Exodus 26:19 - Bible Ni Thothup

¹⁹ mi gimed ngongliy aningeg i ragag e ayal riy ni nge yan u tanggin fa yungi chayem; l’agruw yang e ayal nga tanggin bang e chayem ni nge kol fa gal yang i n’em ni gapeth ko chayem.

Exodus 26:19 Referans Kwoze

Exodus 38:27

Ma silber e 7,500 e pawn nni fanay nga 100 i ayal ni fen fare Tent nib thothup nge kateng riy, ra reb e pi ayal nem ma medlip i ragag nge lal e pawn nni fanay ngay.

Tang Ko Pitang 5:15

L’agruw raba’ i ay ni duga’ ni marble u daken rifrifen ay ni gol. Feni picho’ay e bod e burey nu Lebanon nge gek’iy riy ni cedar nib mal’eg.

Numbers 3:36

Yad e kan pagfan ngorad e maruwel ni fen fa yungi chayam ko fare Tent, nge dubchey riy, nge rumog, nge pi ta’ riy, nge gubin e ayal riy. Yad e ba milfan ngorad gubin e maruwel nib l’ag rogon ko pin’ey.

Exodus 40:18

Moses e tay e pi ayal riy nga but’, me suweg e yungi chayem riy, me puthuy ko pi dubchey riy, me suweg e yuley i rumog riy.

Exodus 27:10

ni kan the’ nga rliw’ i rumog ni bronze ni kan ayliy nga daken e pi ayal riy nib bronze ni ku rliw’ yang, ni bay e pi lam nge ralap u p’ebugul nni ngongliy ko silber.

Exodus 26:37

Min ngongliy lal ley i ren ko gek’iy ni acacia ni fen e re gi kateng nem mi gimed ing ko gol, ma kam ted bogi lam nib gol nga taban e pi yuley i ren nem; mi gimed ngongliy lal yang e wasey ni bronze ni ayal ko yuley i ren nem.

Exodus 26:25

Ere ra par ni meruk e yu raba’ i chayem nem, ma ragag nge nel’ e ayal riy nib silber, l’agruw yang nga tan bang fapi chayem.

Exodus 26:18

Mu ngongliyed rliw’ yang i chayem ni fen e ba’ ni yimuch fare Tent,

Exodus 26:20

Ma ba’ ni lel’och e tent e ngam ngoliyed rliw’ raba’ e chayem ni fen,

Exodus 26:17

nra barba’ ma bay l’agruw i ayal u taban, ya nge yag ni ayal fa gal yang i chayem nga ta’bang. Gubin e yuyang i chayem ney ma go’ bay luwan e ayal riy.