Exodus 3:7 - Bible Ni Thothup

⁷ Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Exodus 3:7 Referans Kwoze

Psalms 145:19

Pi’in bay madgun u wun’rad e ma pi’ ngorad e tin nge yag ngorad; ma rung’ag e tin yad ma wenignag ngak me ayuwegrad.

Psalms 106:44

Yug aram rogon machane ma motoyil SOMOL ngorad nnap’an ni yad ra yor ngak, me changar ko gafgow nike yib ngorad.

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Nehemiah 9:9

“Gur e um guy rogon e gafgow ni i tay pi chitamangimad ni kakrom u Egypt; mu rung’ag e man ayuw nra ninged ngom ko fa gi Day ni Red Sea fithingan.

Exodus 22:23

Ya fa’an gimed ra gafgow nagrad, nri yorgad ngalang ngog ni nggu aywegrad, me Gag SOMOL, e gu ra rung’ag lamrad,

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Psalms 34:4

Gu meybil ngak SOMOL me fulweg taban e meybil rog; i chuweg urngin e marus rog.

Exodus 1:11

Ma aram miyad tay e girdi’ ni ngi i gelnag e thin ngorad ngar maruwelgad nib gel ya ngar magaergad; me toy piyu Israel e naun u lan e binaw nu Pithom ngu Rameses ni fan ngak Farao, ni aram e gin nge mang tafen e ggan ko fare pilung.

Genesis 29:32

Me diyen Leah me gargel ni bochi pagel. Me ga’ar, “I SOMOL e ke guyeg ni gu be gafgow, chiney e bayi adageg e pumo’on rog”; me tunguy fithingan ni Ruben.

Psalms 22:24

Der ma fek owchen rok e pi’in dariy ban’en rorad ara sabalbalyang ko pi gafgow rorad; der ma par u orel rorad, mma rung’ag lamrad e ngiyal ni yad ra man ayuw.”

1 Samuel 9:16

“Gonap’an e re ngiyal’ i n’ey gabul e bay gu pi’ be’ ko ganong rok Benjamin nge yib ngom; mu gapgepnag nge par ni ir e nge gagiyegnag piyu Israel ni girdi’ rog, ya ir e nge lagrad u pa’ e pi Filistine. Ya kug guy e gafgow ni be tay e girdi’ rog, ma kug rung’ag e myor ni man ayuw rorad ngog.”

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.

Psalms 142:3

Nap’an nra yan ni nge mulan’ug, ma manang e tin nthingar gu rin’. U lan e kanawo’ ni gin gu be yan riy, e ke pacheg e pi to’ogor rog ba wup ni nggu aw ngay.

Genesis 18:21

Thingar gu wan ngaram nga p’ening ngug guy ko tin kanog ngog nib togopluw ngorad e riyul’ fa de riyul’. Bay gu wan mu gu nang.”

Acts 7:34

Kug guy e kireb nge gafgow ni yibe tay ngak e girdi’ rog u Egypt. Ya kug rung’ag lamrad ni yad be gel’gel’, ere ku gub nga but’ ni nggu chuwegrad u tan pa’ yu Egypt. Ere nggu l’oegem ngam man nga Egypt.’

Genesis 16:11

Ke chugur ni ngam gargeleg bochi pagel, ma ngam tunguy fithingan ni Ishmael, I SOMOL e ke rung’ag lamam u fithik’ e gafgow nike yib ngom.

Genesis 21:17

Me rung’ag Got laman fare pagel ni be yor, me non fare engel rok Got u tharmiy ngak Hagar ni ga’ar, “Hagar, mang e ke magafan’um ngay? Dab mu rus. Ya Got e ke rung’ag laman fare pagel ni be yor.

Genesis 31:12

Me ga’ar, ‘Amchangar, urngin e kaming ni pumo’on ni yad be cheag ko tin ni ppin e yad ba myolyol, nge wupwupnun’, ma bochiyad e ba gagang’ e wech u downgin. I gag e kug yodroynag ya kug guy urngin e tin be rin’ Laban ngom.

Genesis 31:42

Fa’an manga da imoy Got rog, ni fare Got rok pi ga’ rog ni kakrom ni aram Abraham nge Isak, ma rib mich ni chiney e ga ra pageg nggu wan ndariy ban’en u pa’ag. Ma Got e be guy e tin be buch rog nge maruwel ni ku ug tay nib gel, me fowngan me ginangngem rog.”

Exodus 5:6

Karofen nem me ga’ar Farao ngak fapi cha’ nu Egypt ni yad ma gelnag e thin ngak piyu Israel ko maruwel, miki ga’ar ngak piyu Israel ni pi’in ga’ u taban e maruwel,

Exodus 5:10

Fapi cha’ nu Egypt ni yad ma gelnag e thin ngorad ngar marwelgad nib gel nge girdi’ nu Israel ni yad e ga’ u taban e maruwel e ranod me lungurad ngorad, “I Farao ni pilung e keyog ni dabki mang ir e i pi’ e pan ni mlik ngomed.

Exodus 33:13

Fa’anra aram rogon, me ere mog ngog e tin ka mu tanomnag, nge yag ni ug fol rom ngki i par ni gub fel’ u wun’um. Dab mu pag talin ni gur e ka mu mel’eg e re nam ney ni nge milfan ngom.”

Numbers 20:16

ma gamad wenig ngak SOMOL ni nge ayuwegmad. Me rung’ag e meybil romad me pi’ ba engel nge yib nge pow’iymad nga wuru’ yu Egypt. Chiney e gamad bay u Kadesh, nib binaw ni bay ko mathil ko nam rom.

2 Samuel 22:28

Pi’in ba sobut’an’rad e ga ma chuwegrad u fithik’ e gafgow, ma ga ma sobut’nag e pi’in nib tolangan’rad.

2 Kings 13:4

Ma aram me meybil Jehoahaz ngak SOMOL, me SOMOL e be guy gelngin ni be gafgownag fare pilung nu Syria piyu Israel, me fulweg taban e meybil rok.

Psalms 35:22

Machane, gur SOMOL e kam guy e ran’ey. Ere SOMOL, dab mu th’abgulungam; dab mu palog nagem nga orel!

Exodus 1:8

Ma aram me yib reb e pilung nib be’ech, ni dariy ban’en u murung’agen Josef ni manang, nge yib i ga’ u Egypt.

2 Kings 20:5

ni nge sul ngak Hezekiah, ni ir e ma yog e thin rok e girdi’ rok SOMOL, nge ga’ar ngak, “I gag SOMOL ni Got rok e ga’ rom i David kakrom, e kug rung’ag e meybil rom ma kug guy lu’am. Bay ggol nigem, me nap’an dalip e rran ma ga yan nga Tempel.

Psalms 9:14

ya nge yag ni gu sak’iy nga p’eowchen e girdi’ nu Jerusalem nggu weliy ngorad urngin ban’en ni gu be pining e sorok riy. Bay gu felfelan’ ni bochan e kam mat’aw nigeg.

Psalms 12:6

Tin ma micheg SOMOL e rayag ni nge pagan’uy ngay; bod feni fel’ e silber, ni kan urfiy ke be’ech u mit e nifiy ni medlip yay.