Exodus 23:21 - Bible Ni Thothup

²¹ Mmotoyilgad ngak mi gimed fol rok. Dab mu togopluwgad ngak, ya dabi kadan’ romed; ma be un ngomed ni aram gag.

Exodus 23:21 Referans Kwoze

Psalms 78:56

Machane kur pired ni yad be togopluw ngak Got ni Gubin ma Rayag Rok ma yad be sikengnag. Tin ni i yog e darir folgad riy,

Psalms 78:40

Rib yo’or yay nra togopluwgad ngak u lan e ted ni desert; bo’or yay nra kireb niged lanyan’!

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!

John 10:38

Ma fa’anra gu be rin’, ma yugu ra dagur mich u wun’med, ma susun e nge mich u wun’med e ngongol ni gu be rin’, nge yag nri mu nanged ni en ni Chitamangiy e bay u fithik’ag, mi gag e gu bay u fithik’ e en ni Chitamangiy.”

John 10:30

Chitamag nge gag e gamow ba ta’reb.”

Joshua 24:19

Me ga’ar Joshua ngorad, “Dabiyag ni ngam pigpiggad ngak SOMOL, ya ir ba Got nib thothup ma ba taliyeg. Dabi n’ag fan u wan’ e denen romed nge kireb;

Exodus 3:14

Me ga’ar Got, “I Gag e en ni Gag. Arrogon ni thingar mog ngorad: ‘Fa’anem ni yima pining ni GAG e ir e ke l’ogeg ni nggub ngomed.’

Kolose 2:9

Ya rarogon Got ni polo’ e bay rok Kristus ni ngal’ nib girdi’,

Efesus 4:30

Ma dab mu kireb niged laniyan’ fare Kan Nthothup rok Got; ya Kan Nthothup e ireram e pow rok Got nike tay ngomed nike suweymed, ni aram e mich riy ni bay reb e Rran ni bayi taw ngay me ri pithigmed Got rok e denen.

Deuteronomy 18:19

Ra non u fithingag, ma gu ra gechignag e en nra siyeg ni nge fol rok.

Numbers 14:11

Me ga’ar SOMOL ngak Moses, “Uw n’umngin nap’an ni nge par e pi girdi’ ney ni yad be darifan nigeg? Uw n’umngin nap’an ni ngu’ur pired ndaburad ni nge pagan’rad ngog, ni yugu aram rogon nike pire’ bogi maang’ang ni kug ngongliy u fithik’rad?

John 5:23

ya nge gubin e girdi’ me liyor ngak e en ni Fak Got ni bod rogon ni yad ma liyor ngak e en ni Chitamangiy. Ma en nder liyor ngak e en ni Fak Got e der liyor ngak e en ni Chitamangiy ni ir e l’oeg nge yib.

Numbers 14:35

Kug micheg ni bay gu rin’ e pin’ey ngomed e girdi’ ni kireb ni kam barba’gad kam togopluwgad ngog. Gimed gubin ni bay mm’ad u roy u daken e ted. I Gag SOMOL e kugog e pi thin ney.’”

Exodus 32:34

Mman e chiney, ngam gafaliy yu Israel ko gin ni kugog murung’agen ngom. Dab mu pag talin ni engel rog e bay i pow’iyem, machane bay bingiyal’ ni bayi taw ngay ni nggu gechignag e pi girdi’ ney ni bochan e denen ni kar ngongliyed.”

Exodus 6:3

Gu m’ug ngak Abraham, nge Isak, nge Jakob ni gag Got ni Gubin ma Rayag Rog, machen da gog fithingag ngorad nib thothup, ni Gag SOMOL.

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

Revelation 2:8

“Mu yol ngak fare engel ko galesiya nu Smyrna ni nge lungum: “Ba’aray e thin nike pi’ fa’anem ni ir e en ni tabolngin ma ku ir e en ni tungun, ni ir e yim’ ngki fos ko yam’.

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Psalms 2:12

mi gimed siro’ ngak; ya ra danga’ ma ra puw e damumuw rok, mi gimed yim’ nib tomgin. Ba felan’ urngin e pi’in yad ma yan ngak SOMOL ni nge yororiyrad!

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.

1 John 5:16

Fa’anra guy be’ walagen ni girdi’en Kristus nike ngongliy reb e denen ni dabi fek fa’anem ko yam’, ma susun e nge meybil ngak Got, ni ir e ra pi’ e yafos ngak fa’anem. Re bugithin ney e bay rogon ngak e pi’in ni kar ngongliyed e denen ni dabi fekrad ko yam’. Machane bay e denen nma fekey ko yam’, ma dagur yog ni ngam meybilgad ngak Got u murung’agen e binem.

Hebrews 3:16

Mini’ e rung’ag laman Got me togopluw ngak? Fapi girdi’ ni fekrad Moses nga wuru’ yu Egypt.

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Matthew 1:23

“Fare pin ndawori nang e pumo’on e bayi diyen nge gargeleg bochi pagel, ma bay ni pining Immanuel ngak” (ni fan e re ngachal nem e, “Bay Got rodad”).

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Jeremiah 5:7

I SOMOL e fith ni ga’ar, “Gur mangfan ni nggu n’ag fan u wun’ug e denen rok e girdi’ rog? Yad e ka ra n’aged gag yad be tay fan boch e got nde riyul’. Ku gu durwi’iy e girdi’ rog karfos gad, machane yad be par e girdi’ ni gathi mabgol rorad ke ga’ forad ngak e ppin ni yad ma falchuway’ ngorad.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 45:6

Nggu rin’ ni fan e nge urngin e girdi’ u baraba’ e fayleng nge yan i mada’ nga baraba’ e ngar nanged ni Gag e SOMOL, ma dakuriy yugu reb e got ngabang.

Isaiah 42:8

“Kemus ni Gag e SOMOL ni Got rom. Dariy yugu reb e got ni ta’reb rogomow; dab gu pag e pi liyos nganog e sorok ngorad ni aram e kan unegrad ngog.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Psalms 83:18

Mang e yugur nanged ni kemus ni gur e SOMOL, ni gur fare tagagiyeg Nib Th’abi Tolang u polo’ e fayleng.

Psalms 72:19

Fithingan nib gilbuguwan e ngu’un pining e sorok ngay ndariy n’umngin nap’an! Maluplup rok e mang e yigi suguy e fayleng. Amen! Amen!

Deuteronomy 9:7

“Dab mpaged talin rogon ni mu k’aringed e damumuw ngak SOMOL ni Got romed u lan e ted ni desert. Ka fa rofen ni mu chuwgad u Egypt nge yib i mada’ ko rofen ni mu tawgad ngaray, ni go’ togopluw e um ted ngak.

Judges 13:18

Me fith fare engel ngak ni ga’ar, “Mangfan ni ga ba’adag ni ngam nang fithingag? Fithingag e nge par nib mith.”

Isaiah 9:5

Sus rok e salthaw ni m’ag e mael ko nam nge mad rorad nike mak’ racha’ e bay ni urfiy!

Malaki 3:1

Fulweg rok SOMOL ni Gubin ma Rayag Rok ko re bugithin ney e be ga’ar, “Bay gu l’oeg ba tafek thin rog nge ngongliy rogon e kanawo’ rog. Ma aram e fare SOMOL ni gimed be changar nag e bay mu gin gad ma keyib ko Tempel rok. Fare tafek thin ni gimed be finey ni mang e yug mu guyed e bayi taw ni nge weliy murung’agen e m’ag rog.”