Exodus 3:9 - Bible Ni Thothup

⁹ Kug rung’ag laman e girdi’ rog ni yad be man ayuw ngog, ma kug guy gelngin e gafgow ni be tay piyu Egypt ngorad.

Exodus 3:9 Referans Kwoze

Exodus 2:23

Me munmun me yim’ e pilung nu Egypt. Machane piyu Israel e kuyad be gowol ko gafgow ni yibe tay ngorad ko sib niyad be tay rok piyu Egypt, miyad yornag e ayuw ngalang. Me yan lamrad ngalang ngak Got,

Exodus 3:7

Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Exodus 1:11

Ma aram miyad tay e girdi’ ni ngi i gelnag e thin ngorad ngar maruwelgad nib gel ya ngar magaergad; me toy piyu Israel e naun u lan e binaw nu Pithom ngu Rameses ni fan ngak Farao, ni aram e gin nge mang tafen e ggan ko fare pilung.

Exodus 1:22

Me ga’ar Farao ngak urngin e girdi’ ko nam rok, “Urngin e bitir ni pumo’on ni yira gargeleg ngak e Hebrew e ngmon’ed ngalan e lul’ ni Nile, machane bitir ni ppin e ngan pag ngar pired ni yad bfos.”

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Amos 4:1

Mu telmed ko pi thin ni ba’aray, gimed e pi’in ni ppin nu Samaria, ni kam sugsug gad ni bod e pi garbaw nu Bashan ni bfel’ e dorwo’ ngorad, ma ba kireb e ngongol romed ngak e pi’in nib me’waer, ma gimed be gafgownag e pi’in gafgow, ma gimed ma gelfen ngak pi figirngimed ni ngar pi’ed e rrum ngam unumed.

Genesis 16:11

Ke chugur ni ngam gargeleg bochi pagel, ma ngam tunguy fithingan ni Ishmael, I SOMOL e ke rung’ag lamam u fithik’ e gafgow nike yib ngom.

Deuteronomy 26:7

Ma gamad wenig ngak SOMOL ni Got rok epi chitamangimad ni kakrom ni nge ayuwegmad. Me rung’ag lammad, me guy e gafgow ni yibe tay ngomad, nge pin’en nib mo’maw’ ni be yib ngomad, nge maruwel nib gel ni yibe pi’ ngomad gamad be gafgow riy.

1 Samuel 9:16

“Gonap’an e re ngiyal’ i n’ey gabul e bay gu pi’ be’ ko ganong rok Benjamin nge yib ngom; mu gapgepnag nge par ni ir e nge gagiyegnag piyu Israel ni girdi’ rog, ya ir e nge lagrad u pa’ e pi Filistine. Ya kug guy e gafgow ni be tay e girdi’ rog, ma kug rung’ag e myor ni man ayuw rorad ngog.”

2 Kings 13:4

Ma aram me meybil Jehoahaz ngak SOMOL, me SOMOL e be guy gelngin ni be gafgownag fare pilung nu Syria piyu Israel, me fulweg taban e meybil rok.

Genesis 31:12

Me ga’ar, ‘Amchangar, urngin e kaming ni pumo’on ni yad be cheag ko tin ni ppin e yad ba myolyol, nge wupwupnun’, ma bochiyad e ba gagang’ e wech u downgin. I gag e kug yodroynag ya kug guy urngin e tin be rin’ Laban ngom.

Exodus 1:8

Ma aram me yib reb e pilung nib be’ech, ni dariy ban’en u murung’agen Josef ni manang, nge yib i ga’ u Egypt.

Exodus 2:25

Me guy rogon ni yibe sibnag yu Israel me magfan’ ngorad.

2 Kings 20:5

ni nge sul ngak Hezekiah, ni ir e ma yog e thin rok e girdi’ rok SOMOL, nge ga’ar ngak, “I gag SOMOL ni Got rok e ga’ rom i David kakrom, e kug rung’ag e meybil rom ma kug guy lu’am. Bay ggol nigem, me nap’an dalip e rran ma ga yan nga Tempel.

Nehemiah 9:9

“Gur e um guy rogon e gafgow ni i tay pi chitamangimad ni kakrom u Egypt; mu rung’ag e man ayuw nra ninged ngom ko fa gi Day ni Red Sea fithingan.

Psalms 9:14

ya nge yag ni gu sak’iy nga p’eowchen e girdi’ nu Jerusalem nggu weliy ngorad urngin ban’en ni gu be pining e sorok riy. Bay gu felfelan’ ni bochan e kam mat’aw nigeg.