Exodus 28:37 - Bible Ni Thothup

³⁷ Mi ni m’ag nga m’on ko fare turban, nga bal’ i gaf nib ra’en mak’ef.

Exodus 28:37 Referans Kwoze

Zekariah 3:5

Me gafaliy fa pi’in yad ni ngar ted ba turban nib be’ech nga lolugen Joshua. Miyad rin’ ni aram rogon, ma aram miyad yin’ e mad nib be’ech nga daken e ngiyal’ i n’em nib sak’iy fare engel rok SOMOL u rom.

Numbers 15:38

ni nge yog ko girdi’ nu Israel: “Mu ngongliyed e pi matharthar u tabthungen e mad romed nra reb mi gimed m’ag ba yil’ i gaf nib ra’en mak’ef ngay. Ngam rin’ed e ren’ey e chiney i yan ngaram ni gubin e mfen.

Levitikus 8:9

Me tay fare turban nga lolgen, ma gin migid nga peri’ fare turban e tay fare madelia nib gol ngay, ni pow riy ni kemang tirok Got, nri bod rogon ni yog SOMOL ngak ni nge rin’.

Exodus 29:6

Mag tay fare turban nga lolgen ni bay fare madelia nib gol u peri’ ni kan ker nga daken fare thin ni ga’ar, ‘Kan ognag ngak SOMOL’.

Exodus 28:31

“Fare mad nib n’uw ni bay nga tanggin fare efod e ngan ngongoliy u bunu’en e saf ni ga’ngin nib ra’en mak’ef.

Exodus 28:28

Mi ni m’ag bayil’ i gaf nib ra’en mak’ef ko fa gali luwaw ni bay ko fare gi mad nma par u daken ngorngorey mu kun m’ag ko fa gali luwaw ni bay ko fare mad ni efod, ya nge par e gi mad nem u daken ngorngorey ni bay nga daken fare gi leed ndabi puf.

Exodus 28:4

Mog ngorad ni ngar ngongliyed bangi mad ni yima tay nga daken ngorngorey, nge ba efod, nge ba wuru’ e mad nib n’uw, nge ba kenggin ni kan sisyunag, nge bangi mad ni yima bachiy nga lolugey, nge bangi leed ni mad. Ngar ngongliyed e mit i mad ney ni madan e prist nge fanay walagem i Aron nge pifak ni pumo’on, ya ngar pigpiggad rog ni prist.

Exodus 28:36

“Mu ngongliy bochi madeliya ko gol ni go’ gol min ker e yu bug i thin ni ba’aray nga daken, ‘Kan ognag ngak SOMOL.’

Exodus 28:38

Aron e nge tay e ran’ey nga lolgen nib migid e madaliya riy nga peri’, ya aram e Gag SOMOL, e ra magan’ug nga urngin e pin’en nra pi’ yu Israel ni kar og niged ngog, ni yug ra mang e kar og niged nib kireb rogon ngog.