Exodus 29:18 - Bible Ni Thothup

¹⁸ Mag urfiy fare saf ni pumo’on nib polo’ u daken e altar ni aram e ba maligach ni ggan. Ma bon e re maligach ney e bfel’ u wun’ug.

Exodus 29:18 Referans Kwoze

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

Mark 12:33

Ere girdi’ e thangri t’uf Got rok u polo’ i gum’irchaen, ngu polo’ i laniyan’, ngu polo’ i gelngin; ma thingari t’uf rok e en nib migid ngak ko gin’en ni bay riy ni gowe ir. Kabfel’ ni ngan fol ko gali motochiyel ney ko bin ni ngan fek e gamanman i yib ni maligach ngan urfiy u daken e altar mu kun pi’ yugu boch e maligach.”

Jeremiah 6:20

Dariy fan u wun’ug e incense ni yad be fek u Sheba i yib ngog, ara spices nni fek u reb e nam nib orel. Dabi fel’ u wun’ug e tin yad be pi’ ngog; dabi fel’ u wun’ug e pi gamanman ni maligach ni yad be pi’ ngog.

Isaiah 1:11

Be ga’ar, “Gimed be finey ma gu ba’adag urngin e pi maligach ni gimed be pi’ ngog? Ka ni chichingeg nga owcheg e pi saf ni gimed be urfiy ngu’um pi’ed ngog ni maligach, nge mam ko tin th’abi fel’ e gamanman romed. Ku gu dabuy e racha’ ko garbaw nge saf nge kaming.

Psalms 50:8

Dagur puwan’ ngomed ni bochan e pi maligach romed nge pi maligach ni mo’oruf ni gimed be fek i yib ngog ni gubin ngiyal’.

1 Kings 18:38

Me pag SOMOL e nifiy u lang ko fare altar, me urfiy fare maligach, nge fapi l’ud, nge fapi malang, nge gowel e but’ me m’ay fapi ran u lan fare wol’ e ran nib liyeg fare altar.

1 Kings 3:4

Me yan fare pilung nga Gibeon ni nge pi’ e maligach u rom, ni aram e gin th’abi tolang; ma ka e urfiy bbiyu’ e maligach u rom kafram.

1 Samuel 7:9

Me li’ Samuel ba pifak e saf me urfiy ni ga’ngin nge pi’ ni maligach ngak SOMOL. Me meybil ngak SOMOL ni nge ayuweg piyu Israel, me fulweg SOMOL taban e meybil rok.

Levitikus 9:24

Chingiy’al i n’em me pi’ SOMOL e nifiy nge yib, nge langbiy fare maligach ni mo’oruf nge fa yung i mam nu daken fare altar. Ma nap’an ni guy fapi girdi’ fare nifiy, miyad gubin nra tolulgad miyad an owcharad nga daken e but’.

Levitikus 1:17

Me kol pon u barba’ ngu barba’ nge pof nge machwo’ u ngorngoren, ma dabi chow’ay nge mul pon fare arche’ u kenggin, ma aram me urfiy nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Exodus 29:25

Mag fek rorad ngam urfiy u daken e altar, ni bay u daken fare maligach ni mo’oruf, ni aram e ba ggan ni kan ognag ngog. Ma bon e re maligach ney e bfel’ u wun’ug.

Genesis 22:13

Me chachangar Abraham me guy ba saf ni pumo’on nike mit e gagey rok u fithik’ i papa’ngin bochi ke gek’iy. Me yan i kol, nge urfiy nge pi’ ni maligach ma daki pi’ fak ni maligach.

Genesis 22:7

Me ga’ar Isak, “Chitamag!” Me fulweg ni ga’ar, “Fakag, be mang?” Me fith Isak ni ga’ar, “Kug guy ni bay e kol nge l’ud, machane bu uw e saf ni nge mang maligach?”

Genesis 22:2

Me ga’ar Got, “Mu fek fare pagel ni fakam ni Isak, ni kari maagirag rom, ma bt’uf rom, ngam marow ko fa gi binaw ni Moriah. U daken bburey ni bay fini gu dag ngom, u rom e ir e thingar mu li’ riy ma ga urfiy ngam pi’ ni maligach.”

Exodus 29:17

Mag theth’ab fare saf nge achig yang; mag luknag gathogthon nge ay, nge yungin ni kabay riy ngam tay nga daken lolgen fare saf.

Levitikus 1:9

Ma gil’iggan nge ay fare gamanman nl’agruw raba’ e ra luknag facha’, ma re prist ni ir e be pigpig e ngiyal’nem e nge urfiy fare maligach nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Genesis 8:20

Me ubung Noah ba altar ni fan ngak SOMOL; mra bmit fapi gamanman nge arche’ nike duwgiliy Got ni ngu’un pi’ ni maligach, me fek reb u fithik’ nge li’ nge urfiy ni polo’ u daken fare altar, ni aram e ke pi’ ni maligach ngak Got.