Exodus 29:13 - Bible Ni Thothup

¹³ Me migid mag fek gubin yang e mam nib ing gil’iggan fare gamanman, nge gin th’abi fel’ ko ad riy, nge fagal bu’oy nib mu’un e mam riy ngay, mag urfiy e pin’ey u daken e altar nib maligach ngog.

Exodus 29:13 Referans Kwoze

1 Samuel 2:16

Ma fa’anra ga’ar fa’anem, “Som’on e nga ni urfiy e mam ni bay riy nge mu’ ma ga fek e tin ga ba’adag riy,” mra yodorom me ga’ar fare tapigpig rok e prist, “Dangay! Mpi’ ngog e chiney! Ya ra dangay ma nggu fek u fithik’ e yargel!”

Isaiah 43:24

Da mchuw’iyed e incense ni fan ngog, ara mu fal’eged lanin’ug ko mam ko gamanman romed. Ya mu gafgow niged lanin’ug ko denen romed; i thay porawog ko kireb ni um ngongliyed.

Isaiah 34:6

Saydon rok e bayi pen ko racha’ rorad nge mam, ni bod e racha’ nge mam u pifak e saf nge kaming ni yima maligach ngay. I SOMOL e bayi pi’ e re maligach ney u lan e binaw nu Bozrah; bayi gagiyegnag ngan cham nib almarin u daken e but’ nu Edom.

Isaiah 1:11

Be ga’ar, “Gimed be finey ma gu ba’adag urngin e pi maligach ni gimed be pi’ ngog? Ka ni chichingeg nga owcheg e pi saf ni gimed be urfiy ngu’um pi’ed ngog ni maligach, nge mam ko tin th’abi fel’ e gamanman romed. Ku gu dabuy e racha’ ko garbaw nge saf nge kaming.

Psalms 22:14

Ma kem’ay gelngig, ni bod e ran ni map’ nga daken e but’. Urngin e yil ko ul ul u dowag nike thil; ma gumircha’eg e bod ba kendel nike ranran.

Numbers 18:17

Ma tin nganni’ u fak e garbaw, nge saf, nge kaming e dab kun chuw’iyrad ngan fulwegrad; ke milfarad ngog ni yad gubin ngan maligach ngorad. Ngam atngiyed racha’en fapi gamanman ko altar mi ni orfeg e mam riy nib maligach ni ggan, rib fel’ u wun’ug galo’chngin.

Levitikus 17:6

Ma fare prist e nge pag e racha’ nga l’agruw raba’ fare altar u langan e mab ko fare Tent me urfiy e mam ni nge wereg bon gol’ochngin ni rib fel’ u wan’ SOMOL.

Levitikus 16:25

Me urfiy u daken e altar e mam ko fare gamanman ni maligach ni fan ko denen.

Levitikus 9:19

Me tay Aron e mam ko fare garbaw ni pumo’on nge fare saf ni pumo’on

Levitikus 9:10

Me urfiy u daken fare altar e mam, nge fa gal bu’oy riy, nge gin nth’abi fel’ ko ad riy, nri bod rogon ni yog SOMOL.

Levitikus 8:25

Me fek pachan fare gamanman ni go’ mam, nge urngin e mam nib ing gil’iggan, nge gin th’abi fel ko ad riy, nge fa gali bu’oy riy ni kabay e mam nib ing, nge ba’ ni mat’aw i ay.

Levitikus 8:16

Me fek Moses gubin fapi mam ni immoy u gil’iggan fare gamanman nge gin nth’abi fel’ ko ad riy, nge fa gali bu’oy riy ni kabay e mam nib ing, me urfiy ni gubin u daken fare altar.

Levitikus 7:31

Fare prist e nge urfiy fapi mam u daken e altar, machane fare gi ufin u daken ngorngoren e bmilfan ngak fapi prist.

Levitikus 7:3

Ma urngin e mam riy ni yira luf ngan pi ni maligach u daken e altar: mam u p’ebuk, nge mam nib ing gil’iggan,

Levitikus 6:12

Fare nifiy nu daken fare altar e thangri par ndabi math. Gubin e kadbul ni ngi i tay fare prist e l’ud ngay, me yarmiy e maligach ni mo’oruf u daken, me tay e mam ko fare maligach nma gapeseg thilin Got nge girdi’ nga daken.

Levitikus 4:35

Ma aram me chuweg urngin e mam riy, nri bod rogon ni yima chuweg e mam ko fare saf ni maligach nma gapaseg thilin Got nge girdi’. Me urfiy fare prist fapi mam u daken e altar nib mu’un ko pi ggan ni maligach ni kan ognag ngak SOMOL. Aray rogon ni ngi i pi’ fare prist e bayul ni fan ko denen rok be’ min n’ag fan rok.

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Levitikus 4:26

Me urfiy urngin e mam riy u daken fare altar, ni bod ni urfiy e mam ko fa tin ka’an pi’ e gamanman nni li’ ni fen e maligach nma gapaseg thilin Got nge girdi’. Aray rogon konowa’en ni nge pi’ fare prist e maligach ni bayul ko denen rok facha’, ma aram e yira n’ag fan rok.

Levitikus 1:15

Ma fare prist e nge pi’ u daken fare altar, ni nge lepey k’angan, me urfiy fare llug u daken e altar. Ma racha’en fare arche’ e nge pu’og nga downgin barba’ fare altar.

Levitikus 1:9

Ma gil’iggan nge ay fare gamanman nl’agruw raba’ e ra luknag facha’, ma re prist ni ir e be pigpig e ngiyal’nem e nge urfiy fare maligach nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Exodus 29:25

Mag fek rorad ngam urfiy u daken e altar, ni bay u daken fare maligach ni mo’oruf, ni aram e ba ggan ni kan ognag ngog. Ma bon e re maligach ney e bfel’ u wun’ug.

Exodus 29:22

“Mag th’ab ngam luf e mam ko fare saf ni pumo’on, nge pachan nib mam, nge mam nib ing gathogthon, nge gin th’abi fel’ ko ad riy, nge fa gali bu’oy rok nib mu’un e mam riy ngay, nge ba’ ni mat’aw i daken ay.

Exodus 29:18

Mag urfiy fare saf ni pumo’on nib polo’ u daken e altar ni aram e ba maligach ni ggan. Ma bon e re maligach ney e bfel’ u wun’ug.

Exodus 12:9

Dab ni longuy ni k’akling fa nlith ko ran, machane yira longuy ni kan urfiy ni polo’, nib mu’un lolugen nge ay nge urngin ban’en ni bay u fithik’ i downgin ngay.

Levitikus 7:4

nge fa gali bu’oy nge mam riy, nge gin th’abi manigil ko ad riy.