Exodus 28:9 - Bible Ni Thothup

⁹ Mfek l’agruw i malang ni onyx nib tolang puluwon ngan ker fithingan fa ragag nge l’agruw i pumo’on ni fak Jakob nga daken.

Exodus 28:9 Referans Kwoze

Ezekiel 28:13

Ku’um par u Eden, ni fare gi milay’ rok Got, ni um nunuw ko urngin mit e churwa’ nib totolang puluwon: Rubies nge diamonds; topaz, beryl, carnelian, nge jasper; sapphires, emeralds, nge garnets. Immoy e nunuw rom ni go’ gol. Nni ngongliy ni fanam fa rofen nni sunmiyem.

Isaiah 49:16

Jerusalem, rdabiyag ni gu pag talim, ku gu yoloy fithingam ngalan pa’ag.

Tang Ko Pitang 8:6

Mu ning an’um ko gubin e adag kemus ni birog e ngam bing ngay; dariy be’ ni ngamun’ ngalan ngorngorem kemus ni go’ gag. Adag e bod feni gel gelngin e yam’; amithun e adag e bod feni gel e yam’. Ma gabulbul e daramram riy nge gak’ ni bod ba nifiy nib gelmirin.

BABYOR NI JOB 28:16

Tin th’abi fel’ e gol nge churwa’ e dabi chugur nga fal’ngin.

2 Kronicles 2:7

Ere chiney e ngam pi’ be’ nib mo’on ngog nib salap i ker ya’an ban’en, ma ba salap ko maruwel ko gol, nge silber, nge bronze, nge wasey, ma ba salap i ngongliy e mad ni ra’en mak’ef, nge purple, nge row. Cha’ ney e bay ra maruwelgad e pumo’on nu Judah ngu Jerusalem ni yad ba salap ko maruwel nike mel’egrad David ni chitamag.

Exodus 39:13

ma thal ni aningeg e reb e malang ni beryl, carnelian, nge reb e jasper. Pi malang ney e nni ayliy nga tagil’ nib gol.

Exodus 39:6

Ra fal’eged rogon fapi malang ni onyx ngar gaded ba yil’ i gol u ba’ ni tanggin; mar kired ni bfel’ ya’an fithingan fa ragag nge l’agruw i pumo’on ni fak Jakob ngay.

Exodus 28:36

“Mu ngongliy bochi madeliya ko gol ni go’ gol min ker e yu bug i thin ni ba’aray nga daken, ‘Kan ognag ngak SOMOL.’

Exodus 28:20

ma thal ni aningeg e reb e malang ni beryl, nge reb e carnelian, nge reb e jasper. Pi malang ney e kan ayliy nga tagil’ nib gol.

Genesis 2:12

(Ireram e gin un pir’eg e gol riy, nge bmit e gek’iy nma yib e florida riy, nge malang nib tolang puluwon.)

Exodus 28:8

Ma leed riy e ngkun lifith u ta’ab mit i ban’en min puthuy ko fare efod nge par ni bang riy.

Exodus 28:10

Ra reb fa gali malang ma nel’ e ngachal ni ngan ker nga daken, ni ngan tabab ko en th’abi ilal nge mada’ ko en th’abi wen.

Exodus 25:7

nge malang ni carnelian nge ku boch e churwo’ nib tolang puluwon ni ngan gabdiy ko fare efod u daken ngorngoren e mad ko fare Prist ni Th’abi Ga’.

Exodus 31:5

nge malang nib tolang puluwon ni nge puy nge ayliy nge fal’eg nnunuw; yungi ren ni ngi i ker ya’an bogi ban’en nga daken; nge gubin mit e salap ni bfel’ pa’ riy.

1 Kronicles 29:2

Karimus rogog i t’ar madlin urngin ban’en ni fan ko fare Tempel — gol, silber, bronze, wasey, ren, nge malang nib tolang pulwon nge tin kan th’ab ni nge mang nunuw, nge tin ngan fal’eg ya’an ban’en riy, nge malang ni marble ni yo’or.

Zekariah 9:16

Ra taw ko rofen nem mi SOMOL e bayi yoror rok e tirok e girdi’, ni bod rogon ba tagafaliy e saf ni yoror rok e pi saf rok nge dabi buch ban’en rorad. Ma bayi gal rama’enrad u lan e nam rok ni bod rogon e malang nib tolang puluwon ni be gal ram’en ni bay ko te’eliyaw ko pilung.