Exodus 24:7 - Bible Ni Thothup

⁷ Me fek fare ke babyor ni babyoren fare m’ag u thilin Got nge piyu Israel nge be’eg ngak piyu Israel ni ba ga’ laman, me ga’ar piyu Israel, “Bay gu rin’ed urngin e tin keyog SOMOL ni nggu rin’ed; bay gu folgad rok.”

Exodus 24:7 Referans Kwoze

1 Thessalonika 5:27

Ere gu be yog ngomed u fithingan Somol ni ngam be’eged e re gi babyor ney ngak urngin e pi’in walagdad ni girdi’en Kristus.

Kolose 4:16

Gimed ra mu’ i be’eg e re gi babyor ney mi gimed guy rogon ngkun be’eg ngak girdi’en e galesiya nu Laodicea. Mi gimed be’eg e babyor ni bay ni pi’ u Laodicea nge yib ngomed.

Acts 13:15

Ma nap’an nni mu’ i be’eg fare Motochiyel rok Moses nge tin ni yoloy e pi profet, me l’oeg e pi’in pilungen tafen e mu’ulung e thin nge yan ngorad ni be lungurad, “Pi walagmad: gamad ba’adag ni ngam welthingad ngak e pi girdi’ ney ni fa’anra bay bbugithin ni ngam weliyed ngorad ni nge pi’ e athamgil nga lanin’rad.”

Exodus 19:8

Me fulweg fapi girdi’ ni gubin nta’abyay ni lungurad, “Bay gu rin’ed urngin e tin keyog SOMOL.” Me weliy Moses e tin keyog fapi girdi’ ngak SOMOL.

Joshua 24:24

Me ga’ar piyu Israel ngak Joshua, “Bay ug pigpiggad ngak SOMOL ni ir e Got romad, mu ug folgad ko tin keyog ni nggu rin’ed.”

1 Kings 8:9

Dariy ban’en u lan fare Kahol ko M’ag kemus ni fa gal yang i malang ni tay Moses nga langgin ko Burey ni Sinai, nap’an ni ngongliy SOMOL ba m’ag u thilrad yu Israel ko fa ngiyal’nem nike chuw piyu Israel u Egypt.

Psalms 50:5

Be ga’ar, “Mu kunuy ngog e girdi’ rog nib yul’yul’, ni pi’in nra ngongliyed ba m’ag u thilmad ko maligach nra pi’ed.”

Psalms 78:36

Machane u rogned e thin ni fel’faen; dariy ban’en nrogned nib riyul’.

Jeremiah 34:13

ni Got nu Israel, e yog ngog ni ngugog ko girdi’ ni nge lungug: “Gu ngongliy ba m’ag u thilmad e pi chitamangimed u nap’an ni gu chuwegrad u pa’ yu Egypt nggu pithigrad ko sib ni ur ted. Mu gog ngorad ni

Jeremiah 42:6

Ndemturug ko m’agan’mad ngay fa dangay, ma gamad ra fol rok SOMOL ni Got rodad, ni ir e gamad be ning ngom ni ngam meybil ngak. Fa’an gamad ra fol rok ma ra fel’ gubin ban’en u puluwomad.”

Ezekiel 16:8

“Ma nap’an ni gub gu wan bayay u to’obem, mug guy nike taw nga nap’an ni ngam adag be’. Mug upunguy dowam ni bay u tamilang ko thal ni wuru’ e mad rog mug micheg ngom ni nggu t’ufegnem. Magdow m’ag e mabgol rodow, ni aram e nge milfam ngog.” Irera’ e n’en ni be yog SOMOL ni Th’abi Tolang.

Malaki 2:10

Gathi gadad gubin ni ta’reb e chitamangidad? Gathi ta’ab Got e sunmiydad ni gadad gubin? Ere mangfan ni gadad be th’ab e tin ni kad micheged ngodad ni ngad rin’ed, ma mangfan ni gadad be fananikay fare m’ag ni ngongliy Got u thilrad e pi chitamangidad kakrom?

2 Kronicles 15:14

Miyad micheg u fithingan SOMOL nib ga’ lamrad ni yad ra fol ko re m’ag nem, miyad tolul miyad thoy e rappa.