Exodus 25:4 - Bible Ni Thothup

⁴ nge mad nib wechwech, nge bunu’en e saf nib ra’en mak’ef, nge purple, nge row, nge mad nni lifith ko bunu’en e kaming;

Exodus 25:4 Referans Kwoze

Revelation 19:8

Ya ka ni pi’ mat’awun ni nge yin’ e mad nib be’ech ma ba wechwech ni be galgal ram’en.” (Mad nib wechwech e ireram e ngongol nib mat’aw ni i rin’ e pi’in ni girdi’en Got.)

Ezekiel 16:10

Mu gon’ e bin th’abi fel’ e mad ni kan sisyunag nga dakenam nge sus rom ni gu pi’ nni ngongliy ko bin th’abi fel’ e keru’ e garbaw, nge ba te’eliyaw nlifeth ko mad ni wech, nga ba wuru’ e man nib mur’mur’ downgin.

Genesis 41:42

Me luf Farao e luwew u bugul i pa’ ni bay e pow rok riy nge tay nga bugul i pa’ Josef; me yin’ e mad nib tolang puluwon nga daken Josef, me the’ ba kiy i chen ni gol nga belel’ugun Josef.

Exodus 25:3

Pin’ey ni ngan ognag e: gol, silber, nge wasey ni bronze;

Exodus 25:5

nge keru’ e saf ni pumo’on ni kan k’ad ko row; nge keru’ e kaming; nge ren ko gek’iy ni acacia;

Exodus 28:5

Fapi girdi’ ni yad basalap e ngar faned e tret nib gol; nge bunu’en e saf ni kan k’ad ko ra’en mak’ef, purple, nge row, nge mad ni wech.

Exodus 28:6

“Miyad ngongliy fare efod u bunu’en e saf ni kan k’ad ko ra’en mak’ef, purple, nge row; nge tret ni gol ra’en, nge mad ni wech, mi ni sisyunag daken ni fel’ ya’an riy.

Ezekiel 27:7

Lay rom e ni ngongliy ko mad ni wech, Ni linen nni sisyunag u Egypt, Nib m’ug. Tabogbog rom e ni ngongliy ko kire ni th’abi fel’, Nib ra’en purple nni fek ko donguch nu Cyprus.