Exodus 29:2 - Bible Ni Thothup

² Mag fanay e tin th’abi fel’ e flour ni wheat ndariy e is riy, mag ngongliy boch e flowa ni bay e gapgep ni olive riy, nge boch ndariy riy, nge boch e flowa ni bod e kek nib gilgith ni kan achey e gapgep ngay.

Exodus 29:2 Referans Kwoze

Numbers 6:15

Ma kag ra pi’ ni maligach ba dug i flowa ni kan lith ndariy e is riy: ni bogi lof nib dub’ag ni kan ngongliy ko flour ni kan athkuy e gapgep ni olive ngay nge yochi kek ni kan achey e gapgep ni olive nga daken, nge maligach ni grain nge wayin ni yigagen.

1 Korinth 5:7

Ere re is nir nike n’uw nap’an ni aram e denen ni be par u fithik’med e ngam n’iged nge yag ni mmachalboggad ni polo’. Ma aram mi gimed bod bangi flowa ni ka fin nni gelgiy ndariy e is riy, ya ri gu manang ni aray rogomed. Ere chiney ni kan pi’ Kristus ni maligach ni ir e kemang saf rodad ko Paluk’af e aram e kem’ay i fal’eg rogon e madnom rodad ni Paluk’af.

Numbers 6:19

Ma nap’an nra n’ag fare raba’ lik’ipon fare saf ni pumo’on, me fek fare prist nge chagiy nga ta’reb e flowa ni lof nge reb fa yochi kek u lan fare dug, nge tay ngalan pa’ fare Nazirite.

Levitikus 8:26

Me fek reb e flowa ni lof u lan fare dug ni bay fapi flowa riy nlith ndariy e is riy ni kan mu’ i pi’ ngak SOMOL, ni reb e lof ni kan lith ni bay e gapgep riy, nge ba kek nib gilgith, me tay nga daken fapi mam nge fa ba’ ni mat’aw i ay.

Levitikus 8:2

“Mu fek Aron nge pifak ni pumo’on nga langan e mab ko fare Tent u p’eowcheg mag fek fapi madan e prist i yib, nge fare gapgep ni fen e mathiy, nge ba fak e garbaw ni pumo’on ni fan ko maligach ko denen, nge fa gali pifak e saf ni pumo’on, nge fare dug i flowa ndariy e is riy.

Levitikus 7:12

Fa’anra pi’ be’ ba maligach ni fen e ogmagaer ngak Got, ma thingar ki chagiy ngay reb e gamanman ni maligach, nge ba flowa ni dariy e is riy: ni demturug ko lof nib dib’ag nni ngongliy ko flour ni kan athkuy e gapgep ni olive ngay ara kek nib gilgith ni kan achay e gapgep ni olive ngay ara kek nni ngongliy ko flour ni kan athkuy ko gapgep ni olive.

Levitikus 7:10

Machane gubin e pi maligach ni grain, ni demturug ko kan athkuy e gapgep ni olive ngay fa ba mlik, ma gubin nib milfan ngak fapi prist ko tabnaw rok Aron ni yira f’oth rorad ni ta’reb rogon.

Levitikus 2:15

Min tay e gapgep ni olive ngay nge incense nga daken.

Exodus 29:23

Fare dug i flowa nni ognag ngog, e ngam fek reb e lof u bmit ngu bmit: reb e flowa ni kan ngongliy ko gapgep ni olive nge reb ndariy e gapgep ni olive riy nge reb ni bod ba kek ni ba gilgith.

Exodus 12:8

Re nep’ i n’em e ngan urfiy ufin e pi gamanman nem min th’ag ko flowa ni dariy e is riy nge woldug nib mo’oy.

Exodus 29:3

Mag af e pi flowa nem ngalan ba dug ngam ognag ngog u nap’an ni ngam pi’ fare fak e garbaw ni pumo’on nge fa gal fak e saf ni pumo’on ni maligach ngog.

Levitikus 6:13

Thangri i par fare nifiy u daken e altar ni dabi math, ni dariy e ngiyal’ ni ngan pag nge math.