Exodus 23:14 - Bible Ni Thothup

¹⁴ “Ra reb e duw ma dalip e madnom ni ngam ngongliyed ni ngam tedfag riy.

Exodus 23:14 Referans Kwoze

Deuteronomy 16:16

“Urngin e pumo’on u lan e nam romed ma ngarbad ko fa ta’gin’en ni tagil’ e liyor, ngar liyorgad ngak SOMOL ni dalip yay u reb e duw ko Madnom ni Paluk’af, Madnom ko T’ar Wom’ngin e Woldug, nge Madnom ko Nochi Naun. Ra reb e pumo’on ma nge fek ba tow’ath i yib

Levitikus 23:16

Rofen ni gaman e wugem ngay, ni rofen ni yib nga tomuren e bin medlip e Sabbath, e ngkum pi’ed ngak SOMOL e grain ni ka fini el nge mang maligach.

Levitikus 23:5

Paluk’af e ba madnom ni yibe tay fan SOMOL, yira tababnag ko gonowrug e rofen ni ragag nge aningeg ko bin som’on e pul.

Exodus 23:17

Dalip i madnom ney u reb e duw e thangri yib gubin e pumo’on romed i liyor ngog, i Gag SOMOL ni Got romed.

Levitikus 23:4

Irera’ fapi madnom rok SOMOL ni nge taw ko rran riy mi gimed mu’ulung ngam ted fan SOMOL.

1 Samuel 1:3

Urngin e duw nma yan Elkanah u Ramah nga Shiloh ngi i meybil me pi’ e maligach rok ngak SOMOL ni Gubin ma Rayag Rok, ni aram e gin bay fa gal pumo’on ni fak Eli riy, ni aram Hofni nge Finehas, ni yow e prist rok SOMOL.

1 Kings 9:25

Ma dalip yay u reb e duw nma pi’ Solomon e maligach ni mo’oruf nge maligach nma gapaseg thilin Got nge girdi’ u daken fare altar nike toy ni fen SOMOL. Ma ku ma urfiy e incense ngak SOMOL. Ma aram me mu’nag i toy fare Tempel.

2 Kronicles 8:13

I pi’ e pi maligach ni mo’oruf nrogon ni bay ko Motochiyel rok Moses ni fan ko yu rran nib thothup: pi Sabbath, nge pi Madnom ko M’ug e Pul, nge fa dalip i madnom ni gubin e duw — fare Madnom ko Flowa Ndariy e Is Riy, nge Madnom ko T’ar Wom’ngin e Woldug, nge fare Madnom ko Nochi Naun.

Exodus 34:17

“Dab mu ngongliy e pi got ni wasey ngu’um tay farad.

Exodus 34:18

“Thingar um ayuweg fare Madnom ko Flowa Ndariy e Is Riy. Ni bod rogon ni kugog ngom, thingar mu koy e flowa ni dariy e is riy ni medlip e rran ko pul ni Abib, ya lan e re pul i n’em e mu chuw u lan yu Egypt.

Deuteronomy 16:1

“Ngu’um liyorgad ngak SOMOL ni Got romed mi gimed madnomnag e Paluk’af ko pul ni Abib, ya reb e nep ko re pul nem e fekmed riy nga wuru’ yu Egypt.

Ezekiel 46:9

“Nap’an nra yib e girdi’ ni nge liyor ngak SOMOL u reb fapi madnom, ma pi’in yad ra yib u lan e bin yimuch e garog e yad ra sul ko bin lel’och e garog u tomuren ni karmu’gad ko meybil, ma pi’in rabad u lan e bin ni lel’och e garog e yad ra sul ko bin yimuch e garog. Dariy be’ nra sul nga wean ko gin ni yib riy nga naun, machane dabisiy ni nge yan nga wean ko re garog ni bay u puluwon nga barba.