Exodus 25:21 - Bible Ni Thothup

²¹ Mu ted nga langgin fare Kahol fagali yang i malang ni kan yoloy mi gimed ayliy upongen nga daken.

Exodus 25:21 Referans Kwoze

Exodus 26:34

Min ning upongen fare Kahol ko M’ag.

Roma 10:4

Ya Kristus e yib i taleg e Motochiyel, ni fan e urngin e pi’in nra mich Kristus u wun’rad e ke mat’aw nagrad Got ngak.

Exodus 16:34

Bod rogon ni yog SOMOL ngak Moses, ma aram me tay Aron nga m’on ko fare Kahol ko M’ag, ni aram e gin ngan cha’riy riy.

Exodus 30:6

Mag tay e re altar ney nga wuru’ fare gi kateng nib gafgaf u mit fare Kahol ko M’ag. Ireray e gin bay gu mada’ nigem ngay.

Exodus 40:20

Me fek fa gal yang i malang ni bay fa Ragag i Motochiyel u daken nge tay ngalan fare Kahol ko M’ag. Me yin’ e mat’ ngalan fapi luwaw ko fare Kahol me fek upongen fare kahol nge tay nga daken.

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

Levitikus 16:13

Mu rom u p’eowchen SOMOL e nge tay fapi incense riy nga daken fapi kol ni be yik’ nge yan e ath riy i ing upungen fare Kahol ko M’ag, ya ri guy Aron nge yim’.

Numbers 7:89

Nap’an ni yan Moses ngalan fare Tent ni nge non ngak SOMOL, me rung’ag laman SOMOL ni be non ngak u daken upongen fare Kahol ko M’ag, u thilin fa gali kerubim.

Numbers 17:4

Mag fek e yu ley i sog nem nga langgin fare Tent u p’eowcheg ngam tay ni gubin nga mit fare Kahol ko M’ag, ko gin ni gu ma mada nigem ngay.

1 Kings 8:9

Dariy ban’en u lan fare Kahol ko M’ag kemus ni fa gal yang i malang ni tay Moses nga langgin ko Burey ni Sinai, nap’an ni ngongliy SOMOL ba m’ag u thilrad yu Israel ko fa ngiyal’nem nike chuw piyu Israel u Egypt.

2 Kronicles 23:11

Ma aram me pow’iy Jehoyada i Joash nga wean, me tay fare te’elyaw ko pilung nga lolugen, me pi’ ngak ba kan e babyor ni rogon e pilung ni ngi i par. Ma aram mi ni pilungnag. Jehoyada ni prist nge pifak ni pumo’on e ra gapgep niged Joash, me tolul gubin e girdi’ ni yad be ga’ar, “Nge n’uw nap’an ni ngi i gagiyeg e en pilung!”

Deuteronomy 10:5

mu gu cheal nggu log u daken fare burey nga but’. Mu gu tay ni ruw yang ngalan fare kahol ni kug ngongliy ni bod rogon ni yog SOMOL ngog, ni kabay u rom ni ka’aram nap’an.” (