genesis 21:26

Me ga’ar Abimelek, “Dagnang ko mini’ e rin’ e bin, ya dawor nog ngog murung’agen, ma fin irera’ e som’on ni kug rung’ag.”

Exodus 20:23

Dab mu ngongliyed boch e got ni silber nge gol ni ngam puthuyed ngog ngu’um ted fan.

Exodus 32:23

I lungurad ngog, ‘Mu ngongliy reb e got ngomad nge mang ir e i gafaliydad i yan, ya da gu nanged e n’en nike buch rok Moses, ni ir e gafaliydad nga wuru’ yu Egypt.’

Numbers 14:22

e aram feni riyul’ ndariy bagayad e pi girdi’ ney nra par nib fos nge yan ngalan e re nam nem. Kar guyed rama’eg nib mluplup’ ni be gal ni aram gag ni gu bay, nge pi maang’ang ni kug ngongliy u Egypt ngu daken e ted, machane yugu yad be togopluw ngog ma daburad ni ngar folgad rog.

Ezekiel 20:8

Machane mikyad par ni yad be togopluw ngog ndarir motoyilgad. Dar n’aged fapi liyos rorad nib sunsonogor ara rapged i tayfan fapi got nu Egypt. Kug fal’eg rogog ni nggu gechig nagrad ngar thamiyed ga’ngin gelngin e damumuw rog u rom u Egypt.

Exodus 24:12

Me ga’ar SOMOL ngak Moses, “Moy ngog nga daken e burey ngam par u roy. Ya nggu pi’ ngom fa gal yang i malang ni kug yoloy ni bay fapi motochiyel riy nge tin ngan rin’, ni kug yoloy ni nge fonownag e girdi’ nu Israel.”

Exodus 32:22

Me ga’ar Aron, “Dab mu puwan’ ngog; ga manang rogon e pi cha’ney ni fa’an yad ra turguy u lanin’rad ni ngar ngongliyed e kireb.

Deuteronomy 9:1

“Mu telmed yu Israel! Daba’ e ngam th’abed e lul’ ni Jordan nga ba’nem ngam marod mu tafned fare but’ nib milfan nga bogi nam ni yad ba gel ngomed. Pi binaw rorad e ba ga’ ma bay e yoror riy nib liyeg nib tun ko manileng.

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

Psalms 106:19

Ra ngongliyed ya’an ba fak e garbaw ni pumo’on ko gol u Sinai ngu’ur tedfan e re liyos nem;