Exodus 22:30 - Bible Ni Thothup

³⁰ Miki gimed pi’ ngog e tin ba pumo’on ma ba nganni’ u pifak e garbaw nge saf romed. Mu paged e bin nganni’ ni pumo’on nge par ko chitiningin ni medlip e rran, ma rofen nra gaman e meruk e rran ngay mi gimed pi’ ngog ni maligach.

Exodus 22:30 Referans Kwoze

Deuteronomy 15:19

“Mu ki’egned ngabang urngin e tin pumo’on ni nganni’ u pifak e garbaw nge saf romed ni fan ngak SOMOL ni Got romed; dab mu maruwelgad ngak e pi garbaw ney ma ku dab mu th’abed bunu’en reb e pi saf ney.

Levitikus 12:3

Ma re rran ni gaman e meruk fen ngay, ma fare tir e thingar ni maad’adnag ni bod ni yog e motochiyel rok Moses.

Exodus 13:12

ma thingar mu pi’ed ngak SOMOL e bin nganni’ u fakmed ni pumo’on. Gubin e tin ba nganni’ u fak e gamanman romed ni pumo’on e bmil suwon ngak SOMOL,

Levitikus 7:23

ni fan ngak yu Israel. Dab ra ked e mam ko garbaw fa saf ara kaming.

Levitikus 7:24

Mam rok ba gamanman ni yim’ ara reb e gamanman ni malboch e li’ nge yim’ e yug rayag ni ngan fanay nga boch ban’en, machane ri dab ni kay ufin.

Levitikus 7:26

Demturug e gin’en nra yan piyu Israel ra pired ngay, ma thingar dab ra ked e racha’ rok bmit arche’ nge gamanman.

Levitikus 11:44

I Gag SOMOL ni Got romed, ere thingar mu ted gimed ni gimed ba tabgul, ni bochan e gub thothup.

Levitikus 11:45

Ya Gag SOMOL e gu fekmed nga wuru’ yu Egypt ya nge yag ni nggu mang Got romed. Thingar mu thothupgad, ya gub thothup.

Levitikus 17:15

Ma demturug be’, nu Israel fa be’ nu bang nma par u fithik’rad, ni kay ufin ba gamanman ni yim’ ni rogon e yam’ fa li’ ba gamanman ni malboch, ma thingari luknag e mad rok, me maluk, me son nge mada ko blayal’ ma aram fini be’ech.

Levitikus 22:8

Dabi kay e ufin u ba gamanman ni yigi yim’ rok ara ke li’ e gamanman ni malboch; ya ra ta’ay facha’. I Gag SOMOL.

Deuteronomy 14:21

“Demturug e mit i gamanman ni yigi yim’ rok ma dab mu ked. Rayag ni ngam pi’ed nge kay e girdi’ nu boch e nam ni yad be par u fithik’med, fa mu pi’ed nchuway’ ngak be’ nu reb e nam. Machane gimed e bmilfamed ngak SOMOL ni Got romed; gimed e girdi’ rok. Ma dab mu lithed ba fak e saf fa ba fak e kaming u fithik’ i logowen e thuth rok e chitinngin.

Ezekiel 4:14

Machane mug ga’ar, “ SOMOL ni Th’abi Tolang, danga’! Dariy bangiyal’ ni kug alit nigeg. Ka nap’an e kugub bitir i yib ma dariy bangiyal’ ni kug way e ufin u ba gamanman ni yim’ ni bod rogon e gamanman nma yim’ fa li reb e gamanman ni malboch. Ma ku dawor gu way ba ggan nib alit.”