Exodus 27:19 - Bible Ni Thothup

¹⁹ Gubin mam’en fare Tent, nge gubin e pi yuluy ko fare Tent nge yoror riy e go’ ngan ngongliy ko bronze.

Exodus 27:19 Referans Kwoze

Zekariah 10:4

U fithik’rad e bayi sum e pi’in nge yog e thin, pi tayugang’, nge pi tolang ko salthaw ni ngar gagiyeg niged e girdi’ rog.

Isaiah 33:20

A mu sapgad nga Zion, ni fare binaw ni ud madnom niged riy e madnom ni fan ngak SOMOL. Mu sapgad nga Jerusalem, nib binaw nra ni par riy ma dabi buch ban’en rok be’! Bay i par ni bod ba tent ndabi rur, ni dabiyag ni nge puw e pin’en ni yuluy riy ma dabi math’ gafan.

Eklesiastes 12:11

Pi thin ko gonop e bod noch lay i ren ni kan uthum nma fanay e pi’in nma gafaliy e saf ngu’ur gafaliyed e saf rorad ngay, thin ni gonop nikan kunuy e ra par ni rib mmich ni bod bogi ban’en ni kan rrichbiy nga ta’bang. Gubin ni yib rok Got, ni ta’are tagafaliydad ni gadad gubin.

Ezra 9:8

SOMOL ni Got romad, chingiyal’ney e kam fel’egmad u lanin’um ka mu pag boch i gamad kar thaygad ko sib yad be par ko gin’ey nib thothup ni dabi buch ban’en rorad. Gur e ka mu pagmad ku gu thaygad ko sib ka mu pi’ reb e yafos ngomad nib be’ech.

Numbers 4:32

nge rumog, nge ta’ ko fare Tent, nge pi yuluy riy nge gufan fare yoror nib liyeg fare Tent, nge gubin e pi ayal riy ni yima fanay ni ngan n’uf fare yoror ngalang. Ra bagyad fapi pumo’on ma maruwel rok reb e pin’em ni nge fek.

Numbers 3:37

Ma ku yad e ngki milfan ngorad e yuley i rumog, nge pi ta’ riy, nge pi yuluy riy u but’, nge pi tal ni fen e ba’ ni wuru’ e yoror.

Exodus 39:40

fa yungi kateng ni yoror nge fa yuley i rumog riy nge pi ayal riy; fare gi kateng ni fen e rungrung ko gin yima yib riy nge gaf riy; pin’en nma mang yuluy riy; nge gubin tatalin langgin fare Tent;

Exodus 38:31

nge ayal ni fen e yoror riy nib liyeg, nge ayal ni fen garog ko fare yoror, nge gubin e yuluy ko fare Tent nge fare yoror.

Exodus 38:20

Gubin e pin’en ni yuluy ko fare Tent nge fare rungrung nib liyeg e ni ngongliy ko bronze.

Exodus 35:18

nge pin’en ni yuluy ko fare Tent nge gufan fare Tent, nge rungrung riy;

Exodus 27:3

Mu ngongliyed bogi th’ib ni ngu’un tay e awat nga langgin, nge boch e sebel, nge bogi dabiy, nge bogi fok nib ga’, nge yu raba’ i fen e fek nifiy. Gubin e pin’ey ma ngam ngongliyed ko bronze.

Exodus 27:18

Re yoror nem e wugem e yard n’umngin, ma rliw’ nge lal e yard radan, ma l’agruw nge baley e yard tolngin. Ma yungi kateng riy e ngan ngongliy ko mad ni wech, ma pi ayal riy e go’ ngan ngongliy ko bronze.

Exodus 27:20

“Mu reg e thin nge yan ko girdi’ nu Israel ngar feked i yib ngom e tin th’abi fel’ ko pi gapgep rorad ni olive ngan fanay ko fare magal, ya nge yag nni gal’ ni gubin e blayal’.