Exodus 24:4 - Bible Ni Thothup

⁴ Me yoloy Moses nga but’ urngin e tin keyog SOMOL ni nge rin’ e girdi’ nu Israel. Me od Moses nri kakadbul, nge ubung ba altar u enggin fare burey, me suweg ragag nge l’agruw i malang, nra reb fapi malang ma fen reb fa ragag nge l’agruw i ganong nu Israel.

Exodus 24:4 Referans Kwoze

Deuteronomy 31:9

Me yoloy Moses e motochiyel rok Got me pi’ ngak fapi prist ni pifak Levi, ni yad e bmil fan fare Kahol ko M’ag rok SOMOL ngorad ni ngu’ur feked nge ngak e pi’in yad be yog e thin rok yu Israel.

Genesis 28:18

Me od Jakob nri kakadbul. Me fek fare malang ni teyey’ ngay nge suwonnag ni nge mang malang ko puguran. Me pu’og e gapgep nga daken fare malang me pining e magaer ngak Got.

Revelation 21:14

Ma fare yoror ko re binaw nem e ni ubung nga daken ragag nge l’agruw i malang, ni ir e kan yoloy fithingan fa ragag nge l’agruw i apostel rok fare Fak e Saf ngay.

Galatia 2:9

I James, nge Peter, nge John, ni wun’ug e yad be gagiyegnag girdi’en e galesiya e ra nanged ni Got e ke pi’ e re gaf i maruwel ney ni yugu ba reb ngog; ma aram miyad rurug pa’mow Barnabas ni be dag ni gamad ta’ab raba’ i maruwel, ma aram ma gamad gubin ni ta’reb lanin’mad nge puruy’ romad ni nggu maruwelgow u fithik’ e pi’in gathi yad piyu Israel, miyad maruwel u fithik’ piyu Israel.

Luke 22:30

Bay mu uned ngog ko abich nge garbod u tebel rog ko gin nsuwog, ma bay mpired nga tagil’ e pilung ngam gagiyeg niged fa ragag nge l’agruw i ganong nu Israel.”

Ezra 6:17

Ma 100 e garbaw ni pumo’on, ma 200 e saf ni pumo’on, ma 400 e pifak e saf nra pi’ed ni maligach ngak Got ni fan ko re Tempel nem ni kar pi’ed nga pa’, miyad pi’ ragag nge l’agruw e kaming ni maligach ni fan ko denen, nra reb ma pa’ reb fapi ganong nu Israel.

1 Kings 11:30

me luf u daken nge guchthuy nge yan i par ni ragag nge l’agruw yang.

Joshua 4:20

Me tay Joshua fa ragag nge l’agruw i malang u rom nni fek u Jordan.

Numbers 17:2

“Mog ngak e girdi’ nu Israel ngar pi’ed ragag nge l’agruw ley i sog ngom, ra reb e pi tayugang’ u reb e ganong ma nge pi’ ba ley. Ma ra bagyad fapi pumo’on mag yoloy fithingan nga daken e sog rok

Levitikus 24:5

Mu feked rliw’ nge aningeg e pawn e flour ngam lithed ragag nge l’agruw e flowa ni lof riy.

Exodus 28:21

Mra reb e pi ragag nge l’agruw i malang ney ma ngan ker fithingan reb fapi pumo’on ni fak Jakob nga daken, ya nge gagyalnag fa ragag nge l’agruw i ganong nu Israel.

Genesis 31:45

Me suweg Jakob reb e malang ngalang nib puguran.

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”

Exodus 17:14

Me ga’ar SOMOL ngak Moses, “Mu yoloy e ran’ey nga babyor nge par ndab ni pag talin, ma gog ngak Joshua ni bay gu gagiyegnag yu Amalek ngar pired nike math murung’agrad.”

Exodus 17:15

Me toy Moses ba altar me tunguy fithingan ni ga’ar, “I SOMOL e Flak rog.”

Exodus 21:1

“Mu pi’ e pi motochiyel ni ba’aray ngak piyu Israel:

Exodus 24:7

Me fek fare ke babyor ni babyoren fare m’ag u thilin Got nge piyu Israel nge be’eg ngak piyu Israel ni ba ga’ laman, me ga’ar piyu Israel, “Bay gu rin’ed urngin e tin keyog SOMOL ni nggu rin’ed; bay gu folgad rok.”

Exodus 34:27

Me ga’ar SOMOL ngak Moses, “Mu yoloy e pi thin ney nga but’, ya daken e pi thin ney e gube ngongliy riy e m’ag u thildow nge piyu Israel.”

Isaiah 19:19

Ra taw ko ngiyal’nem, ma bay ba altar rok SOMOL u lan fare nam nu Egypt nge ba malang ni ka ni suweg nib n’uw ko mathil nu Egypt ni ka ni ognag ngak SOMOL.

Genesis 12:7

Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.

Joshua 4:5

me ga’ar ngorad, “Mmarod ngalan e lul’ ni Jordan, ngam m’onod rok fare Kahol ko M’ag rok SOMOL ni Got romed. Ra bigimed ma nge tay reb e malang nga daken pon nge fek, nra reb e malang ma fan ngak reb e genong nu Israel.

1 Kings 18:31

Me fek ragag nge l’agruw i malang, nra reb ma fan ngak fare ragag nge l’agruw i ganong ni yad e pi’in owchen Jakob, ni fare mo’on ni tunguy SOMOL Israel ngak.

Nehemiah 10:1

Pi’in nra sayingad nga but’ e Nehemiah ni governor nib mo’on ni fak Hakaliah, nge Zedekiah,