Exodus 30:18 - Bible Ni Thothup

¹⁸ “Mu ngongliy barba’ i dabiy ko bronze ni enggin u but’ e kub bronze. Mag tay e re dabiy ney nga thilin e Tent nge altar, mag pu’og e ran nga langgin.

Exodus 30:18 Referans Kwoze

Exodus 40:7

Ma ga tay fare dabiy nga thilin fare Tent nge fare altar ma ga suguy ko ran.

Exodus 38:8

I ngongliy barba’ i dabiy nge ay ko wasey ni bronze, ni ngongliy u yuyang i therik ni fen e ppin ni yad ma pigpig u mit fare Tent u p’eowchen SOMOL.

2 Kronicles 4:2

Miki ngongliy ba teng nib bronze ni ba lulbuy, ni medlip nge baley e fit to’marngin, ma ragag nge lal e fit u barba’ nga barba’, ma aningeg i ragag nge lal e fit ga’ngin lukngun ni kan liyeg e fol riy.

1 Kings 7:38

Miki ngongliy Huram ragag raba’ i dabiy, nra barba’ ma fen reb e cart. Ra barba’ e dabiy ma nel’ e fit u barba’ nga barba’ u langgin mra taw 200 e galon ngay.

1 Kings 7:23

Me ngongliy Huram ba teang nib lulbuy ko wasey ni bronze, ni medlip nge baley e fit tom’arngin, ma ragag nge lal e fit ga’ngin radan u barba’ nga barba’, ma aningeg i ragag nge lal e fit ga’ngin lukngun.

1 John 1:7

Machane fa’anra ud pired u fithik’ e tamilang — ni bod ir ni bay u fithik’ e tamilang — ma aram e kad ta’ab girdi’gad nike ta’reban’dad, ma racha’en Jesus ni Fak e ir e be be’ech nagdad u urngin e denen rodad.

Titus 3:5

me chuwegdad ko kireb nge thapegdad ngak Got. Ma gathi rin’ ni aram rogon ni gomanga bochan e ngongol ni bfel’ ni kad ngongliyed, machane bochan e be runguydad, ma aram me chuwegdad ko kireb nge thapegdad ngak Got u daken e maluk ni tay ngodad, nu daken e re maluk ney e ir e pi’ fare Kan Nthothup e bin nib be’ech e gargel nge bin nib be’ech e pangin riy ngodad.

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

2 Kronicles 4:6

Mu ku ra ngongliyed ragag raba’ i dabiy, lal raba’ e ngan tay nga ba’ ni yimuch ko fare Tempel ma lal raba’ nga ba’ ni lel’och. Ngu’un luknag yuyang ko fapi gamanman ni kan urfiy ni maligach riy. Ma ran ko fare teng nib ga’ e ngi i fanay e prist ngu’ur maluk niged pa’rad ngay.

Levitikus 8:11

Miki fek boch ko fare gapgep nge atngin ni medlip yay nga daken fare altar nge gubin tatalin nge nga daken fa raba’ i dabiy nge ay u but’, ya aram e be pi’ e pin’em ngak SOMOL.

Exodus 31:9

nge fare altar ni fen e maligach ni mo’oruf, nge gubin mam’en, nge fa raba’ i dabiy nge tagil’,

Exodus 30:17

Me ga’ar SOMOL ngak Moses,

Eklesiastes 5:1

Mukol ayuw u rogon e yan rom nga Tempel. Kabfel’ ni ngam mman ngaram ni ngam fil ban’en ko bin ni ngam pi’ e maligach ni bod e girdi’ ni balyang ni der puf u lanyan’ e n’en nib mat’aw ko tin nib kireb.