Exodus 22:27 - Bible Ni Thothup

²⁷ ya karimus e regi mad nma gulgul ngay. Fa mang e ka bay rok nra mol me gulgul ngay? Nap’an nra yornag e ayuw ngog, ma gu ra motoyil ngak, ya gu ma runguy e girdi’.

Exodus 22:27 Referans Kwoze

Exodus 34:6

Me th’ab SOMOL p’eowchen Moses me non ni ba ga’ laman ni ga’ar, “I Gag SOMOL, i gag ba Got ni gub sug ko murnguy mma kirban’ug, ma ba sowath ni gu ma damumuw ma gu ma dag e t’ufeg rog nib ga’ ma gub yul’yul’.

2 Kronicles 30:9

Fa’an gimed ra sul ngak SOMOL, ma aram e pi’in ni ka ra feked e girdi’ romed ngabang ni bogi kalbus e yad ra runguy ya’arad ngar pagedrad ngar sulod nga taferad. I SOMOL ni Got romed e ba gol ma ba murunguy, ma fa’an gimed ra sul ngak, ma gimed ra fel’ u wan’.”

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 72:12

Ma ayweg e pi’in gafgow ni yad ma pining, nge pi’in ke t’uf e ayuw rorad ma kan n’agrad.

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Exodus 22:23

Ya fa’an gimed ra gafgow nagrad, nri yorgad ngalang ngog ni nggu aywegrad, me Gag SOMOL, e gu ra rung’ag lamrad,

Isaiah 19:20

Galin’ey e bay i mang pow u lan yu Egypt ni bay SOMOL ni Gubin ma Rayag Rok u rom. Nap’an nra gafgow e girdi’ u rom miyad pining SOMOL ni nge ayuw, ma ra pi’ be’ ni nge aywegrad.

Deuteronomy 24:10

“Ra ning be’ ban’en ngomed ni ku ra fulweg, ma dab mman nga naun rok ngam fek e mad ni nge pi’ ngom ni talpen e richey ma dabi fulweg;

2 Samuel 16:5

Fa’ani taw David ni Pilung nga Bahurim, me yib be’ nib mo’on ni be’ rok Saul ngak ni Shimei fithingan, ni Gera e chitamngin, nike yib ni ngar mada’gow; nap’an ni be yib ma be yog e thin nib kireb ngak David.

1 Kings 2:8

“Ma ku bay Shimei nib mo’on ni fak Gera, ni be’ ko binaw nu Bahurim ko nug nu Benjamin. Rib kireb e thin ni i yog ngog fa rofen ni gu wan nga Mahanaim, ma fa’ani yib ko lul’ ni Jordan mu gu micheg ngak u fithingan SOMOL ni dab gu pag ngan li’ ngem’.

1 Kings 2:9

Machane ri dab mpag nge par ndab ni gechignag. Ga manang e n’en ni ngam rin’, thingar mu guy rogon ngan li’ ngem’.”

Eklesiastes 10:20

Dab mu thibthibnag e pilung, ni mus ni ngam kathkathnag madab mu rin’, ma dab mu thibthibnag e pi’in ni bfel’ rogon, ni mus ni fa’anra go’ gur u senggil rom. Ya richey me fek ba arche’ lungum nge yog ngorad.