Exodus 28:4 - Bible Ni Thothup

⁴ Mog ngorad ni ngar ngongliyed bangi mad ni yima tay nga daken ngorngorey, nge ba efod, nge ba wuru’ e mad nib n’uw, nge ba kenggin ni kan sisyunag, nge bangi mad ni yima bachiy nga lolugey, nge bangi leed ni mad. Ngar ngongliyed e mit i mad ney ni madan e prist nge fanay walagem i Aron nge pifak ni pumo’on, ya ngar pigpiggad rog ni prist.

Exodus 28:4 Referans Kwoze

Revelation 9:17

Min piliyeg e changar rog ngug guy e pi os nem nge girdi’ ni yad bay u daken; bay yungi wasey nike upunguy daken ngorongorrad nib row ni bod e nifiy, ma ba ra’en mak’ef ni bod e sapphire, ma bmaguchol ni bod e sulfur. Ma lolugen fapi os e bod lolugen e layon, ma be yib e nifiy, nge ath, nge sulfur u lan l’ugunrad.

Efesus 6:14

Ere mpired ni kam fal’eged rogomed: tin riyul’ e ir e nge mang leed romed ni kam chichiiyed nga lukngumed; ma tin nib mat’aw e nge mang breastplate romed ni nga mon’ed nga daken ngorongormed,

1 Thessalonika 5:8

Machane gadad girdi’en e rran, ni aram fan ni ngu’ud pired ni gadad ba tamilang. Ere michan’ rodad ngak Kristus nge rogon nib t’uf Kristus rodad nge girdi’, e thingar don’ed nga dakendad ni bod breastplate nma upunguy e salthaw ngorongoren ngay, nge tin ni be l’agan’dad ngay ni bay da guyed ni bochan e kad thapgad ngak Got e ngad maruwelgad ngay ni bod e helmet nma ayweg lolugen e salthaw ko mael.

Isaiah 59:17

Bayi yon’ e tin nib mat’aw nga daken ni bod fa gin’en u daken ngorngoren e salthaw, ma re gelngin nma thapeg e girdi’ ngak e ir e nge mang urwach rok. Bayi yon’ nga daken ni bod e mad ba tafinay ni thangri ayliy e pin’en ni bfel’ rogon ni nge gechig me felbiyen e pi kireb nike gafgow e girdi’ u tanggin.

Isaiah 11:5

Bayi gagiyegnag e tirok e girdi’ nrogon nib mat’aw ma ba yal’uw.

2 Samuel 6:14

Me churu’ David nike musmus nga rogon ni be tay fan SOMOL, ni kemus ni bangi mad nib wech e bay u lukngun.

1 Samuel 30:7

Me ga’ar David ngak Abiathar ni prist ni be’ ni pumo’on ni fak Ahimelek, “Mu fek fare efod i yib ngog,” me fek Abiathar i yib ngak.

1 Samuel 23:6

Nap’an ni mil Abiathar ni fak Ahimelek nge yan ngak David ngalan yu Keilah, me ke fek fare mad ni efod.

1 Samuel 22:18

Ma aram me ga’ar Saul ngak Doeg, “Mu thang e fan rorad!” — me thang Doeg e fan rorad ni yad gubin. Rofen nem e thang e fan rok meruk i ragag nge lal e prist ni kar tayon’ed e mad ni efod.

1 Samuel 2:18

Me par fare pagel i Samuel ngi i pigpig ngak SOMOL, ma chuw ngalan ba mad nib wech nrogon e prist.

Exodus 39:28

nge fare turban, urwach, nge yuler i zubong nni ngongliy ko mad ni wech,

Exodus 25:7

nge malang ni carnelian nge ku boch e churwo’ nib tolang puluwon ni ngan gabdiy ko fare efod u daken ngorngoren e mad ko fare Prist ni Th’abi Ga’.

Exodus 29:6

Mag tay fare turban nga lolgen ni bay fare madelia nib gol u peri’ ni kan ker nga daken fare thin ni ga’ar, ‘Kan ognag ngak SOMOL’.

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.