Exodus 30:9 - Bible Ni Thothup

⁹ Dab mu ognag e incense u daken e re altar ney ndanog ni ngan pi’, ara ba gamanman ni maligach, ara grain, ma dab mu pu’og e wayin ni maligach nga daken.

Exodus 30:9 Referans Kwoze

Levitikus 10:1

Nadab nge Abihu ni l’agruw i pagel ni fak Aron e ra bagyow me fek e ba’ rok e pan nma par e nifiy u langgin nge af e kol ni be yik nga langgin, miyow uneg e incense ngay, ngar pi’ew nib maligach ngak SOMOL. Machane re nifiy ney e de thothup, ya dawori yog SOMOL ni ngar pi’ew e maligach ngak ni aray rogon.

Exodus 30:8

Ku aram e n’en ni nge rin’ ni blayal’ nnap’an ni nge yib i tay e nifiy ko fare magal. Re incense ney ni yima urfiy ni aram e yibe ognag e dab ntal i rin’ ni gubin e mfen nga m’on.

Exodus 30:10

Ta’bayay u reb e duw ni nge machalbognag Aron fare altar ni rogon ko motochiyel, ni aram e nge tay e racha’ ko fa aningeg i gagey u tabthungen fare altar, nracha’en fare gamanman ni maligach ko denen. Ren’ey e ngu’un rin’ ni gubin e duw i yan ngaram. Re altar ney e nge par ni ga’ngin nib thothup, ni kan ognag ngog, i Gag SOMOL.”