Exodus 27:16 - Bible Ni Thothup

¹⁶ Ma gin ni yima yib riy e bay bang e kateng riy ni ragag e yard n’umngin nni ngongliy ko mad ni wech, ma kan lifith bunu’en e saf u fithik’ nib ra’en mak’ef, purple, nge row ni kan sisyunag ni bfel’ ya’an. Re gi kateng ney e ngan the’ nga aningeg ley i rumog ni kan ayliy nga dakene ayal riy ni ku aningeg.

Exodus 27:16 Referans Kwoze

Exodus 26:36

“Min ngongliy bangi kateng ni nge mang mban fare Tent. Mu ngongliyed e re gi kateng nem ko mad ni wech ni kan ngongliy u bunu’en e saf ni kan k’ad ko ra’en mak’ef, purple, nge row, ma kan sisyunag daken ni nunuw riy.

Psalms 45:14

Ni fek i yib ngak fare pilung ni bay u madan ni bfel’ ram’en, ni be lek e pi bpin nta’ayuw rok fare pin ni nge mabgol, ku ni fekrad i yib ko fare pilung.

Judges 5:30

“Ka yad be pir’eg e pin’en ni ngan kol ngan f’oth, nra reb e salthaw ma reb e bpin ara l’agruw, ma er i tay e mad nib tolang puluwon ni nge fanay Sisera, nge yungi mad ni ka nip’ ni bfel’ ya’an ni ngan fanay ni fan nga belel’ugun e en ni le’engin e pilung.”

Exodus 39:29

nge fare gi leed nni ngongliy ko mad ni wech nge bunu’en e saf ni kan k’ad ko ra’en ma’kef, purple, nge row ma kan sisyunag ni bfel’ ya’an, ni bod ni yog SOMOL rogon ngak Moses.

Exodus 36:37

Ra ngongliyed bang i kateng ni nge mang mban fare Tent, regi kateng ney e ra ngongliyed ko mad ni wech ni kan lifith bunu’en e saf u fithik’ ni kan k’ad ko ra’en mak’ef, purple, nge row, ma kan sisyunag ni bfel’ ya’an.

Exodus 28:39

“Ma ngkun lifith kenggin e mad rok Aron ko mad ni wech, mu kun fal’eg riy fare turban rok nge bangi leed ni kan sisyunag ni bfel’ ya’an.

Exodus 26:31

“Min ngongliy bang i kateng ko mad nib wech ni kan ngongliy u bunu’en e saf kan k’ad ko ra’en mak’ef, purple, nge row. Minip’ ya’an bogi kerubim nga daken.

Exodus 27:17

Gubin ler e rumog nib liyeg e re yoror nem e go’ ba peth ko yuley i ralap ni silber, ni bay e lam ko kateng riy nikun ngongliy ko silber ma pi enggin e go’ bronze.

Numbers 3:26

nge yungi kateng ni fen e yoror nib liyeg fare Tent nge fare altar, nge fare gi kateng ni fen e garog ko fare yoror. Urngin e pigpig ni yima tay nib l’agfan ko pin’em e yad e ba milfan ngorad.