Exodus 27:2 - Bible Ni Thothup

² Ma aningeg i tabthung riy e ngam ngongliyed ya’an e gagey ko gamanman u daken. Pi gagey ney e ba peth ko fare altar, mi gimed ing e re altar ney ni ga’ngin ko wasey ni bronze.

Exodus 27:2 Referans Kwoze

Psalms 118:27

I SOMOL e ir Got; rib fel’ e tin ke rin’ ngodad. Ngam tababgad ko madnom ni bay yu pa’ i gek’iy u pa’med mi gimed thelap ngam liyeged e altar.

1 Kings 1:50

Me yib e marus nib gel ngak Adonijah, ni kerus ngak Solomon, me yan ko fare Tent u p’eowchen SOMOL me yan i kol tabthungen fare altar nge par.

Levitikus 4:7

Ma aram me tay boch fapi racha’ ko pi gagey ni bay ko tabthung ko fare altar ko incense u lan fare Tent. Me pu’og e tin ke aw ko fapi racha’ nga enggin fare altar ni yima urfiy e maligach riy, ni bay nga langan e mab ko fare Tent.

Exodus 29:12

Mag fek boch u racha’en fare garbaw nga bugulipa’am ngam tay ko fa aningeg i gagey ko fare altar. Ma tin ke magay riy mag pu’og nga enggin fare altar.

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.

1 Kings 8:64

Ku rofen nem e ognag fare pilung lukngun lan e yoror ni bay u m’on ko Tempel, ni aram e gin ni pi’ e maligach ni gamanman riy ni kan urfiy nreb, nge maligach ni grain, nge mam ko gamanman ni maligach ni nge gapaseg thilin Got nge girdi’. Fare altar ni bronze u lan e yoror ko tempel e kayigi achig ndabiyag ni ngan pi’ urngin e pi maligach nem u daken.

1 Kings 2:28

Me rung’ag Joab e n’en ke buch. (Ma ba fol ngak Adonijah, gathi Absalom.) Ma aram me mil nge yan ko fare Tent u p’eowchen SOMOL nge yan i kol tabthungen fare altar.

Levitikus 16:18

ma thingari yan ko fare altar ni fen e maligach ni mo’oruf nge machalbognag. Thangri fek boch racha’en fare garbaw ni pumo’on nge boch racha’en fare kaming nge thiy ko fa aningeg i gagey ko tabthung ko fare altar.

Levitikus 8:15

Me li’ Moses fare gamanman nge yim’ me fek boch i racha’en nga bugili pa’ nge thiy ko fapi gagey u tabthungen fare altar, ni aram e be ognag ngak SOMOL. Me pu’og e tin ke aw ko fapi racha’ nga enggin fare altar, aram rogon ni machalbognag me pi’ ngak SOMOL.

Levitikus 4:25

Me lithag fare prist buguli pa’ nga fithik’ e racha’ ko fare gamanman, nge tay nga daken fapi gagey ni bay u tabthungen fare altar, me pu’og e tin ke aw ko fapi racha’ nga enggin fare altar.

Levitikus 4:18

Me tay boch fapi racha’ ko fapi gagey u tabthungen fare altar ko incense ni bay u langgin fare Tent me pu’og e tin ke aw ko fapi racha’ nga enggin fare altar ko maligach ni mo’oruf, nib migid nga langan e mab ko fare Tent.

Exodus 27:3

Mu ngongliyed bogi th’ib ni ngu’un tay e awat nga langgin, nge boch e sebel, nge bogi dabiy, nge bogi fok nib ga’, nge yu raba’ i fen e fek nifiy. Gubin e pin’ey ma ngam ngongliyed ko bronze.

Numbers 3:31

Yad e ba milfan ngorad fare Kahol ko M’ag, nge fare tebel, nge tagil’ e magal, nge altar, nge pi tatalin maruwel nma fanay fapi prist u lan fa Gin nib Thothup, nge fare gi kateng u langan e mab ko Gin Th’abi Thothup. Urngin e pigpig ni yima tay nib l’ag rogon ko pin’em e yad e ba milfan ngorad.

2 Kings 16:14

Fare altar ni bronze ni kani pi’ ngak SOMOL e bay u thilin fare altar ni kab be’ech nge fare Tempel, aram me kaneg Ahaz nga ba’ ni lel’och ko fare altar rok nib be’ech.

2 Kronicles 4:1

Me yog Solomon ni Pilung ni ngan ngongliy ba altar ni bronze, ni ta’reb n’umngin nga radan ni go’ guyey e fit ma ragag nge lal e fit tolngin.

Ezekiel 43:15

Thal ney ni th’abi p’ebgul, ni ireram fa gin’en ni yima urfiy e maligach u daken e ku medlip e fit tolangin. Fapi nochi gagey ko fa aningeg i tabthung e ir e bm’ug ngalang u daken, ga’ngin yang p’ebgul.

Zekariah 9:15

I SOMOL ni Gubin ma Rayag Rok e bayi yoror rok e girdi’ rok, ma bay ra thirifed e pi to’ogor rorad u but’. Bay ur tolulgad u fithik’ e mael ni gowa girdi’ nike balyang ko rrum, miyad pu’og racha’en e pi to’ogor rorad; ma bayi map’ nge yan ni gowa racha’en ba gamanman ni maligach nni kunuy ngalan baraba’ i ban’en min pu’og nga daken e altar.

Exodus 38:30

Ni ir e ni ngongliy riy fapi ayal ni fen langan e mab ko Tent u P’eowchen SOMOL, nge fare altar nib mu’un fare gi waya ngay, nge urngin tatalin fare altar,