Exodus 22:6 - Bible Ni Thothup

⁶ “Fa’anra be mo’oruf be’ u daken e milay’ rok me yan e nifiy u fithik’ e pan nge af ko milay’ rok be’ nge mo’oruf e woldug rok ni grain ni be tugul ara tin kan th’ab kan ulunguy nga but’, ma en ni tababnag fare nifiy e nge fulweg labgen e mogothgoth nike tay fare nifiy.

Exodus 22:6 Referans Kwoze

Exodus 22:9

“Gubin pa’ e oloboch ni murung’agen e tin nib milfan ngak be’ ndemturug ko garbaw, dongki, saf, fa mad, fa demturug e ren’en ni fen be’ nike yan nga bang, ma fa gali cha’ nra bagyow ma be yog ni ir e fen fa pi chugum, ara fak fapi gamanman e ngan fek row nga tagil’ e meybil. Ma cha’ rorow nra gagyelnag Got nib buch e rok e nge fulweg labgen fa pin’en ngak bagyow ni l’agruw yay.

Exodus 22:12

machane fa’anra kan iring fare gamanman, ma facha’ ni i ayweg fare gamanman e nge fulweg labgen ngak facha’ ni fak fare gamanman.

Matthew 7:16

Gimed ra nangrad ko ngongol rorad. Ya nochi ke gek’iy ni bay rachangalen e der k’uf ni grape, ma pan nib makenken e der k’uf ni fig.

Exodus 22:5

“Fa’anra pag be’ e gamanman rok ngar ked e pan u daken bangi flang ara bang i milay’ ni grape, mikyad thum’ nga daken e woldug rok yugu be’ ngar ked wom’ngin, ma thangri sulweg labgen e tin ke kay fare gamanman ko tin th’abi fel’ e grape ni fi’in nge grain.

Exodus 22:7

“Fa’anra pining be’ e kefel’ ngay ni nge ayuweg e salpiy ara tin ba tolang puluwon ni fen be’, min iring e pin’ey u naun rok, ma fa’an yira pir’eg e en nike mororo’ ma nge fulweg labgen ni l’agruw yay.