Exodus 31:2 - Bible Ni Thothup

² “Kug mel’eg Bezalel, ni fare mo’on ni fak Uri ma Hur e tutuw rok, ni be’ ko fare ganong rok Judah,

Exodus 31:2 Referans Kwoze

Exodus 36:1

“Bezalel nge Oholiab nge gubin e pumo’on nike pi’ SOMOL e salap ngorad nge tamilangan’, ni yad manang rogon ni ngar ngongliyed gubin ban’en nib t’uf ko fare Tent nib thothup ni ngan toy, ma thingar ra ngongliyed gubin ban’en riy ni bod rogon nike yog SOMOL.”

Exodus 35:30

Me ga’ar Moses ngak piyu Israel, “I SOMOL e ke mel’eg i Bezalel nib mo’on ni fak Uri ma Hur e tutuw rok ni be’ ko fare ganong rok Judah.

John 3:27

Me fulweg John ni ga’ar, “Dariy be’ nra yag ban’en ngak ni gathi Got e pi’.

Exodus 37:1

Me ngongliy Bezalel fare Kahol ko M’ag ko ren ni acacia, ni aningeg ni ragag nge lal e inch n’umngin, ma rliw’ nge medlip e inch radan, ma rliw’ nge medlip e inch tolngin.

Exodus 33:17

Me ga’ar SOMOL ngak Moses, “Bay gu rin’ ni bod ni kamog, ya gu manangem ni bfel’ rogon ma gab fel’ u wun’ug.”

Exodus 33:12

I ga’ar Moses ngak SOMOL, “Riyul’ ni kamog ngog ni ngug gafaliy e girdi’ nu Israel ko fare nam, machane da mog ngog e en ni bay mpi’ nge un ngog. Kamog ni ga manangeg ni bfel’ rogon ma gub fel’ u wun’um.

Exodus 17:10

I rin’ Joshua ni bod ni yog Moses ngak me yan ni ngar maelgad yu Amalek, me yan Moses nge Aron nge Hur nga p’ebugul e burey.

Exodus 38:22

I Bezalel ni fak Uri me Hur e tutuw rok ni be’ ko fare ganong rok Judah, e ngongliy urngin ban’en ni yog SOMOL ni ngan gongliy.

2 Kronicles 1:5

Fare altar ni bronze ni ngongliy Bezalel, nib mo’on ni fak Uri ma Hur e tutuw rok, e ki immoy u Gibeon u mit fare Tent u p’eowchen SOMOL. I Solomon ni Pilung nge gubin e girdi’ ni ur liyorgad ngak SOMOL u rom.

Exodus 38:23

Me Oholiab nib mo’on ni fak Ahisamak ni be’ ko ganong rok Dan e pi’ e ayuw ngak, ir be’ ni ba salap i ker ker ya’an ban’en, ma ba salap i yoloy ya’an ban’en u m’on ni ngan ngongliy, ma ku ma lifith e mad ni wech, nge mad nib ra’en mak’ef nge purple, nge bunu’en e saf ni kan kad ko row.

1 Kings 7:14

Ma chitamngin nike yim’ e ku be’ nu Tyre, ma ki immoy nreb e salap ni i ngongliy bogi ban’en ko bronze; ma chitiningin e be’ ko ganong rok Naftali. Huram be’ nib llowan’ ma ke yo’or bogi maruwel nga pa’ay nike ngongliy. Me pining e kefel’ ngak Solomon ni Pilung ko pong nike tay ngak ni nge milfan urngin e pi maruwel ko wasey ni bronze ngak.