Exodus 30:1 - Bible Ni Thothup

¹ “Mu ngongliy ba altar ko gek’iy ni acacia, ni ngu’un urfiy e incense u daken.

Exodus 30:1 Referans Kwoze

Revelation 8:3

Me yib reb e engel i sak’iy nga altar, ni bay baraba’ i ban’en u pa’ nib gol ni yima tay bogi n’en ni bfel’ bon ngay ngan urfiy. Ni bo’or fa pin’en ni bfel’ bon ni yima urfiy ni kan pi’ ngak ni nge puthuy ko meybil ni i pi’ urngin e girdi’ rok Got me pi’ u daken fare altar ni bay u m’on u tagil’ Got.

Levitikus 4:7

Ma aram me tay boch fapi racha’ ko pi gagey ni bay ko tabthung ko fare altar ko incense u lan fare Tent. Me pu’og e tin ke aw ko fapi racha’ nga enggin fare altar ni yima urfiy e maligach riy, ni bay nga langan e mab ko fare Tent.

Exodus 40:5

Ma ga tay fare altar nib gol ni fen e incense ni yima urfiy nga m’on ko fare Kahol ko M’ag mag tining fagi kateng u langan e mab ko fare Tent.

2 Kronicles 26:16

Machane nap’an ni par Uzziah ni Pilung nike gel gelngin me tolngan’, ma aram tapgin me mul pa’ ko pilung. I dariyfannag SOMOL ni Got rok ni bochan e yan ngalan fare Tempel ni nge urfiy e incense u daken fare altar ko incense.

1 Kings 6:20

Re senggil nem e guyey e fit n’umngin, ma guyey e fit radan, ma guyey e fit tolngin, ni ga’ngin u langgin ni ka ni gabdiy e gol ngay. Ma altar e ka ni gabdiy e ren ni cedar ngay.

Levitikus 4:18

Me tay boch fapi racha’ ko fapi gagey u tabthungen fare altar ko incense ni bay u langgin fare Tent me pu’og e tin ke aw ko fapi racha’ nga enggin fare altar ko maligach ni mo’oruf, nib migid nga langan e mab ko fare Tent.

Exodus 30:10

Ta’bayay u reb e duw ni nge machalbognag Aron fare altar ni rogon ko motochiyel, ni aram e nge tay e racha’ ko fa aningeg i gagey u tabthungen fare altar, nracha’en fare gamanman ni maligach ko denen. Ren’ey e ngu’un rin’ ni gubin e duw i yan ngaram. Re altar ney e nge par ni ga’ngin nib thothup, ni kan ognag ngog, i Gag SOMOL.”

Hebrews 9:4

Nu lan e bay e altar riy nib gol ni yima urfiy bogi ban’en ni bfel’ bon u daken, ma ku errogon fare kahol ko m’ag ni bay riy, ni kan ing ko gol ni polo’. Ma re kahol nem e bay fare rume’ u lan nib gol ni bay e manna u lan, nge fare ley i sog ku Aron ni fa’ani yib yuwan, nge fa gal yang i malang ni kan yoloy e fapi motochiyel nga daken.

Exodus 30:2

Re altar ney e ta’reb n’umngin nga radan, ya ragag nge meruk e inch n’umngin ma ku ragag nge meruk e inch radan, ma guyey nge nel’ e inch tolngin. Fa aningeg i gagey ko tabthung riy u daken e ba peth ko re altar nem.

Exodus 35:15

nge fare altar ni yima urfiy e incense u daken, nge mat’ riy; nge fare gapgep ni fen e mathiy; nge fare incense ni bfel’ bon, nge fare gi kateng ni fen langan e mab ko fare Tent;

Numbers 3:31

Yad e ba milfan ngorad fare Kahol ko M’ag, nge fare tebel, nge tagil’ e magal, nge altar, nge pi tatalin maruwel nma fanay fapi prist u lan fa Gin nib Thothup, nge fare gi kateng u langan e mab ko Gin Th’abi Thothup. Urngin e pigpig ni yima tay nib l’ag rogon ko pin’em e yad e ba milfan ngorad.

1 Kings 6:22

Lan e Tempel ni ga’ngin e ka ni gabdiy e gol ngay, ma ku er rogon fare altar ni bay u lan e Gin Th’abi Thothup.

1 Kings 7:48

Miki yog Solomon ni ngan ngongliy gathon fare Tempel nib gol: ni aram fare altar, fare table ni fen e flowa ni yima pi’ ngak Got,

1 Kronicles 6:49

I Aron nge pi’in owchen e ur pi’ed fapi maligach ni incense nge pi maligach ni yibe urfiy u daken e altar. Yad e ba milfan ngorad urngin e liyor ni yima rin’ u langgin fa Gin Th’abi Thothup, nge fapi maligach ni man’ag Got fan e denen rok yu Israel riy. Ur rin’ed urngin e pin’ey ni bod rogon ni motochiyelnag Moses ni fare tapigpig rok Got.

1 Kronicles 28:18

nge bu uw urngin e gol ni ngan ngongliy fare altar ni yima urfiy e incense u daken nge tin ngan ngongliy fare chariot riy ni fan ko fa gali n’en ni bay pon ni kerubim fithingan ni kar pithigew porow nga daken fare Kahol ko M’ag rok SOMOL.

Ezekiel 41:22

ba altar ni ren. Ni lal e fit tolngin ma aningeg e fit radan. Duga’ ko pi tabthung riy, pi ta’ riy, nge gubin raba’ riy e go’ ni ngongliy ko ren. Me ga’ar fare mo’on ngog, “Irera’ e re tabel ni be par u p’eowchen SOMOL.”

Exodus 31:8

fare tebel nge gubin mam’en, nge fare tagil’ e magal nib gol nge gubin mam’en, nge fare altar ni yima urfiy e incense u daken,

Exodus 39:38

nge fare altar nib gol; nge fare gapgep ni fen e mathiy; nge fapi incense ni bfel’ bon; nge fare gi kateng ni fen langan e mab ko fare Tent;

Numbers 4:11

Me migid miyad pithig bang i mad nib ra’en mak’ef nga daken fare altar ni gol, ngar upunguyed ngabang i keru’ e gamanman ni bfel’, ma aram miyad yip’ e mat’ riy ngay.