Exodus 23:29 - Bible Ni Thothup

²⁹ Dab gu tulufrad ni yad gubin u lan ta’reb e duw; ya fa’an gu ra rin’, mra par e but’ ndakuriy be’ u daken, ma yug ra yo’or e gamanman ni molboch ngomed.

Exodus 23:29 Referans Kwoze

Deuteronomy 7:22

I SOMOL ni Got romed e bay i chuweg girdi’en e pi nam u m’on romed ni be boech-mboechnag; gathi bay mu thanged owcherad ta’ab yay, ya ra yo’or e gamanman ni malboch ngar gafgow niged gimed.

Joshua 16:10

Ma dar tulufed piyu Kanaan ni ur pired u Gezer, ere ke par piyu Kanaan u fithik’ e pi Efraim ke mada’ ko bin daba’ e rran, machane nni tayrad ni yad e sib.

Joshua 15:63

Machane pi girdi’ rok Judah e de yag rorad ni ngar tulufed u Jerusalem e pi Jebusite ni ur pired u rom. Pi Jebusite e kayad bay u rom ni yad be par u fithik’ e pi girdi’ nu Judah.

Exodus 23:30

Ere bay gu tulufrad ni boch’uw mboch’uw, nge taw ko ngiyal’ ni kam yo’orgad ngam tafnayed e re binaw nem.

Exodus 34:24

Ma tomuren ni kug tuluf girdi’en e pi nam ni yad bay ko gin ni ga be sor ngay mu gu ga’nag e gin ngam tafnay, ma dariy be’ nra guy rogon ni nge kol e nam rom ko ngiyal’ ni ba’aram nra reb e duw ma dalip yay ni nga mub nga p’eowcheg i Gag SOMOL ni Got rom.