Exodus 24:6 - Bible Ni Thothup

⁶ Me fek Moses baley u racha’en fapi gamanman nge tay ngalan yu raba’ i dabiy; me wereg e tin ke magey nga daken e altar.

Exodus 24:6 Referans Kwoze

1 Peter 1:19

racha’en Kristus ni map’ ni ba ga’ fan e ir e ke pithigmed u pangimed nib m’ayfan, ni pi’ ir ni bod ba pifak e saf ndariy bang u dow nib kireb ara ba alit.

Exodus 24:8

Me fek Moses fa yu raba’ i dabiy ni bay e racha’ riy nge wereg e racha’ riy nga daken piyu Israel. Me ga’ar, “Ireray fare racha’ ni hang ko fare m’ag ni ngongliy SOMOL u thilmed u nap’an ni pi’ e pi motochiyel ney.”

Hebrews 9:18

Aram fan ni mus ko fa bin som’on e m’ag ni ngongliy Got u thilin e girdi’ nge ir e kemus ni racha’ e un maruwel ngay mi i par ni bfel’.

Levitikus 4:6

Me lithag buguli pa’ nga fithik’ fapi racha’ nge atngiy nga m’on ko fare gi kateng nib thothup ni medlip yay.

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.

Hebrews 12:24

Kambad ngak Jesus, ni ir e ke ngongliy rogon fare m’ag nib be’ech, nge fare racha’ ni kan wereg ni ir e be micheg boch ban’en ni kabfel’ boch ko tini micheg racha’en Abel.

Kolose 1:20

I Got e turguy ni nge sulweg urngin ban’en ngak u daken Fak. Mi Got e ngongliy e gapas u thilin e girdi’ nge ir u daken racha’en Fak ni map’ u kuruth, ma aram me yag ni nge sulweg urngin ban’en ngak, ntin ni bay u fayleng nge tin bay u tharmiy.

Levitikus 3:8

ma thangri tay pa’ nga daken lolgen me li’ nge yim’ u mit fare Tent. Ma fapi prist e ngar paged e racha’ riy nga daken ga’ngin yang fare altar

Levitikus 3:2

Me tay pa’ nga daken lolgen fare gamanman, me li’ nge yim’ u langan e mab ko fare Tent u p’eowchen SOMOL. Ma fapi prist ni pifak Aron e ngar paged e racha’ riy nga daken fa aningeg i tabthung ko fare altar

Levitikus 1:11

Ma thangri li’ nge yim’ fare gamanman u ba’ ni lel’och ko fare altar, ma fapi prist e ngar paged e racha’ riy ko fa aningeg i tabthung ko fare altar.

Levitikus 1:5

Me li’ facha’ fare garbaw ni pumo’on u rom, me pi’ fapi prist ni pifak Aron e racha’ riy ngak SOMOL ni aram e yad be pag nga aningeg raba’ fare altar u langan e mab ko fare Tent.

Exodus 29:20

Mag li’ nge yim’, mag fek boch u racha’en ngam thiy nga ba’ ni mat’aw i yuwantel Aron nge fapi pumo’on ni fak, nge ba’ ni mat’aw u bugul ni ga’ i pa’rad, nge ba’ ni mat’aw u bugul ni ga’ i ayrad. Mag yin’ e tin kabay ko fapi racha’ nga daken gubin raba’ fare altar.

Exodus 29:16

Mag li’ e re saf nem nge yim’, mag fek e racha’ riy ngam atngiy nga daken gubin raba’ fare altar.

Exodus 12:22

Me bigimed me fek ba pa’ngin e hyssop nge lthag nga fithik’ e racha’ nike tay nga baraba’ i ban’en nge achey nga ruw raba’ i langan e mab nge nga daken langan e mab. Dariy bigimed ni nge yan nga wuru’ e naun rok nge mada’ ko kadbul.

Exodus 12:7

Ma aram e ngar feked boch e racha’ riy ngar thiyed nga daken e gal raba’ i langan e mab nge nga daken langan e mab ko pi naun ni ir e ngan longuy e pi gamanman nem riy.

1 Korinth 11:25

Ma ku aram rogon ni fek fare kap u tomuren e abich ni blayal’ me ga’ar, “Re kap ney e bin nib be’ech e m’ag u thilin Got nge girdi’, ni racha’eg e bayi micheg. Ngiyal’ ni gimed ra unum e n’en ni bay riy e ngam rin’ed ni nge pugurag ngomed.”

Hebrews 8:9

Gathi bayi bod rogon e bin ba’aram e m’ag ni gu ngongliy u thilig nge pi chitamangirad ko fa rofen ni gu kol pa’rad nggu pow’iyrad nga wuru’ e nam nu Egypt. Dar pired ni yad ba yul’yul’ ko fare m’ag ni gu pi’ ngorad, ma aram e da kug tiyan’ug ngorad.

Hebrews 9:19

Som’on e weliy Moses ngak fapi girdi’ urngin fapi motochiyel ni bay u lan fare Motochiyel ni polo’. Me ere fek racha’en pifak e garbaw nge athkuy ko ran me lthag pa’ngin e hyssop ngay ni kan tay bunu’en e saf nga taban ni kan k’ad ko row, me atngiy nga daken babyoren e Motochiyel nge girdi’ ni gubin.

Hebrews 9:21

Ere ku aram rogon ni ki atngiy Moses e racha’ nga daken fare tent ko m’ag rok Got nge nga daken urngin ban’en ni yima maruwel ngay ko meybil nge pigpig ngak Got.

2 Kings 17:15

Miyad siyeg ni ngar folgad ko pi gafal rok, miyad pi’ keru’rad ko fare m’ag ni ngongliy SOMOL u thilrad e pi chitamangirad kakrom, miyad sabalbalyang ko pin’en ni be ginangrad riy. Mu ur tedfan e pi liyos nib m’ayfan ngki m’ayfarad, miyad un nga yalen e pi nam ni bay u to’obrad i yan, ni da ku ra folgad ko n’en ni yog SOMOL ngorad ni ngar folgad riy.

Psalms 99:6

Moses nge Aron e yow e prist rok, me Samuel e be’ ni i meybil ngak; ra pininged SOMOL, me fulweg lungurad.

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.