Exodus 26:31 - Bible Ni Thothup

³¹ “Min ngongliy bang i kateng ko mad nib wech ni kan ngongliy u bunu’en e saf kan k’ad ko ra’en mak’ef, purple, nge row. Minip’ ya’an bogi kerubim nga daken.

Exodus 26:31 Referans Kwoze

Matthew 27:51

Ma aram e fa gi mad ni kan tining ngalang u Tempel e mogchoth u lang nga but’, nge par nike l’agruw yang. Me rur e but’, me pil e war,

2 Kronicles 3:14

Mi ni ngongliy bangi kateng ni fen fa Gin Th’abi Thothup nni ngongliy ko mad ni wech nge ku boch ban’en mi ni k’ad ko ma’chaw ni ra’en mak’ef, nge purple, nge row, ni kan susunag ya’an e kerubim nga daken.

Exodus 36:35

Ra ngongliyed bangi kateng ko mad ni wech miyad lifith bunu’en e saf u fithik’ nib ra’en mak’ef, purple, nge row, miyad sisyunag ya’an e pi kerubim nga daken.

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

Exodus 36:8

Ma urngin e pi’in nth’abi salap u fithik’ fapi pumo’on ni yad be maruwel e ra ngongliyed fare Tent u P’eowchen SOMOL. Ra ngongliyed u ragag yang i mad ni wech ni kan lifith bunu’en e saf u fithik’ nib ra’en mak’ef, nge purple, nge row, ni kan sisyunag ya’an e pi kerubim ngay ni bfel’ ya’an.

Exodus 26:1

“Mu kum ngongliyed langgin e Tent rog nib Thothup nga ragag yang i mad ni linen nib wech nni uneg bunu’en e saf ngan lifith nga fithik’, ni kan k’ad nib ra’en mak’ef, purple, nge row. Mi gimed sisyunag ya’an bogi kerubim nga daken.

Efesus 2:14

Ya Kristus e ir e ke fek e gapas i yib ngodad, ni bochan e ke ta’ab girdi’nag piyu Israel nge pi’in gathi yad piyu Israel. Ya downgin e buthug fa gi rungrung ngay ni i tayrad ni yad ba wear ma yad ba to’ogor ngorad.

Mark 15:38

Ma fa gi mad ni kan tining ngalang u Tempel e mogchoth u lang nga but’ nge par nike ruw yang.

Tang Ko Pitang 7:1

I gur re rugod ni dabiyag i yog fel’ngim! Rifrifen em e rib gamog u lan e sandal. Rogoni thir daken ayim e bod e maruwel rok be’ nib salap ko dumow m’uw.

Psalms 137:5

Jerusalem, fa’anra gu pag talim, ma mang e yigi yan i aw ndabkiyag ni gu chubeg e harp bayay!

Levitikus 16:15

Me migid me li’ fare kaming ni maligach ko denen ko girdi’, me fek e racha’ riy i yan ngalan fa Gin Th’abi Thothup, me wereg nga daken upungen fare Kahol ko M’ag nge nga m’on riy, ni bod ni rin’ nga racha’en fare garbaw ni pumo’on.

Exodus 40:21

Ma aram me tay fare Kahol ngalan fare Tent me pag nga but’ fa gi kateng, ni nge rungrung ko fare Kahol ko M’ag. Nri bod rogon ni yog SOMOL ni ngan rin’.

Exodus 40:3

Ma ga tay fare Kahol ko M’ag ni bay fare ragag i motochiyel u langgin, ma ga pag fare gi kateng nga mit.

Exodus 38:23

Me Oholiab nib mo’on ni fak Ahisamak ni be’ ko ganong rok Dan e pi’ e ayuw ngak, ir be’ ni ba salap i ker ker ya’an ban’en, ma ba salap i yoloy ya’an ban’en u m’on ni ngan ngongliy, ma ku ma lifith e mad ni wech, nge mad nib ra’en mak’ef nge purple, nge bunu’en e saf ni kan kad ko row.

Exodus 35:35

Ke pi’ e salap ngorow u gubin mit ban’en ni yima ker ya’an nga daken e malang, nge rogon i yoloy ya’an ban’en, nge rogon i lifith e mad ni wech; nge bunu’en e saf ni kan k’ad ko ra’en mak’ef, purple, nge row; nge ku boch e mad. Yow manang rogon i muruwliy gubin e maruwel, ma yow ba salap i yoloy ya’an, nge ker ya’an ban’en.

Exodus 35:25

Ma gubin e ppin ni bay e salap rorad e ra feked i yib e tret ni wech nge tret nib ra’en mak’ef, purple, nge row.

Exodus 35:6

nge mad ni wech; fa bunu’en e saf ni kan k’ad ke ra’en mak’ef, purple, nge row; nge mad nni ngongliy u bunu’en e kaming;

Exodus 28:15

“Ma ku yira ngongliy bangi mad nma tay fare Prist ni Th’abi Ga’ nga daken ngorngoren ni nge m’ug riy ko mang e bmagan’ Got ngay. Yira ngongliy u ta’ab mit i ban’en nni ngongliy fare efod riy, ma ngkun sisyunag nta’reb rogon ya’an ngay.

Exodus 25:18

Mi gimed ammanag e gol ngeb ya’an l’agruw i Kerubim riy,

Exodus 25:4

nge mad nib wechwech, nge bunu’en e saf nib ra’en mak’ef, nge purple, nge row, nge mad nni lifith ko bunu’en e kaming;

Luke 23:45

ma fa gi mad ni kan pag u lan e Tempel e mogchoth nge ruw yang.

Exodus 26:32

Min they’ fare gi kateng ko fapi lam nib gol ni bay u p’ebugul aningeg ley i rumog riy nni ngongliy ko gek’iy ni acacia ma kan ing ko gol ni kan ayliy nga daken aningeg i ayal riy nib silber.

Exodus 27:21

I Aron nge pi pumo’on ni fak e yad e ngu’ur faleged rogon fare magal u lan fare Tent ko gin gu bay riy. Re magal ney e ngan tay nga ba’ ni wuru’ fare gi kateng u m’on ko fare Kahol ko M’ag. Mu rom u p’eowcheg e nge yik’ e re magal nem riy ni blayal’ nge mada’ ko kadbul. Biney e nge par nib gam’ing ni ngi i rin’ piyu Israel u reb e mafen ngu reb ni dariy n’umngin nap’an.

Exodus 36:36

Ra ngongliyed aningeg ley i rumog ko gek’iy ni acacia ni ngan the’ fagi kateng ngay, miyad ing ko gol; min the’ ko pi lam riy ni gol. Ma aram miyad ngongliy aningegi e ayal ni nge kol e pi rumog riy.

Exodus 27:16

Ma gin ni yima yib riy e bay bang e kateng riy ni ragag e yard n’umngin nni ngongliy ko mad ni wech, ma kan lifith bunu’en e saf u fithik’ nib ra’en mak’ef, purple, nge row ni kan sisyunag ni bfel’ ya’an. Re gi kateng ney e ngan the’ nga aningeg ley i rumog ni kan ayliy nga dakene ayal riy ni ku aningeg.

Exodus 35:12

nge fare Kahol ko M’ag, nge mat’ riy, nge upongen, nge fare gi kateng ni nge rungrunguy;

Numbers 4:5

Ra taw nga nap’an ni ngan n’ag gil’iy ni aram e ngan pug e Tent, me Aron nge pi pumo’on ni pifak e yad ra yan ngalan fare Tent, ngar pilged nga but’ fare gi kateng ni kan tining ngalang ni be rungrunguy fare Kahol ko M’ag, mra upunguyed fare Kahol ko rengi kateng nem.