Exodus 29:7 - Bible Ni Thothup

⁷ Mag fek fare gapgep ni fen e mathiy ngam pu’og nga lolgen mag liyef ngay.

Exodus 29:7 Referans Kwoze

Numbers 35:25

Girdi’ ko fare binaw e ngar ayuweged e cha’ nike thang e pogofan u pa’ e girdi’ rok facha’ nike yim’. Miyad pi’ facha’ nge par u reb fapi binaw ni tagil e ayuw. Me par u rom nge mada ko ngiyal nike yim’ fare Prist ni Th’abi Ga’.

Levitikus 21:10

“Fare Prist ni Th’abi Ga’ e kan pu’og fare gapgep ni fen e mathiy ni nge tabgul nigey nga daken lolgen ni kan tabgulnag ni nge chuw ko fapi madan e prist, thangri dabi pag piyen lolgen ndabi rawey ara guchthiy e mad rok ni nge dag ni ir be’ ni be mowaw.

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Psalms 133:2

Bod fare gapgep ni fen e mathiy ni rib t’uf ni be lul’ u lolgen nge roben Aron nga but’, nga daken bil’elgun e thal ni wuru’ e mad rok.

Psalms 89:20

Ku gu pilungnag David ni tapigpig rog ku gu gapgepnag ko gapgep ni thothup.

Levitikus 10:7

Dab mmarod u langan e mab ko fare Tent nga wean, ya gimed ra yim’, ya kan liyefmed ko fare gapgep ni fin e mathiy rok SOMOL.” Aram miyad rin’ ni bod nike yog Moses.

Exodus 28:41

Ma gon’ e pi mad ney nga daken Aron ni walagem nge pifak ni pumo’on. Ma aram mag gapgep nagrad ngam yibleyrad ngam og nagrad ni kar tabgulgad, nrayag ni ngar pigpiggad rog ni prist.

1 John 2:27

Machane gimed e ke pi’ Kristus e Kan Nthothup rok ngomed. N’umngin nap’an ni be par e Kan Nthothup rok romed e dariy rogon ni nge yib be’ i fil ban’en ngomed. Ya fare Kan Nthothup e be fil ngomed murung’agen urngin ban’en, ma tin be fil ngomed e ba riyul’, ma gathi de riyul’. Ere mfolgad ko tin be fil e Kan Nthothup ngomed ngam pired u fithik’ Kristus.

Zekariah 4:14

Ma aram me ga’ar, “Irera’ fagali pumo’on nike mel’eg row Got ke gapgep nagrow ni ngar pigpiggow ngak, fare SOMOL ko polo’ e fayleng.”

Exodus 40:13

Ma gon’ madan e prist nga daken Aron, mag gapgepnag, aray rogon ni ngan rin’ me tabgul, ni aram e rayag ni nge pigpig ni prist rog.

Levitikus 7:35

Irera’ e gin’en ko fare ggan ni yima pi’ ngak SOMOL ni ir e ni pi’ ngak Aron nge fapi pumo’on ni fak ko rofen nni yiblayrad ni ngar manged prist.