Exodus 25:22 - Bible Ni Thothup

²² Bay gu mada’ nagmed u rom u daken upongen fare kahol, mu rom u thilin fa gali kerubim e bay gu pi’ riy ngomed urngin e motochiyel rog ni fan ngak e girdi’ nu Israel.

Exodus 25:22 Referans Kwoze

Numbers 7:89

Nap’an ni yan Moses ngalan fare Tent ni nge non ngak SOMOL, me rung’ag laman SOMOL ni be non ngak u daken upongen fare Kahol ko M’ag, u thilin fa gali kerubim.

Isaiah 37:16

“SOMOL, ni Gubin ma Rayag Rok, ni Got nu Israel, ni ga be par ngalang ko fare kerubim, kemus ni go’ gur Got, ni ga be gagiyegnag urngin e lung nu fayleng. I gur e mu sunmiy e fayleng nge lanelang.

Psalms 80:1

Gur fare tagafaliy e saf nu Israel, mmotoyil ngomad; mu rung’ag e meybil romad, gur e tagagiyeg romad. Kam par nga tagl’im ngalang ko kerubim

2 Kings 19:15

me meybil ni ga’ar, “SOMOL, ni Got rok yu Israel, ni ga bay u tagil’im ngalang ko kerubim, kemus ni gur e Got ni ga be gagiyegnag urngin e nam nu fayleng. Gur e mu sunumeg e fayleng nge tharmiy.

1 Samuel 4:4

Ma aram miyad pi’ e girdi’ ni mol’og nga Shiloh ngar feked fare Kahol ko M’ag rok SOMOL ni Gubin ma Rayag Rok, nike par nga but’ u tagil’ u daken fa gal kerubim. Ma fa gali pumo’on ni fak Eli, ni aram Hofni nge Finehas, e ra unew ko fare Kahol ko M’ag ngarbow.

Numbers 17:4

Mag fek e yu ley i sog nem nga langgin fare Tent u p’eowcheg ngam tay ni gubin nga mit fare Kahol ko M’ag, ko gin ni gu ma mada nigem ngay.

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

Psalms 99:1

I SOMOL e pilung, ma be t’on e girdi’. Ke par nga tagil’ nib pilung ngalang ko kerubim, me durru’ e fayleng.

2 Samuel 6:2

me fekrad nga Baalah ni bay u lan yu Judah, ni ngar feked fare Kahol ko M’ag rok SOMOL ni bayriy fithingan SOMOL ni Gubin ma Rayag Rok, ni be par u tagil’ u thilin fa gali n’en ni bay pon ni kerubim fithingan.

Exodus 30:36

Mu bilig boch nge bod e ab, mag fek ngalan fare Tent nga p’eowcheg, nga mu swerwereg u mit fare Kahol ko M’ag. Mu tay e re incense ney nikari thothup.

Exodus 30:6

Mag tay e re altar ney nga wuru’ fare gi kateng nib gafgaf u mit fare Kahol ko M’ag. Ireray e gin bay gu mada’ nigem ngay.

Judges 20:27

Fare Kahol ko M’ag rok Got e immoy u rom u Bethel ko yu rran nem, me Finehas nib mo’on ni Eleazar e chitamngin ma Aron e tutuw rok, e ir e bmilfan fare Kehol ko M’ag ngak. Me fith fapi girdi’ SOMOL ni lungurad, “Nggu warod nggu chamgad ngak e pi walagmad ni yu Benjamin, fa nggu paged?” Me fulweg SOMOL ni ga’ar, “Mu chamgad. Gabul e gu ra pi’rad nga pa’med.”

Psalms 90:1

Somol, gubin ngiyal’ ni gur e tabnaw ngomad.

Levitikus 1:1

U lan fare Tent u p’eowchen SOMOL e pining SOMOL Moses riy nge pi’ ngak e pi gafal ni ba’aray

Exodus 31:18

Fa’ani mu’ SOMOL ko welthin ngak Moses u daken e burey ni Sinai, me pi’ ngak fa gal yang i malang ni fa’an ni yoloy Got fapi motochiyel nga daken.

Exodus 31:6

Kug mel’eg Oholiab nib mo’on ni fak Ahisamak, ni be’ ko fare ganong rok Dan, ni ngar maruwel gow Bezalel u ta’bang. Ma kug pi’ e salap ngak boch e pumo’on nrayag e maruwel rorad, ya nge yag nra muruwliyed gubin e tin kugog ni ngan mu’nag:

Exodus 20:24

Mu ubungyed e altar rog ni but’, mi gimed tay e pi maligach ni ngan orfeg nga daken, ni bogi saf nge garbaw ni maligach ngog, nge pi maligach ko gapas u thildad. Ma gu ra yib ngomed nggu fal’eg wa’athmed u gubin yang ni kug turguy ni ngu’um meybilgad riy ngog.

Genesis 18:33

Ma fa’ani mu’ ko welthin ngak Abraham, me yan SOMOL, me sul Abraham nga tafen.

Exodus 27:21

I Aron nge pi pumo’on ni fak e yad e ngu’ur faleged rogon fare magal u lan fare Tent ko gin gu bay riy. Re magal ney e ngan tay nga ba’ ni wuru’ fare gi kateng u m’on ko fare Kahol ko M’ag. Mu rom u p’eowcheg e nge yik’ e re magal nem riy ni blayal’ nge mada’ ko kadbul. Biney e nge par nib gam’ing ni ngi i rin’ piyu Israel u reb e mafen ngu reb ni dariy n’umngin nap’an.

1 Kronicles 13:6

Me yan David nge fapi girdi’ ngalan fare binaw nu Baalah, ni ku yima yog ni Kiriath Jearim, u lan yu Judah, ni ngar feked fare Kahol ko M’ag rok Got, ni bay fithingan SOMOL riy ya be par u tagil u daken fa gali kerubim.

Psalms 80:2

mu gagyel nigem ngak e pi ganong ko Efraim, Benjamin, nge Manasseh. Mu dag gelngim ngomad! moy ngam ayuwegmad!

Ezekiel 43:6

Fare mo’on e sak’iy nga chireg u rom, mug rung’ag laman SOMOL nike non ngog nga wuru’ fare Tempel ni ga’ar,