Exodus 28:18 - Bible Ni Thothup

¹⁸ ma thal nl’agruw e reb e malang ni emerald, nge reb e sapphire, nge reb e diamond;

Exodus 28:18 Referans Kwoze

Revelation 4:3

Ma be gal ram’en owchen ni bod e malang ni jasper nge karnelian; ma bay ba ragim nike liyeg tagil’ fa’anem ni bod ra’en ba malang ni emerald.

Ezekiel 28:13

Ku’um par u Eden, ni fare gi milay’ rok Got, ni um nunuw ko urngin mit e churwa’ nib totolang puluwon: Rubies nge diamonds; topaz, beryl, carnelian, nge jasper; sapphires, emeralds, nge garnets. Immoy e nunuw rom ni go’ gol. Nni ngongliy ni fanam fa rofen nni sunmiyem.

Ezekiel 27:16

Girdi’ nu Syria e ra chuw’iyed e chugom rom nge ku boch ban’en rom. Ra pi’ed puluwon e chugom ngom ni emerald, mad nib ra’en purple, mad ni kan sisyunag, mad ni wech, coral, nge rubies.

Ezekiel 10:1

Gu sap nga ban’en ni bod ya’an e th’ib u daken lolugen fa pin’en nib fos ma puluwon fa pin’em ngalang e ba’ ban’en riy ni tagil’ be’ nib pilung nni ngongliy u mmit i malang ni sapphire.

Ezekiel 1:26

Ma puluwon fare n’em ni bod ya’an ba th’ib ni kani polpoluy ngalang e bay tagil’ be’ riy nni ngongliy nga bmit e malang ni bfel’ ya’an ma ba t’uf ni sapphire fithingan, ma en nike par ngay e bod ya’an ba girdi’.

Jeremiah 17:1

SOMOL e ga’ar, “Girdi’ nu Judah, denen romed e kan yoloy ko pen ni wasay; ma kan ker ngab p’ebgul e diamond nga lanin’med nge nga daken e pi tabthung ko pi altar romed.

Tang Ko Pitang 5:14

Rifrifen pa’ e rib fel’ i chamay, baye luwaw riy nni ayliy e malang ni galgal ngay. Downgin e bpach ni bod e ivory, ni kan ayliy ko sapphire.

BABYOR NI JOB 28:16

Tin th’abi fel’ e gol nge churwa’ e dabi chugur nga fal’ngin.

BABYOR NI JOB 28:6

Malang u fithik’ e but’ e bay e sapphire riy, ma chubngen e malang e bay e gol riy.

Exodus 39:11

ma thal ni l’agruw e reb e malang ni emerald, sapphire, nge diamond;

Exodus 24:10

miyad guy fare Got rok piyu Israel. Tan e rifrif u ay e ba’ ban’en riy ni bod ba wo’ nni gad ko malang ni sapphire, ni ra’en e bod feni mak’ef lanelang.

Exodus 28:17

Min ayliy aningeg thal i malang nib tolang puluwon nga daken; thal ni m’on e reb e malang ni ruby, nge reb e topaz, nge reb e garnet;

Exodus 28:19

ma thal ndalip e reb e malang ni turquoise, nge reb e agate, nge reb e amethyst;