Exodus 31:6 - Bible Ni Thothup

⁶ Kug mel’eg Oholiab nib mo’on ni fak Ahisamak, ni be’ ko fare ganong rok Dan, ni ngar maruwel gow Bezalel u ta’bang. Ma kug pi’ e salap ngak boch e pumo’on nrayag e maruwel rorad, ya nge yag nra muruwliyed gubin e tin kugog ni ngan mu’nag:

Exodus 31:6 Referans Kwoze

Exodus 35:34

Ke pi’ SOMOL e salap ngak nge Oholiab nib mo’on ni fak Ahisamak, ni be’ ko fare ganong rok Dan, ni ngar filew e pi salap nem ngak boch e girdi’.

Exodus 35:10

“Gimed gubin e pumo’on ni bay e salap romed e ngam ngongliyed urngin e tin keyog SOMOL ni ngan ngongliy:

Exodus 28:3

Mu non ngak gubin e pi’in bay e salap rorad ni kug pi’, ngar ngongliyed madan Aron ya ngan tabgulnag nge mang prist ngi i pigpig rog.

Acts 13:2

Nap’an ni yad be pigpig ngak Somol ma yad be pag e abich, me ga’ar fare Kan Nthothup ngorad, “Mu faled Barnabas nge Saul ngabang, ni nge mil farow ngog nge mang yow e ra ngongliyew e maruwel ni kug piningrow ni ngar muruwliyew.”

Luke 10:1

Tomuren e biney me mel’eg Somol yugu boch e girdi’ ni medlip i ragag nge l’agruw i pumo’on me l’oegrad ngranod ni yad lal’agruw, ni ngar m’onod rok ngranod ngalan urngin e binaw nge yungi n’en ni be n’en ni nge yan ngay.

1 Kings 3:12

ma aram e nggu pi’ ngom e tin kam wenignag ngog. Bay gu pi’ e gonop ngom nge tamilangan’ ndariy be’ nga m’on rom ni immoy rok ara be’ ni bay fini yib nga tomrem.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

Exodus 36:8

Ma urngin e pi’in nth’abi salap u fithik’ fapi pumo’on ni yad be maruwel e ra ngongliyed fare Tent u P’eowchen SOMOL. Ra ngongliyed u ragag yang i mad ni wech ni kan lifith bunu’en e saf u fithik’ nib ra’en mak’ef, nge purple, nge row, ni kan sisyunag ya’an e pi kerubim ngay ni bfel’ ya’an.

Exodus 6:26

Aron nge Moses e ireram faglicha’ ni ga’ar SOMOL ngorow, “Mu pow’iyew fapi ganong nu Israel nga wuru’ yu Egypt.”

Exodus 31:5

nge malang nib tolang puluwon ni nge puy nge ayliy nge fal’eg nnunuw; yungi ren ni ngi i ker ya’an bogi ban’en nga daken; nge gubin mit e salap ni bfel’ pa’ riy.

Exodus 35:35

Ke pi’ e salap ngorow u gubin mit ban’en ni yima ker ya’an nga daken e malang, nge rogon i yoloy ya’an ban’en, nge rogon i lifith e mad ni wech; nge bunu’en e saf ni kan k’ad ko ra’en mak’ef, purple, nge row; nge ku boch e mad. Yow manang rogon i muruwliy gubin e maruwel, ma yow ba salap i yoloy ya’an, nge ker ya’an ban’en.

Exodus 38:23

Me Oholiab nib mo’on ni fak Ahisamak ni be’ ko ganong rok Dan e pi’ e ayuw ngak, ir be’ ni ba salap i ker ker ya’an ban’en, ma ba salap i yoloy ya’an ban’en u m’on ni ngan ngongliy, ma ku ma lifith e mad ni wech, nge mad nib ra’en mak’ef nge purple, nge bunu’en e saf ni kan kad ko row.

Exodus 35:4

Me ga’ar Moses ko girdi’ nu Israel, “Ba’aray e tin keyog SOMOL ni ngan rin’: