Exodus 3:15 - Bible Ni Thothup

¹⁵ Mog ngak piyu Israel ni Gag, fare SOMOL, ni fare Got ko pi chitamangirad, ni Got rok Abraham, Isak, nge Jakob, e ku gu l’ogem ngorad. Ireray fithingag ni bay i par ndariy n’umngin nap’an; tin bay fini i yib e mfen e irera’ e re ngachal ni bay ur pininged ngog.

Exodus 3:15 Referans Kwoze

Hebrews 13:8

I Jesus Kristus e ka rogon ni fowap, nge daba’, nge chiney i yan ngam’on ndariy n’umngin nap’an.

Malaki 3:6

“I gag e SOMOL ma ri dab gu thil. Ere gimed e pi’in owchen Jakob e dawor mmalog gad e chiney.

Hosea 12:5

Ireram fare SOMOL ni Got ni Gubin ma Rayag Rok, I SOMOL e ir e re ngachal ni ngu’un liyor ngay.

Mikah 4:5

Ra reb e nam ma yad be meybil ma yad be fol rok e birorad e got, machane gadad e bay ud meybilgad ngak SOMOL ni Got rodad ma gadad be fol rok ndariy n’umngin nap’an.

Exodus 3:6

I gag fare Got rok e chitamam, ni fare Got rok Abraham nge Isak nge Jakob.” Me upunguy Moses owchen, ya ke tamdag ni nge changar ngak Got.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Psalms 102:12

Machane gur, SOMOL, e pilung ndariy n’umngin nap’an; gubin e mfen ni bay um par u wan’rad.

Psalms 135:13

SOMOL, gur e gubin ngiyal’ ni bay unognem ni gur e Got; gubin e mfen ni bay um par u wun’rad.

Acts 7:32

I gag fare Got rok pi chitamam, ni fare Got rok Abraham, nge Isak, nge Jakob. Me t’on Moses ko marus ndakiyag ni nge changar.

Deuteronomy 1:11

Mang e yigi yo’or nagmed SOMOL ni Got rok e pi ga’ romed ni kakrom ngki mun bokun e biyu’ ngomed, me fal’eg wa’athmed, ni bod nike micheg nra rin’!

Exodus 4:5

Me ga’ar SOMOL ngak, “Mu rin’ ni er rogon, ma aram me mich u wun’rad ni SOMOL, ni Got rok pi chitamangirad, ni fare Got rok Abraham, nge Isak, nge Jakob e ir e ke m’ug ngom.”

Isaiah 63:12

Bu uw SOMOL, ni rin’ u gelngin bogi maang’ang u pa’ Moses, i sey e day u maday me gafaliy e girdi’ rok u t’ay e regur ya nge gilbuguwan SOMOL ndariy n’umngin nap’an?”

Psalms 72:19

Fithingan nib gilbuguwan e ngu’un pining e sorok ngay ndariy n’umngin nap’an! Maluplup rok e mang e yigi suguy e fayleng. Amen! Amen!

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

2 Kronicles 28:9

Be’ nib mo’on ni Oded fithingan ni reb e profet rok SOMOL e i par u lan fare binaw nu Samaria. Me mada’nag fa raba’ i salthaw nu Israel nike chugur ni ngar taw gad ngalan binaw u Samaria ni ka ra feked boch piyu Judah ni kalbus, me ga’ar ngak fa raba’ i salthaw, “I SOMOL ni Got rok e pi chitamngimed e ke damumuw ngak yu Judah me pagmed ngam gelgad ngorad, machane mirin ni ka mu li’ed rad e ke rung’ag nga tharmiy e chiney.

Matthew 22:32

‘I gag fare Got rok Abraham, nge Got rok Isak, nge Got rok Jakob.’ Fan e ren’ey e ir e Got rok e girdi’ nib fos ma gathi Got rok e girdi’ nib yam’.”

Deuteronomy 4:1

Me ga’ar Moses ngak e girdi’ nu Israel, “Ngu’um folgad u urngin e pi motochiyel ni ba’aray ni nggu fil ngomed, ni ngu’um pired ni dabi buch ban’en romed, mi gimed par u lan fare nam ni SOMOL ni Got rok pi chitamangimed e bayi pi’ ngomed.

Deuteronomy 1:35

‘Dariy ta’ab gimed ko re mfen ni kireb ney nra thap nga langgin fare nam nib yong’ol ni kug micheg ni nggu pi’ ngak e pi ga’ romed ni kakrom.

Acts 3:13

Fare Got rok Abraham, nge Isak, nge Jakob, ni ir e Got rok e pi chitamangidad e ke tayfan e tapigpig rok i Jesus. Gimed e mpi’ed nga pa’ e pi’in yad be yog e thin, mi gimed yog u p’eowchen Pilate ni dabumed Jesus, ni mus ko fa ngiyal’nem ni duwgiliy Pilate ni nge pag Jesus.

Hebrews 11:16

Machane reb e nam ni kabfel’ e ir e yad be nameg, ni aram e fare nam ni tharmiy. Ma aram e de tamra’ Got ni ngrogned ni ir e Got rorad, ni fan e ke ngongliy rogon bbinaw ni taferad.

Genesis 24:12

Me meybil fare tapigpig ni ga’ar, SOMOL, ni Got rok e masta rog i Abraham, mu ayuwegneg e daba’ nge yag ngog e tin kugubnag ma ga tay nga tagil’ e tin kamog ngak e masta rog ni bay mu rin’ ngak.

Exodus 3:13

Machane me ga’ar Moses ngak Got, “Gu ra yan gu weliy ngak piyu Israel ni lungug ngorad, ‘Got rok pi chitamangimed e ke l’ogeg ni nggub ngomed,’ ma yad ra fitheg ni lungurad, ‘I mini’ fithingan?’ Ma aram e mang e gu ra yog ngorad?”

Exodus 4:1

Me fith Moses SOMOL ni ga’ar, “Ma fa’anra dabi mich u wan’ piyu Israel e tin kugog ngorad, miyad pag ndab ra motoyilgad ko tin kugog me lungurad, I SOMOL e de m’ug ngom, ma mang e nggu rin’?”

Exodus 6:2

Me welthin Got ngak Moses ni ga’ar, “I gag SOMOL.

Exodus 15:2

I SOMOL e ir e yoror rog nib gel; Ir fa’anem nike ayuwegneg ni de buch ban’en rog. Ir e Got rog, ma bay u gog e sorok ngak, ma ir e Got rok e chitamag, bay gu tangnag feni gel gelngin.

Exodus 15:3

I SOMOL e be’ ni girdi’en e mael; I SOMOL fithingan.

Levitikus 24:11

Me par fare mo’on ni be’ e chitiningin u Israel ngi i yog e thin nib kireb nga fithingan SOMOL, mi ni fek facha’ i yib ngak Moses, I Shelomath fithingan e chitiningin ni fak Dibre ni be’ ko ganong rok Dan.

Psalms 30:4

Ngan tangnag e sorok ngak SOMOL, gimed gubin e girdi’ rog nib yul’yul’ ngak! Mu ted u wan’med e n’en ke rin’ e En nib Thothup, migimed pining e magaer ngak!

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Isaiah 26:8

Gamad be falwok u lanin’um ma gur e lagan’ romad; i gur e gubin tabon lanin’mad.

Isaiah 42:8

“Kemus ni Gag e SOMOL ni Got rom. Dariy yugu reb e got ni ta’reb rogomow; dab gu pag e pi liyos nganog e sorok ngorad ni aram e kan unegrad ngog.

Jeremiah 33:2

Fare SOMOL ni ir e sunmiy e fayleng nge ayliy nga tagil, e ir e non ngog. Fithingan e cha’nem e SOMOL ni ga’ar,

Daniel 2:23

Gu be pining e sorok ngom ma gu be liyor ngom, i gur Got rok pi chitamangimad. Kam pi’ e gonop ngog nge gelngig; kam fulweg taban e meybil rog ma kam dag ngomad e n’en ni ngu’ug weliyed ngak e en ni pilung.”

1 Kronicles 16:16

fare m’ag ni ngongliy u thilrow Abraham, me mownag ngak Isak.

1 Kronicles 29:18

SOMOL ni Got rok e pi chitamngimad i Abraham, Isaak, nge Jakob, mu tay e biney e tafinay ni bfel’ ni gubin ngiyal’ u lan gumircha’en e girdi’ rom ma ga tayrad ni gubin ngiyal’ ni yad ba yul’yul’ ngom.

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

Psalms 68:5

I Got, nma par u lane Tempel rok nib thothup, e ma ayweg e pi’in kanim’ rorad mma yoror rok e pi’in ke yim’ figirngirad.

Psalms 102:13

Bay mu sak’iy nge kireban’um ngak yu Zion; ke taw nga nap’an ni ngan runguy; irera’ ngal’an nike taw ngay.

Hosea 12:6

Ere chiney, e pi’in owchen Jakob, mu pagan’med ngak e Got romed migmed sul ngak. Mu yul’yul’gad mi gimed rin’ e tin bmat’aw, migmed sonnag Got u fithik’ e gumaen’ ni nge mang ir e rin’ ban’en.