Exodus 24:17 - Bible Ni Thothup

¹⁷ Ma piyu Israel e yad be guy maluplupen SOMOL ni bod ba nifiy ni be daramram u daken p’ebugul e re burey nem.

Exodus 24:17 Referans Kwoze

Hebrews 12:29

ya Got rodad e riyul’ nib nifiy nma urfiy ban’en.

Hebrews 12:18

Gathi kambad nga ban’en nrayag ni ngam mathgad ngay ni bod rogon piyu Israel nrabad ko burey ni Sinai ni bay e daramram riy, lumor nge rumug, nifeng nrib gel,

Deuteronomy 4:36

I gagiyegnag nge yib laman u tharmiy ngomed ni fan e nge fonow nagmed ngam yal’uwgad, mu daken e fayleng e gagiyeg nagmed riy ngam guyed fare nifiy rok nib thothup, me par u fithik’ nge non ngomed.

Exodus 3:2

Me m’ug e engel rok SOMOL ni bod ya’an ba daramram ni be yib ngalang u fithik’ i ran’ bochi ke gek’iy. Me changar Moses me guy ni be yib e daramram ko fachi ke gek’iy ngalang, machane der gak’.

Deuteronomy 4:24

ya SOMOL ni Got romed e bod ba nifiy ni be daramram. Dabun yug reb e kan ni nge tagenging ngak.

Exodus 19:18

Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.

Ezekiel 1:27

Ma rogon ram’en e bod e bronze ni bay u mit e nifiy, ni be gal’ gubin yang nib ga’ ra’en

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Deuteronomy 9:3

Ma bay mu guyed nga owchemed ni SOMOL ni Got romed e bayi m’on romed ni bod ba daramram nib gel. Bay i gel ngorad i yan u nap’an ni gimed be yan nga m’on, ya ngam tulufedrad mi gimed thirifrad u but’ nib machreg, ni bod nike micheg.

Ezekiel 1:28

ni gubin e ra’en ko ragim ma bay riy. Irera’ fare ra’en nib maluplup ni be dag e gin bay SOMOL riy. Nap’an ni gguy e ren’ey, mu gu thig nga but’ ni gu ba palpal. Ma aram mu gu rung’ag ba lam

Exodus 19:11

nge langlath ma kar mu’gad. Rofen nem e gag SOMOL e bay gub nga but’ nga daken e Burey ni Sinai, mu rom e bayi guyeg e girdi’ ni gubin riy.

2 Samuel 22:9

Me po’ e ath u lan p’ethungun nga but’, me yib e daramram nge kol ni be gabulbul e nifiy riy u l’ugun nga but’.

2 Samuel 22:13

be gabulbul e pi achaffin ni be thethay ko uluch ni be mat u p’eowchen.