Exodus 23:8 - Bible Ni Thothup

⁸ Dab mu faned puluwon e sasalap, ya puluwon e sasalap ni yima fek e ma ning lan owchey ko tin nib yal’uw, mma kirebnag e tin be nameg e pi’in ni bfel’ e rorad.

Exodus 23:8 Referans Kwoze

Deuteronomy 16:19

Dab ur puf olobochgad nde mat’aw rogon, fa ur folgad ngak boch e girdi’. Ma dab ur feked puluwon e sasalap, ya mus ngak e pi’in yad ba gonop ma yad ba yul’yul’ ni maning e tow’ath owcherad, nma k’aringrad ngar turguyed bogi ban’en nde mat’aw rogon.

Isaiah 5:23

Gimed ma fanay puluwon e sasaliyab ni ngam paged e pi’in nib kireb e rorad ngranod, ma gimed ma tay e pi’in ni bfel’ e rok ni de yag ngorad e tin mat’owrad.

Proverbs 17:23

Pi judge ni kireb e ma fanay puluwon e sasalap nib mith, ma aram e tin ni bfel’ dab nrin’.

Proverbs 15:27

Ga ra guy rogon ni nge yag e win ngom u fithik’ e sasalap, ma aram e oloboch ni nge yib nga tabnaw rom. Dab mu fek puluwon e sasalap me n’uw e yafos rom.

1 Samuel 8:3

Machane da ur folwokgow rok e chitamangirow; ya kemus ni salpiy e ba t’uf rorow, ma aram mu ur fekew puluwon e sasaliyeb ma da ur pithigew e oloboch nge yan i aw nrogon.

Eklesiastes 7:7

Fa’anra bannag be’ nib gonop be’ ma be ngongol ni bod e balyang. Fa’anra ga be fek puluwon e kireb ma ga be kireb nagem.

Proverbs 17:8

Boch e girdi’ e ma leamnag ni yira pi’ puluwon e sasalap ni nge rin’ be’ ngeb fal’ngin ngorad, mra yib mangin ni bod e maang’ang; ma bmichuwan’rad ni demturug ban’en ma rayag riy.

Psalms 26:10

ni pi’in gubin ngiyal’ ni yad ma rin’ e kireb, ma gubin ngiyal’ ni bfel’ u wan’rad ni ngar feked puluwon e sasalap.

1 Samuel 12:3

Ere gub aray. Fa’anra kug ngongliy ban’en nib kireb, me ere mogned e chiney u p’eowchen SOMOL nge fare pilung ni ir e ke duwgiliy. Mogned, kug fek e garbaw ara dongki rok be’? Ka’a gu bannag be’ ara kug gafgownag be’? Ka’a gu fek puluwon e sasaliyab? Fa’anra kug rin’ reb e pin’ey ma nggu pi’ puluwon e tin kug fek.”

Deuteronomy 10:17

I SOMOL ni Got romed e ir e pilung ko pi got nge Somol ko pi somol. Ir e ba ga’ ma ba th’abi gel gelngin, ma ir e ngu’un fol rok. Der ma laniyan’ ma der ma fek puluwon e sasaliyab.

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.

Amos 5:12

Gu manang feni kireb e denen ni gimed be rin’, nge urngin e yupa’ i oloboch ni kam ngongliyed. Gimed be gafgownag e girdi’ ni bfel’, ma gimed be fek puluwon e sasalap, ma gimed be taleg mat’won e pi’in gafgow u tafen e puf oloboch.

Ezekiel 22:12

Boch e girdi’ romed e be fek puluwon ni nge thang e pogofan. Ma boch i yad e be pi’ e salpiy ni ku ran fulweg, me yin’ e pasent ngay nib pag oren nike mangita’ ngorad kefel’ rograd riy. Ma kar paged talig.” I SOMOL ni Th’abi Tolang e be non.

Proverbs 19:4

Girdi’ nib yo’or ban’en rorad e gubin ngiyal’ ma yad ma pir’eg e pi tafager nib be’ech, machane pi’in gafgow e ku ra n’agrad e chu’uw i tafager rorad.

Hosea 4:18

Tomuren ni ka ra unumed e wayin nib yo’or ma taban lanin’rad e ngar pi’ed yad ni chuway’, kabm’on u wan’rad ni ngan dariyfan nagrad ko bin ngan tay farad.

Isaiah 1:13

Dariy gam’ingin e pin’en ni gimed be pi’ ngog. Kar gu dabuy bon e incense ni gimed be urfiy. Dabkiyag ni gu kadan’ug ko pi Madnom ko M’ug e Pul, nge pi Sabbath romed, nge pi mu’ulung ni gimed be tay ni fan ngog; urngin nike kireb ni bochan e denen romed.

Psalms 15:5

Yad ma pi’ e salpiy ni lon ni darir yin’ed e win rorad ngay, ma darir feked puluwon e sasalap ni fan e ngar micheged ban’en nib togopluw ngak be’ ni bfel’ e rok. Cha’ nma rin’ e pin’ey e ba muduwgil u but’ ni dariy ban’en nra buch rok.

Isaiah 1:23

Pi’in yad be yog e thin rom e yad be togopluw ka ra manged tafager rok e pi moro’ro’; gubin ngiyal’ ni yad be fek e pi tow’ath nge puluwon e sasalap. Darir ayuweged e bitir ni kanim’ rorad u tafen e puf oloboch, ara rmotoyilgad ko oloboch rok e ppin nike yim’ figirngirad.

Isaiah 5:22

Gafgow gimed! Gimed eba gilbuguwmed ko melor ko wayin! Gimed e pi m’uthan’ nge falu’ i aruy e rrum.

Isaiah 33:15

Rayag ni nge dab mum’ ni fa’anra u mog ma ga be rin’ e n’en ni bfel’. Dab mmaruwelgad nga gelngimed ni ngam ban niged e pi’in gafgow, ma dab mu feked puluwon e sasaliyeb. Dab mu chaeggad ngak e pi’in kar puruy’ niged rogon ni ngar thanged e pogofan ara ngar ngongliyed boch ban’en nib kireb.