Exodus 30:33 - Bible Ni Thothup

³³ En nra ngongliy reb ni bod e biney ara fanay boch nge gapgepnag yug be’ ni gathi ba prist, e aram e dabki mang reb e girdi’ rog.’”

Exodus 30:33 Referans Kwoze

Exodus 30:38

Fa’anra ngongliy be’ reb ni bod rogon e biney ni nge fanay ni florida, ma dabkun leamnag ni ir reb e girdi’ rog.”

Genesis 17:14

Ma re pumo’on ndawor ni maad’ad ngak e ngan chuweg u fithik’ girdi’en e nam rok, ni bochan e m’ag u thildad nde tay nga tagil’.”

Exodus 12:15

“Medlip e rran nthingar mu koyed e flowa ni dariy e is riy. Chirofen ni som’on e ngam chuweged u naun romed urngin e is, ya fa’anra kay be’ e flowa ni kan tay e is ngay ko bin som’on e rran nge mada’ ko bin medlip, ma ngan chuweg u fithik’ e tirog e girdi’.

Numbers 9:13

Machane en nib be’ech nde ta’ay ma demoy u milekag mde un i madnomnag e Paluk’af, e yira n’ag ndabki mang girdi’eg, ni bochan e de pi’ fare maligach ngog ko ngiyal’ ni nge pi’ riy. Thangri gafgow u wenegan e denen rok.

Levitikus 23:29

En nra kay ban’en e rofen nem e dab kun tay ni ir reb e girdi’ rok Got.

Levitikus 19:8

En nra kay e ke ngongliy e kireb ya ke darifannag e n’en ni ka ni pi’ ngog, ma dab kun tay fa’anem ni ir reb e girdi’ rog.

Levitikus 17:9

ni aram e ke ognag ngak SOMOL u bang ni gathi langan e mab ko fare Tent e yira n’ag ndabki mang reb e girdi’ rok Got.

Exodus 29:33

Yad ra kay e pin’en nni pi’ ni bayul rorad ko ngiyal’ nni gapgep nagrad, ni yibe og nagrad ni aram e kar tabgulgad. Kemus ni prist e ra kay e pi ggan ney, ya ba tabgul.

Exodus 12:19

Medlip e rran nthingari dab ni pir’eg u naun romed e is, ya fa’anra kay be’ e flowa ni ka nin’ e is ngay, ma ngan chuweg u fithik’ piyu Israel, ndemturug ko be’ u bang ara be’ nu Israel.

Exodus 30:34

Me ga’ar SOMOL ngak Moses, “Mu fek e pin’en ni ba’aray ni falel’ bon ni ta’reb oren bmit nge bmit — ni aram e stacte, nge onycha, nge galbanum, nge frankincense.

Exodus 31:14

Thingar mu ayuweged e rofen ni yaran e toffan, ya ba thothup. En dabi ayuweg e rofen nem nge maruwel ko re rran nem e yira thang e fan rok.

Levitikus 17:10

Fa’anra kay be’ nu Israel ara be’ u bang nma par u fithik’ yu Israel e ufin ni kabay e racha’ u fithik’, mra togopluw SOMOL ngak ma dabki tay fa’anem ni reb e girdi’ rok.

Levitikus 17:14

Yafos ko gubin ban’en nib fos e bay u fithik’ e racha’, aram fan ni yog SOMOL ngak e girdi’ nu Israel ni dab ra ked demturug e mit i ufin ni kabay e racha’ u fithik’, ma cha’ nra rin’ e dab kun tay ni reb e girdi’ rok Got.

Levitikus 18:29

Gimed manang ni en nra rin’ reb e pi ngongol ney nib sonogor e yira n’ag ndabki mang reb e girdi’ rok Got.

Levitikus 20:3

Fa’anra pi’ be’ reb i fak ngak Molek, ma aram e ke alitnag e Tent rog nib thothup ma ke dariy fannag fithingag nib thothup, ma bay gu cheal nggu togopluw ngak ma dakuriy e n’en nra rin’ mu gu leamnag ni ir reb e girdi’ rog.

Levitikus 20:17

Fa’anra le’engiy be’ nib mo’on be’ ni bpin nri walagen fa be’ ni bpin ni kemus ni chitamangirow fa chitinngirow e ba ta’reb, ma nganog row u mit e girdi’ ni gubin ni kar rin’ew ban’en nib kireb mi ni tuluf row ngar chuwgow u fithik’ piyu Israel. Ke par fare mo’on nge walagen ni bpin ere thingar ni gafgow nagrow ni wenegan e kireb rorow.

Levitikus 20:18

Fa’anra par be’ nib mo’on nge be’ ni bpin ko ngiyal’ nike luw fare bpin, ma yow l’agruw ni yira tuluf row ngar chuwgow u fithik’ piyu Israel, ya kar th’abew fapi gafal ni murung’agen rogon ni ngan par ni yib be’ech u mit Got.

Levitikus 22:3

Demturug e re mfen nra taw ngay ma ra ba ta’ay reb e pi’in owchemed, me yib nga to’oben fapi maligach nib tabgul nike pi’ e girdi’ nu Israel ngog, ma aram e dakuriy bangiyal’ ni ku ra pigpig ngog ko fare altar. I Gag SOMOL.

Numbers 4:18

“Dab mpagew fare ke girdi’ rok Kohath

Numbers 15:30

Machane demturug be’ nra denen nri tafinay rok, ndemturug ko be’ nu Israel fa be’ nu reb e nam ni be par u Israel ma bbuch e rok, ya be dariyfannag SOMOL, ere yira thang e pogofan rok,

Numbers 15:31

ni bochan e ke pi’ keru’ ko n’en nike yog SOMOL ma ke th’ab ni leam rok. Ere ra yim’ ma ir e ke girengiy e yam’ nga daken.”

Numbers 19:13

Demturug be’ nra math nga ba yam’ mde be’echnag ir e ra par nib ta’ay, ni bochan e fare ran ni yima machalbog nagey ngay e dawor ni pu’og nga daken. Ma ke ta’aynag fare Tent rok SOMOL, ma aram e bay ni tay ni gathi ku ir reb e girdi’ rok SOMOL.

Numbers 19:20

Fa’anra be’ nib ta’ay ma dawri be’echnag ir e ra par nib ta’ay, ni bochan e ran ni yima machalbog nigey ngay e dawor nin’ nga daken. Ma aram e ir e ke ta’aynag e Tent rok SOMOL ma dab kun tay ni reb e girdi’ rok Got.