Exodus 3:21 - Bible Ni Thothup

²¹ “Ma bay gu gagiyegnag piyu Egypt nge yib famed u wun’rad, ya nge taw ko ngiyal’ ni ngam chuwgad rorad, ma dab mmarod ndariy ban’en u pa’med.

Exodus 3:21 Referans Kwoze

Exodus 12:36

Ma ke gagiyegnag SOMOL piyu Egypt ke yib fan piyu Israel u wun’rad, ma aram me pi’ piyu Egypt ngorad e tin kar ninged ngorad. I fek piyu Israel e machaf rok piyu Egypt.

Psalms 105:37

Me pow’iy yu Israel nga wuru’ e nam nu Egypt; ni yad be fek e silber nge gol, yad gubin ni yad ba gel ni dariy e m’ar rorad.

Exodus 11:3

Me gagiyegnag SOMOL piyu Egypt ngar m’inggad nga tan yu Israel. Ya pi tolang nge girdi’ nu Egypt e ra ted Moses ni ir be’ nrib sorok.

Proverbs 16:7

Nap’an ga ra fel’ u wan’ SOMOL, ma rayag ni ngam pingeg e pi to’ogor rom ngar manged fager rom.

Psalms 106:46

Me gagiyegnag urngin e pi’in be gafgow nagrad nge kireban’rad ngorad.

Genesis 39:21

Machane bay SOMOL rok Josef ni be ayuweg, ma aram fan ni fel’ Josef u wan’ e cha’ nib milfan e kalbus ngak.

Acts 7:10

me ayuweg nde buch ban’en rok u urngin e gafgow ni pir’eg. Fa’ani yan Josef nga p’eowchen Farao, ni pilung nu Egypt, me fal’eg Got daken Josef ngak me pi’ Got e gonop ngak Josef. Me tay Farao Josef ni nge mang am ko nam rok nge urngin girdi’en e tabinaw rok.

Nehemiah 1:11

Mu telim ko meybil rog nge meybil rok urngin e tin ni kabay e tapigpig rom ni yad ba’adag ni ngu’ur ted fam. Mu man’og nigeg e daba’, ma ga gagiyegnag e en ni pilung nge runguyeg.” Ngiyal’nem e gag e ba milfan e wayin ko en pilung ngog.

Exodus 12:35

I rin’ piyu Israel ni bod rogon nike yog Moses ngorad, miyad ning ngak piyu Egypt e gol nge nunuw nni ngongliy ko silber, nge mad.

1 Kings 8:50

Ma ga n’ag fan u wun’um urngin e denen rorad nge togopluw rorad ngom, ma ga gagiyegnag e to’ogor rorad ngar golgad ngorad.

Genesis 15:14

Machane bay gu gechignag e re nam ni yad ra yodorom nagrad, ma bo’or e machaf ni yad ra chuw ko re nam nem miyad fek.

Exodus 11:2

Ere ngamog ko girdi’ nu Israel ni yad gubin ni ngar ninged e gol nge churwo’ ni silber ngak e en ni yad bbuguliyoror.”

Deuteronomy 15:13

Nap’an ni ga ra pag ni nge yan ma dab mu digey nge yan ni dariy ban’en u pa’.