Exodus 29:3 - Bible Ni Thothup

³ Mag af e pi flowa nem ngalan ba dug ngam ognag ngog u nap’an ni ngam pi’ fare fak e garbaw ni pumo’on nge fa gal fak e saf ni pumo’on ni maligach ngog.

Exodus 29:3 Referans Kwoze

Numbers 6:17

Me li’ fare saf ni pumo’on nge pi’ ni maligach ngak SOMOL ni nge gapaseg thilin Got nge girdi’, nib mu’un fare dug i flowa ngay; miki pi’ ni aram e ke ognag fapi maligach ni grain nge wayin.

Levitikus 8:31

Me ga’ar Moses ngak Aron nge fapi pumo’on ni fak, “Mu feked fapi ufin nga langan e mab ko fare Tent u p’eowchen SOMOL, mu dulnguyed, mi gimed kay ngam th’aged ko flowa ni bay u lan fare dug ni fen e maligach ni yima pi’ nnap’an ni yibe yibley be’ ni nge mang prist, nri bod rogon ni yog SOMOL.

Levitikus 8:26

Me fek reb e flowa ni lof u lan fare dug ni bay fapi flowa riy nlith ndariy e is riy ni kan mu’ i pi’ ngak SOMOL, ni reb e lof ni kan lith ni bay e gapgep riy, nge ba kek nib gilgith, me tay nga daken fapi mam nge fa ba’ ni mat’aw i ay.

Levitikus 8:2

“Mu fek Aron nge pifak ni pumo’on nga langan e mab ko fare Tent u p’eowcheg mag fek fapi madan e prist i yib, nge fare gapgep ni fen e mathiy, nge ba fak e garbaw ni pumo’on ni fan ko maligach ko denen, nge fa gali pifak e saf ni pumo’on, nge fare dug i flowa ndariy e is riy.

Exodus 29:2

Mag fanay e tin th’abi fel’ e flour ni wheat ndariy e is riy, mag ngongliy boch e flowa ni bay e gapgep ni olive riy, nge boch ndariy riy, nge boch e flowa ni bod e kek nib gilgith ni kan achey e gapgep ngay.

Exodus 29:4

“Mag fek Aron nge fapi pumo’on ni fak i yib nga langan e mab ko fare Tent u p’eowcheg, mag luk nagrad ngar machalboggad.