Exodus 31:4 - Bible Ni Thothup

⁴ ni nge gonpiy rogon ya’an nib manigil me ngongliy ko gol, nge silber, nge bronze;

Exodus 31:4 Referans Kwoze

2 Kronicles 2:7

Ere chiney e ngam pi’ be’ nib mo’on ngog nib salap i ker ya’an ban’en, ma ba salap ko maruwel ko gol, nge silber, nge bronze, nge wasey, ma ba salap i ngongliy e mad ni ra’en mak’ef, nge purple, nge row. Cha’ ney e bay ra maruwelgad e pumo’on nu Judah ngu Jerusalem ni yad ba salap ko maruwel nike mel’egrad David ni chitamag.

1 Kings 7:14

Ma chitamngin nike yim’ e ku be’ nu Tyre, ma ki immoy nreb e salap ni i ngongliy bogi ban’en ko bronze; ma chitiningin e be’ ko ganong rok Naftali. Huram be’ nib llowan’ ma ke yo’or bogi maruwel nga pa’ay nike ngongliy. Me pining e kefel’ ngak Solomon ni Pilung ko pong nike tay ngak ni nge milfan urngin e pi maruwel ko wasey ni bronze ngak.

Exodus 28:15

“Ma ku yira ngongliy bangi mad nma tay fare Prist ni Th’abi Ga’ nga daken ngorngoren ni nge m’ug riy ko mang e bmagan’ Got ngay. Yira ngongliy u ta’ab mit i ban’en nni ngongliy fare efod riy, ma ngkun sisyunag nta’reb rogon ya’an ngay.

Exodus 26:1

“Mu kum ngongliyed langgin e Tent rog nib Thothup nga ragag yang i mad ni linen nib wech nni uneg bunu’en e saf ngan lifith nga fithik’, ni kan k’ad nib ra’en mak’ef, purple, nge row. Mi gimed sisyunag ya’an bogi kerubim nga daken.

Exodus 31:3

kug sugnag e cha’nem ko fare gelngin rog. Kug pi’ e tamilangan’ ngak, nge llowan’, nge gubin mit e salap ko ngongol bogi ban’en ni bfel’ ya’an —

Exodus 31:5

nge malang nib tolang puluwon ni nge puy nge ayliy nge fal’eg nnunuw; yungi ren ni ngi i ker ya’an bogi ban’en nga daken; nge gubin mit e salap ni bfel’ pa’ riy.