Exodus 23:31 - Bible Ni Thothup

³¹ Ma bay gu tay e mathil ko Red Sea nge mada’ ko day ko pi Filistine, me yan e mathil u daken e ted ni desert nge mada’ ko lul’ nu Eufrates; ma bay gu pi’ girdi’en fare binaw nga pa’med ngam tulufedrad nga wuru’ fare binaw.

Exodus 23:31 Referans Kwoze

Genesis 15:18

Chirofen nem e ngongliy SOMOL reb e m’ag u thilrow Abram, ni ga’ar, “Nggog ngom ni bay gu pi’ e re nam ney ni ga’ngin ngak e pi’in owchem, ni mus ko fare lul’ ni bay ko mathil u Egypt nge yan i mada’ ko fare lul’ ni ba ga’ ni Eufrates fithingan,

Deuteronomy 11:24

Gubin yang e but’ ni gimed ra yan u daken e go’ gimed ra tafnay. Tafenmed e bayi tabab ko yimuch u lan e ted ni desert me yan i taw ko fapi Burey nu Lebanon ni bay ko lel’och, me tabab ko fare lul’ ni Eufrates ni bay ko ngek nge mada’ ko fare gi day ni Mediterranean ni bay ko ngal.

Joshua 21:44

Me pi’ SOMOL e gapas ngorad u lan fare nam ni ga’ngin, nri bod rogon ni micheg ngak e pi chitamangirad kakrom nra rin’. Dariy ta’reb u gubin fapi to’ogor rorad ni yag rok ni nge tagopluw ngorad, ni bochan e ke gel nagrad SOMOL ngak gubin e pi to’ogor rorad.

Joshua 1:4

Ma mathil romed e yan i mus ko fa gi ted ni desert ni bay u lan e yimuch me yan i mada’ ko fapi Burey nu Lebanon ni bay ngalan e lel’och; me tabab ko fare lul’ ni ba ga’ ni Eufrates fithingan ni bay ko ngek, nge ga’ngin yang e nam rok e pi Hittite nge yib i mus ko fare gi Day ni Mediterranean ni bay ko ngal.

Joshua 24:18

Gadad be yan ma be tuluf SOMOL e girdi’ yad be chuw, ni aram e pi Amorite ni be par u lan e re nam ney. Ere ku er rogomad ni ngu’ug pigpiggad ngak SOMOL; ya ir e Got rodad.”

Psalms 72:8

Gagiyeg rok e yan u bang e day nga bang e day, me tabab ko lul’ ni Eufrates nge yan i taw nga tungun e fayleng.

1 Kings 4:24

Me gagiyegnag Solomon fare nam ni ga’ngin u ba’ ni ngal fare Lul’ ni Eufrates, ni tabab u Tifsah u Eufrates nge yan ko ngal nge mada’ ko fare binaw nu Gaza. Urngin e pilung ko ngal u Eufrates e go’ yad bay u tan pa’, ma gubin e pi nam ni yad ba liyeg e bfel’ thilrad.

Judges 11:21

Machane SOMOL ni Got rok yu Israel, e gel nagrad ko mael ngak Sihon nge pi salthaw rok. Ma aram me yog yu Israel lungung urngin yang ni tafen yu Amor ni ur pired u lan e re nam nem.

Judges 1:4

nge Judah ko mael u ta’bang. Me gel nagrad SOMOL ngak e pi Kanaan nge pi Periz, miyad li’ ragag biyu’ e pumo’on u Bezek.

1 Kings 20:13

Ngiyal’nem me yan ba profet ngak Ahab ni Pilung, me ga’ar ngak, “Be ga’ar SOMOL, ‘Dab mu rus nga ga’ngin e raba’ i salthaw nem! Bay gu tem ngam gel ngak e daba’, ma bay munang ni gag SOMOL.’”

1 Kings 4:21

Gagiyeg rok Solomon e bmu’un urngin e pi nam ni tabab ko fare Lul’ ni Eufrates nge mada’ nga Filistia nge fare mathil nu Egypt. U ra pi’ed e tax rorad ngak mu ur pired u tan pa’ ni n’umngin nap’an e yafos rok.

1 Samuel 23:4

Ma aram miki fith David laniyan’ SOMOL bayay, me ga’ar SOMOL ngak, “Mman ngam cham nga Keilah, ya bay gu pi’ e pi Filistine nga pa’am.”

Joshua 24:12

Mu gu gagiyegnag ngar rusgad u nap’an ni gimed be yan i yan nga m’on ni bochan e nge mil fa gal pilung ko pi Amorite ngar chuwgow ko nam rorow. Saydon romed nge gat’ing romed e gathi ir e gagiyegnag nge yodrom.

Joshua 24:8

Ma aram mu gu fekmed i yib ko nam rok e pi Amorite, ni yad ma par u ba’ ni ngek e lul’ ni Jordan. Miyad cham ngomed, mu gu gagiyegnag ngam gelgad ngorad. Mi gimed kol e nam rorad, ni gimed be yan nga m’on ma gu be li’rad.

Joshua 23:14

“Chiney e ke taw ko ngiyal’ ni nggum’ riy. Gimed gubin nra bigmed ma manang u lan gumircha’en ngu fithik’ i lanyan’ ni SOMOL ni Got romed e ke pi’ urngin e tin nib manigil ngomed ni micheg nra pi’. Urngin e tin ni micheg e go’ ke rin’ nrogon; dariy reb ni pag.

Joshua 10:19

machane gimed e dab mu pired u rom. Mu leked fapi to’ogor u wuryal ngam oggad ngorad; dab mu pagedrad ngar thapgad nga langgin fapi binaw rorad! I SOMOL ni Got romed e ke ta’med ni ngam gelgad ngorad.”

Joshua 10:8

Me ga’ar SOMOL ngak Joshua, “Dab mu rus ngorad, ya kug duwgiliy ni gur e ngam gel. Dariy ta’bagayad nrayag rok ni nge talegem.”

Joshua 8:18

Me ga’ar SOMOL ngak Joshua, “Mu pulweg e sarey rom nga Ai; ya nggu pi’ nga pa’am.” Me rin’ Joshua nrogon ni kanog ngak,

Joshua 8:7

Ma aram e ngambad nga wuru’ e gin gimed be mith riy ngam koled fare binaw. Ya SOMOL ni Got romed e bayi pi’ nga pa’med.

Deuteronomy 3:2

Me ga’ar SOMOL ngog, ‘Dab mu rusgad ngak. Bay gu pi’ ngomed, nge pi salthaw rok, nge ga’ngin fare gi nug ni tafen. Ma n’en ni mu rin’ed ngak Sihon ni Pilung rok e pi Amorite ni i gagiyeg u Heshbon e ku aram e n’en ni ngam rin’ed ngak Og.’

Numbers 21:34

Me ga’ar SOMOL ngak Moses, “Dab mu tamdag ngak. Ya kug pi’ ngom ni ngam gel ngak, nge urngin e girdi’ rok, nge binaw rok; mu rin’ ngak e n’en nim rin’ ngak Sihon, ni fare pilung ko Amor ni i gagiyeg u Heshbon.”

Deuteronomy 1:7

mu puged e pi tent romed ngam marod. Marod ko binaw ko pi Amorite ni go’ burey, nge yungi nug nib chugur ngaram, ni aram e loway nu Jordan, nge binaw ni go’ burey nge binaw nib sobut’ nga but’, nge gi nug ni bay ko yimuch, nge yan i mada’ nga dep’eday ko Mediterranean. Marod ko nam nu Kanaan mi gimed yan nga ba’nem e burey ni Lebanon ngam mada’gad ko fare lul’ ni ba ga’ ni Eufrates fithingan.

Deuteronomy 1:8

Irera’ fare nam ni gag SOMOL e gu micheg ngak pi chitamangimed kakrom, ni aram Abraham, nge Isak nge Jakob, nge ngak e pi’in owcherad. Marod ngam pired ngay.’”

Deuteronomy 2:33

Machane SOMOL ni Got rodad e pi’ Sihon nga pa’dad, ma gadad thang e fan rok, nge pi pumo’on ni fak, nge urngin e pi salthaw rok.

Deuteronomy 2:36

I SOMOL ni Got rodad e pi’ urngin fapi binaw ngalan pa’dad, ni mus u Aroer ni bay u thathren fare loway ni Arnon, nge fare binaw ni bay u lukngun e re loway nem, me yan nge mada’ nga Gilead. Dariy reb e binaw ni dad buthuged e yoror riy.

Deuteronomy 9:3

Ma bay mu guyed nga owchemed ni SOMOL ni Got romed e bayi m’on romed ni bod ba daramram nib gel. Bay i gel ngorad i yan u nap’an ni gimed be yan nga m’on, ya ngam tulufedrad mi gimed thirifrad u but’ nib machreg, ni bod nike micheg.

Deuteronomy 20:16

“Machane nap’an ni gimed ra kol fapi binaw nu lan fare nam ni bayi pi’ SOMOL ni Got romed ngomed, mi gimed thang e fan rok gubin e girdi’ riy.

Joshua 24:11

Mi gimed th’ab e lul’ ni Jordan nga barba’ ngambad nga Jeriko. Me mael piyu Jeriko ngomed, ma ku aram e n’en ni rin’ e pi Amorite ngomed, nge Perizzite, nge Kanaanite, nge Hittite, nge Girgashite, nge Hivite, nge Jebusite. Mu gu gagiyegnag ngam gelgad ngorad.

1 Kings 8:65

Me madnomnag Solomon nge urngin e girdi’ nu Israel fare Madnom ko Nochi Na’un ni medlip e rran. Pire’ e girdi’ ni yigi tabab u Hamath Pass ko lel’och nge mada’ ko mathil nu Egypt ko yimuch.

1 Kings 11:2

I le’engiyrad ni yug aram rogon nike yog SOMOL ngak piyu Israel ndab ra mabgolgad ngak e pi girdi’ ney, ni bochan e yad ra pingeg yu Israel ngar tedfan yug boch e got.

Numbers 34:2

ni nge yog ngak e girdi’ nu Israel, ni nge ga’ar ngorad, “Nap’an ni gimed ra yan nga langgin yu Kanaan, ni fare binaw ni nggu pi’ ngomed, ma ba’aray e gin ni nge yan e pi mathil ko binaw romed riy.

Deuteronomy 6:19

me yag ni mu tulufedyad ni bod ni micheg.

Joshua 2:24

Me lungurow ngak, “Kari mich u wun’mow nike pi’ SOMOL ngodad e re nam nem ni ga’ngin. Ya urngin e girdi’ nu rom ni kar rusgad ngodad.”

Joshua 9:7

Machane me ga’ar e pumo’on nu Israel, “Mangfan ni nggu falegned reb e tha’ u thildad? Dabisiy nigmed ma par nib chugur ngaray.”

Joshua 13:6

Re gi binaw ney e ba mu’un ga’ngin e binaw rok piyu Sidon ngay, ni yad ma par ko fare binaw ni go’ burey u thilin fapi Burey nu Lebanon ngu Misrefoth Maim. Bay gu tuluf urngin e pi girdi’ ney nga wuru’ e binaw nnap’an ni be yib e girdi’ nu Israel i yib. Thingar mu f’oth fare gi binaw u daken piyu Israel, nri bod ni kugog ngom ni ngam rin’.

2 Kronicles 9:26

Ir e re tagagiyeg ni th’abi sorok u fithik’ gubin e pilung nu lan fare gi nug ni tabab ko lul’ ni Eufrates nge yan nga Filistia nge taw ko mathil u Egypt.