Exodus 30:34 - Bible Ni Thothup

³⁴ Me ga’ar SOMOL ngak Moses, “Mu fek e pin’en ni ba’aray ni falel’ bon ni ta’reb oren bmit nge bmit — ni aram e stacte, nge onycha, nge galbanum, nge frankincense.

Exodus 30:34 Referans Kwoze

Exodus 37:29

Miki ngongliy fare gapgep ni fen e mathiy ni nge tabgul nigey, nge incense ni bfel’ bon, ni yima athkuy ni bod e florida.

Levitikus 2:15

Min tay e gapgep ni olive ngay nge incense nga daken.

Exodus 30:23

“Mu fek e tin nthabi fel’ ko spices— ragag nge l’agruw e pawn e myrrh nib ranran, nge nel’ pawn e cinnamon ni bfel’ bon, nge nel’ e pawn e cane nrib fel’ bon,

Exodus 25:6

nge gapgep ni fen e magal; nge pi spices ni fen e mathiy ko en ni nge yan nga reb e liw ma fen e pin’en ni bfel’ bon ni yima urfiy;

Matthew 2:11

Miyad chuw nga naun miyad guy fachi tir ni bay rok Maria ni chitiningin. Miyad ragbug ngar siro’gad ngak; miyad bing e tutuw rorad miyad tow’athnag ko gol, nge frankincense, nge myrrh.

Tang Ko Pitang 3:6

Be mang e biney ni be yib u daken e ted ni desert ni bod ba rumog ni ath, nib boni incense nge myrrh ni bfel’ bon, ni fare incense nni chuw’iy ko pi tachuway’?

Nehemiah 13:5

Me pag Tobiah ni nge par nga reb e senggil nib ga’ ni aram e gin ni un chariy e maligach ni grain riy nge incense, nge talin e maruwel ni yima maruwel ngay u Tempel, nge maligach ni fan ko prist, nge ragag e pasent ko grain, wayin, nge gapgep ko olive ni kan pi’ ko Levite, nge girdi’en e musik u Tempel nge pi matnag.

Levitikus 24:7

Mi gimed tay boch e incense nga daken fa gal thal i flowa, ni aram e pow ko ggan ni kan ognag ngak SOMOL ni nge yan nga luwan fare flowa.

Levitikus 5:11

Fa’anra dabiyag puluwon l’agruw arche’ ni dove ara l’agruw e bulogol rok be’, ma thangri fek i yib l’agruw e pawn e flour ni ngan ognag ni fan ko denen rok. Dabi tay e gapgep ni olive ara incense ngay, ya ba maligach ni fan ko denen, ma gathi bmaligach ni grain.

Levitikus 2:1

Ra nge pi’ bigimed ba maligach ni grain ngak SOMOL, ma sam’on e thangri bilig nge yib ni flour. Me tay e gapgep ni olive nge incense nga daken

Exodus 30:33

En nra ngongliy reb ni bod e biney ara fanay boch nge gapgepnag yug be’ ni gathi ba prist, e aram e dabki mang reb e girdi’ rog.’”

Exodus 30:35

Mu fek e pin’ey ngam ngongliy e incense riy, ngam athkuy ni bod e florida. Mu athkuy e sol ngay ngi i par nib machalbog ma ba tabgul.

Exodus 31:11

nge fare gapgep ni fen e mathiy, nge fare incense ni bfel’ bon ni fen fa Gin nib Thothup. Pin’ey e ngan ngongliy ni bod rogon ni kugog ngom.”

Exodus 35:15

nge fare altar ni yima urfiy e incense u daken, nge mat’ riy; nge fare gapgep ni fen e mathiy; nge fare incense ni bfel’ bon, nge fare gi kateng ni fen langan e mab ko fare Tent;

Levitikus 16:12

ma nge fek baraba’ i fen e nifiy nib sug ko kol ni be yik’ nni fek u altar nge l’agruw gogow i incense nge fek i yan ngalan fa Gin Th’abi Thothup.

Numbers 4:16

Me Eleazar nib mo’on ni fak Aron ni prist e maruwel rok fare Tent ni ga’ngin nge gapgep ni fen fapi magal, nge incense, nge fapi grain ni maligach, nge fare gapgep ni fen e mathiy, nge tin kabay u lan fare Tent ni kan tabgulnag ni fan ngak SOMOL.

Isaiah 43:23

Da ku um feked i yib ngog e saf ni maligach ni mo’oruf; da ku mur ted fag ko pi maligach romed. Da gu tomal nagmed ni nggu tuwasariymed nthingar mu pi’ed e maligach ngog, ara aw porawmed ni bochan e incense ni gu be yog ni ngu’um pi’ed ngog.

Exodus 30:7

Aron e gubin e kadbul nra yib ni nge ngongliy rogon fapi magal, ma nge urfiy e incense u daken e fare altar.