Exodus 23:13 - Bible Ni Thothup

¹³ “Mmotoyilgad nga urngin ban’en ni Gag SOMOL e gog ngomed. Dab mmeybilgad ngak yugu boch e got; mus nga fithingrad ndabi un u l’ugunmed.

Exodus 23:13 Referans Kwoze

Joshua 23:7

ma aram e dab um ma’thukgad nga girdi’en e pi nam ney ni yad be par u fithik’med ara un fithingan e pi got rorad u l’ugunmed ara mu micheged ban’en u fithingan e pi got rorad ara mu ted farad ara mu siro’gad ngorad.

1 Timothy 4:16

Mu ayuwegnem, ma ga ayuweg rogon ni ga be weliy murung’agen e thin rok Got ngak e girdi’. Um rin’ e pin’ey i yan, ya fa’anra mu rin’ ma ga ra ayuwegnem nge pi’in yad ma motoyil ngom ngar thapgad ngak Got.

Zekariah 13:2

Ma rofen nem e bay gu chuweg fithngan e pi liyos u daken e re nam ney, nge dab ku’urbad ngan’uy. Ma ku bay gu chuweg u daken e re nam ney e pi profet ni go’ bogi ban’en, mug chuweg u wun’uy chogowen e pi liyos ni nga un tayfan.

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Hosea 2:17

Ma gathi bay kug pag nge un fithingan Baal u l’ugun bayay.

Deuteronomy 12:3

Mbuthuged e pi altar rorad nge malang ni kar ubunged ke tolang kar ted nib machmach. Mu urfiyed e yu ley i gek’iy ni kar suweged ngalang ni fan ko got ni bpin rorad ni Asherah fithingan, mi gimed th’eth’ab e pi liyos rorad nge par ndabkiyag ni ngan meybil ngay ko yungi n’em ni bay riy.

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Efesus 5:15

Ere um ayuwgad u rogon e ngongol romed. Dab um ngongolgad ni bod e girdi’ ndawori tamilangan’rad, machane ngu’um ngongolgad ni bod rogon e girdi’ nib gonop.

Jeremiah 10:11

Gimed e girdi’ e nga moged ngorad ni pi got nde sunmeg e fayleng nge lanelang e ran kirebnag. Nge par ndakriy bang u roy u fayleng ni yad bay riy.)

Psalms 16:4

Pi’in ka ra milgad ngak yugu boch e kan, e bo’or e gafgow ni ka ra girngiyed nga dakenrad. Dab gu un ngorad i pi’ e maligach, ma dab gu tayfan e pi got rorad.

Joshua 23:11

Ere nopa’med, ni nge t’uf romed SOMOL ni Got romed.

Joshua 22:5

Nopa’med ni ngam folgad ko fare motochiyel ni pi’ Moses ngomed: nge t’uf SOMOL ni Got romed, mi gimed rin’ e tin nib mag’an ngay, mi gimed fol ko pi motochiyel rok, mi gimed par ni gimed ba yul’yul’ ngak, mi gimed pigpig ngak u polo’ i gumircha’med ngu polo’ i lanin’med.”

Efesus 5:12

Mus ni ngan weliy murung’agen e pin’en nib mith ni yad be rin’ ma ba gel e tamra’ riy.)

Psalms 39:1

Mug ga’ar, “Bay gu kol’ayuw ko n’en ni gu be rin’ ma dab gu pag bolowtheg nge k’aring e denen ngog; Bay gu par ni dab gog ban’en, u charen e girdi’ nib kireb.”

Deuteronomy 4:15

“Nap’an ni non SOMOL ngomed u fithik’ fare nifiy ko Burey ni Sinai, ma dam guyed fon be’, ere ngam kol ayuwgad ngam micheged

Numbers 32:38

Nebo, Baal Meon (ni biney e fithingan e kan thilyeg), ngu Sibmah. Miyad tunguy fithingan e pi binaw nem ni kar fal’eged.

Exodus 23:24

Dab mu siro’gad ara mmeybilgad ara mu pigpiggad ngak e pi got rorad. Ma dab mu uned ko pi yalen e taliw rorad. Mu thirifed e pi got rorad u but’ mi gimed t’ar nga but’ e yu raba’ i malang rorad nib tabgul.

Exodus 23:32

Dab mu fal’eged e tha’ u thilmed nge pi girdi’ nem ara pi got rorad.

Deuteronomy 4:23

Ngam ayuwgad nge dab mu paged talin fare m’ag ni SOMOL ni Got romed e ke ngongliy u thilmed nge ir. Dariy bmit e liyos ni ngam ngongliyed ni bochan e keyog SOMOL ni Got romed ni dab mu rin’ed,

Deuteronomy 6:1

“Irera’ urngin fapi motochiyel ni SOMOL ni Got romed e keyog ngog ni nggu fil ngomed. Ngu’um folgad riy u lan e re nam ni ba’aram ni ngam marod ngay ngam pired riy.