Exodus 30:6 - Bible Ni Thothup

⁶ Mag tay e re altar ney nga wuru’ fare gi kateng nib gafgaf u mit fare Kahol ko M’ag. Ireray e gin bay gu mada’ nigem ngay.

Exodus 30:6 Referans Kwoze

Hebrews 4:16

Ere nge dab kud tamdaggad ngad bad nga tagil’ Got, ko gin ni bay e ayuw riy. Ya ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.

Matthew 27:51

Ma aram e fa gi mad ni kan tining ngalang u Tempel e mogchoth u lang nga but’, nge par nike l’agruw yang. Me rur e but’, me pil e war,

1 Kronicles 28:11

David e pi’ ngak Solomon rogon ni ngan toy gubin naun ko fare Tempel, pi senggil ni tafen e cha’ar nge gubin e tin kabay e senggil, nge fa Gin Th’abi Thothup, ni aram e gin yima n’agfan e denen riy.

Numbers 17:4

Mag fek e yu ley i sog nem nga langgin fare Tent u p’eowcheg ngam tay ni gubin nga mit fare Kahol ko M’ag, ko gin ni gu ma mada nigem ngay.

Levitikus 16:13

Mu rom u p’eowchen SOMOL e nge tay fapi incense riy nga daken fapi kol ni be yik’ nge yan e ath riy i ing upungen fare Kahol ko M’ag, ya ri guy Aron nge yim’.

Exodus 40:26

Me tay fare altar ni gol ngalan fare Tent nga m’on ko fa gi kateng,

Exodus 40:5

Ma ga tay fare altar nib gol ni fen e incense ni yima urfiy nga m’on ko fare Kahol ko M’ag mag tining fagi kateng u langan e mab ko fare Tent.

Exodus 40:3

Ma ga tay fare Kahol ko M’ag ni bay fare ragag i motochiyel u langgin, ma ga pag fare gi kateng nga mit.

Exodus 30:36

Mu bilig boch nge bod e ab, mag fek ngalan fare Tent nga p’eowcheg, nga mu swerwereg u mit fare Kahol ko M’ag. Mu tay e re incense ney nikari thothup.

Exodus 30:5

Mu ngongliy e gali mat’ ney ko gek’iy ni acacia mag ing ko gol.

Exodus 30:7

Aron e gubin e kadbul nra yib ni nge ngongliy rogon fapi magal, ma nge urfiy e incense u daken e fare altar.

1 Kronicles 23:13

Bin nganni’ e pagel ni fak e Amram ni ir e chitamngin Aron nge Moses. (Aron nge pi’in owchen e ni falrad ngabang ni nge milfan fa pin’en nib thothup ngorad ni manemus, ngu’ur urfiyed e pi incense ko ngiyal’ ni yibe liyor ngak SOMOL, ma yad be pigpig ngak, ma yad be fel’eg wa’athan e girdi’ nga fithingan.