Exodus 22:31 - Bible Ni Thothup

³¹ “Gimed e tirog e girdi’, e thingar dab mu ked ufin ba gamanman nike li’ e gamanman ni malboch; mu pi’ed ko pilis.

Exodus 22:31 Referans Kwoze

Ezekiel 4:14

Machane mug ga’ar, “ SOMOL ni Th’abi Tolang, danga’! Dariy bangiyal’ ni kug alit nigeg. Ka nap’an e kugub bitir i yib ma dariy bangiyal’ ni kug way e ufin u ba gamanman ni yim’ ni bod rogon e gamanman nma yim’ fa li reb e gamanman ni malboch. Ma ku dawor gu way ba ggan nib alit.”

Levitikus 19:2

ni nge ga’ar ngak e girdi’ nu Israel, “Ngam pired ni gimed ba thothup, ya Gag SOMOL ni Got romed e gu ba thothup.

Acts 15:20

Machane ngad pi’ed e babyor nge yan ngorad, ni nga dogned ngorad ndab ra ked e ggan nde klin ni fan e kan pi’ ni maligach ko liyos nma meybil boch e girdi’ ngay; ma ngar ayuweged yad nge dab ra pired be’ ni gathi mabgol rorad; ma dab ra longuyed e gamanman nni uchuluy k’angan nge yim’, ara ra ked e racha’.

Ezekiel 44:31

Prist e thangri dabi kay bmit e arche’ ara ba gamanman ni yim’ fa ba gamanman ni li’ reb e gamanman.”

Deuteronomy 14:21

“Demturug e mit i gamanman ni yigi yim’ rok ma dab mu ked. Rayag ni ngam pi’ed nge kay e girdi’ nu boch e nam ni yad be par u fithik’med, fa mu pi’ed nchuway’ ngak be’ nu reb e nam. Machane gimed e bmilfamed ngak SOMOL ni Got romed; gimed e girdi’ rok. Ma dab mu lithed ba fak e saf fa ba fak e kaming u fithik’ i logowen e thuth rok e chitinngin.

Levitikus 22:8

Dabi kay e ufin u ba gamanman ni yigi yim’ rok ara ke li’ e gamanman ni malboch; ya ra ta’ay facha’. I Gag SOMOL.

Acts 10:14

Machane me ga’ar Peter, “Somol, dabiyag ni nggu rin’! Ya dawor gu longuy ban’en nib tagan ni ngan longuy ara de be’ech nrogon ni bay ko Motochiyel.”

Levitikus 20:25

Ere arfan ni thingar mu gagyel niged e tin be’ech e gamanman rok e tin ba alit, nge tin alit e arche’ rok e tin be’ech. Dab mu longuyed e gamanman nge pi arche’ nib alit. Ke m’ay i yog rog ni yad ba alit, are gimed ra languy miki gimed alit.

Levitikus 7:24

Mam rok ba gamanman ni yim’ ara reb e gamanman ni malboch e li’ nge yim’ e yug rayag ni ngan fanay nga boch ban’en, machane ri dab ni kay ufin.

Ezra 9:2

Pi pumo’on ni Jew e yad be le’engiy e ppin nu boch e nam, ere girdi’ rok Got nib thothup e kar alit niged yad. Pi tayugang’ nge pi tolang e yad e tapi kenggin e re denen ney.